№ 19 бұйрық (15.01.2016): толық мәтін және скачать

РҚАО-ның ескертпесі! Бұйрық 01.03.2016 ж. бастап қолданысқа енгізіледі.

"Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына , "Қазақстан Республикасында зейнетақымен қамсыздандыру туралы" Қазақстан Республикасы Заңының 7-бабының 6-4) тармақшасына сәйкес БҰЙЫРАМЫН:

Ескерту. Кіріспе жаңа редакцияда - ҚР Еңбек және халықты әлеуметтік қорғау министрінің 02.09.2022 № 343 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1. Қоса беріліп отырған "Азаматтарға арналған үкімет" мемлекеттік корпорациясының зейнетақымен және әлеуметтік қамсыздандыру саласындағы статистикалық және өзге де есепті ақпаратты ұсыну қағидалары бекітілсін;

2. Қазақстан Республикасы Денсаулық сақтау және әлеуметтік даму министрлігінің Әлеуметтік қамсыздандыру және әлеуметтік сақтандыру департаменті заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспа басылымдарында және "Әділет" ақпараттық-құқықтық жүйесінде ресми жариялауға, сондай-ақ Қазақстан Республикасы Нормативтік құқықтық актiлерiнiң эталондық бақылау банкіне енгізу үшін республикалық құқықтық ақпарат орталығына баспа және электрондық түрде жіберуді;

3) осы бұйрықты Қазақстан Республикасы Денсаулық сақтау және әлеуметтік даму министрлігінің интернет-ресурсында орналастыруды;

4) он жұмыс күні ішінде Қазақстан Республикасы Денсаулық сақтау және әлеуметтік даму министрлігінің Заң қызметі департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау Қазақстан Республикасының Денсаулық сақтау және әлеуметтік даму вице-министрі С.Қ. Жақыповаға жүктелсін.

4. Осы бұйрық 2016 жылғы 1 наурыздан бастап қолданысқа енгізіледі және ресми жариялануға тиіс.

КЕЛІСІЛДІ

Қазақстан Республикасының

Инвестициялар және даму министрі

___________________Ә. Исекешев

2016 жылғы "__" _____________

КЕЛІСІЛДІ

Қазақстан Республикасы

Ұлттық экономика министрлігі

Статистика комитеті төрағасының

міндетін атқарушы

______________________Б. Иманәлиев

2016 жылғы 21 қаңтар

"Азаматтарға арналған үкімет" мемлекеттік корпорациясының зейнетақымен және әлеуметтік қамсыздандыру саласындағы статистикалық және өзге де есепті ақпаратты ұсыну қағидалары

1-тарау. Жалпы ережелер

Ескерту. 1-тараудың тақырыбы жаңа редакцияда – ҚР Еңбек және халықты әлеуметтік қорғау министрінің 20.02.2019 № 87 (алғашқы ресми жарияланған күнінен кейін күнтізбелік он күн өткен соң кейін қолданысқа енгізіледі) бұйрығымен.

1. Осы "Азаматтарға арналған үкімет" мемлекеттік корпорациясының зейнетақымен және әлеуметтік қамсыздандыру саласындағы статистикалық және өзге де есептік ақпаратты ұсыну қағидалары (бұдан әрі – Қағидалар) "Қазақстан Республикасында зейнетақымен қамсыздандыру туралы" Қазақстан Республикасы Заңының 7-бабының 6-4) тармақшасына сәйкес әзірленді.

Ескерту. 1-тармақ жаңа редакцияда - ҚР Еңбек және халықты әлеуметтік қорғау министрінің 02.09.2022 № 343 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

2. Қағидалар "Азаматтарға арналған үкімет" мемлекеттік корпорациясының зейнетақымен және әлеуметтік қамсыздандыру саласындағы статистикалық және өзге де есепті ақпаратты ұсыну тәртібін айқындайды.

3. Осы Қағидаларда мынадай ұғымдар пайдаланылады:

1) "Азаматтарға арналған үкімет" мемлекеттік корпорациясы (бұдан әрі – Мемлекеттік корпорация) – Қазақстан Республикасының заңнамасына сәйкес мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді және квазимемлекеттік сектор субъектілерінің қызметтерін көрсету, "бір терезе" қағидаты бойынша мемлекеттік қызметтерді, табиғи монополиялар субъектілерінің желілеріне қосуға арналған техникалық шарттарды беру жөніндегі қызметтерді, квазимемлекеттік сектор субъектілерінің қызметтерін көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру, сондай-ақ мемлекеттік қызметтерді электрондық нысанда көрсетуді қамтамасыз ету үшін Қазақстан Республикасы Үкіметінің шешімі бойынша құрылған, орналасқан жері бойынша жылжымайтын мүлікке құқықтарды мемлекеттік тіркеуді жүзеге асыратын заңды тұлға;

2) әкімшілік деректер – алғашқы статистикалық деректерді қоспағанда, әкімшілік дереккөздер қалыптастыратын жеке немесе заңды тұлға жөніндегі жеке-дара сандық және (немесе) сапалық деректер және шаруашылық бойынша есепке алу деректері.

Ескерту. 3-тармаққа өзгеріс енгізілді – ҚР Еңбек және халықты әлеуметтік қорғау министрінің 20.02.2019 № 87 (алғашқы ресми жарияланған күнінен кейін күнтізбелік он күн өткен соң кейін қолданысқа енгізіледі) бұйрығымен.

2-тарау. "Азаматтарға арналған үкімет" мемлекеттік корпорациясының зейнетақымен және әлеуметтік қамсыздандыру саласындағы статистикалық және өзге де есептік ақпаратты ұсыну тәртібі

Ескерту. 2-тараудың тақырыбы жаңа редакцияда – ҚР Еңбек және халықты әлеуметтік қорғау министрінің 20.02.2019 № 87 (алғашқы ресми жарияланған күнінен кейін күнтізбелік он күн өткен соң кейін қолданысқа енгізіледі) бұйрығымен.

4. Мемлекеттік корпорация есептік ақпаратты Қазақстан Республикасының Еңбек және халықты әлеуметтік қорғау министрлігіне әкімшілік нысандарға және оларды толтыру жөніндегі түсіндірмелерге сәйкес осы Қағидаларға 1 , 2 , 3 , 4 , 5 , 6 , 7 , 8 , 9 , 10 , 11 , 12 , 13 , 14 , 15 , 16 , 17 , 18 , 19 , 20 , 21 , 22 , 23 , 24 , 25 , 26 , 27 , 28 , 29 , 30 , 31 , 32 , 33 , 34 , 35 , 36 , 37 , 38 , 39 , 40 , 41 , 42 және 43-қосымшаларға сәйкес ұсынады.

Ескерту. 4-тармақ жаңа редакцияда – ҚР Еңбек және халықты әлеуметтік қорғау министрінің 20.02.2019 № 87 (алғашқы ресми жарияланған күнінен кейін күнтізбелік он күн өткен соң кейін қолданысқа енгізіледі) бұйрығымен.

5. Мемлекеттік корпорация басшысының орынбасары немесе ол болмаған жағдайда оның міндеттерін уақытша атқаратын адам хабарланатын мәліметтерді ұсынуға және дұрыстығына жауапты және әкімшілік деректерді жинауға арналған нысандарға қол қою құқығы бар адам болып табылады.

6. Әкімшілік деректерді жинауға арналған нысандарды ұсыну мерзімі олардың титулдық беттерінде көрсетілген. Ұсыну күнін адресат тіркейді. Егер ұсыну мерзімінің соңғы күні жұмыс істемейтін күнге сәйкес келсе, одан кейінгі жұмыс күні ұсыну мерзімінің аяқталған күні болып есептеледі.

7. Әкімшілік деректерді жинауға арналған нысандар тиісті нысандарды толтыру жөніндегі түсіндірмелерге сәйкес толтырылады.

8. Деректер:

1) қағаз жеткізгіштерде қолма-қол немесе почта байланысының қызметтері арқылы ұсынылады. Почта кәсіпорнының штемпелінде көрсетілген жіберу күні ұсыну күні болып табылады;

2) электрондық цифрлық қолтаңбаны растау рәсімін сақтай отырып байланыс арналары арқылы электрондық түрде ұсынылады.

Әкімшілік деректердің нысаны интернет - ресурста орналастырылған: https://www.gov.kz/memleket/entіtіes/enbek/documents/detaіls/57830?lang=kz Зейнетақылар мен жәрдемақыларды алушылардың саны және оларға тағайындалған айлық зейнетақылар мен жәрдемақылардың сомасы туралы есеп

Ескерту. 1-қосымша жаңа редакцияда - ҚР Еңбек және халықты әлеуметтік қорғау министрінің 02.09.2022 № 343 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Индексі: 3-соц

Кезеңділігі: жартыжылдық

Ұсынатын тұлғалар тобы: "Азаматтарға арналған үкімет" мемлекеттік корпорациясы

Кімге ұсынылады: Қазақстан Республикасы Еңбек және халықты әлеуметтік қорғау министрлігі

Ұсыну мерзімі: 30 қаңтарға және 30 шілдеге дейін

1-Бөлім. Зейнетақы мен жәрдемақы алушылардың саны және оларға тағайындалған айлық зейнетақылар мен жәрдемақылардың сомасы 20__ жылғы __ жартыжылдық.

2–Бөлім. Мемлекеттік әлеуметтік жәрдемақы алушылардың саны және оларға тағайындалған айлық жәрдемақылардың сомасы 20__ жылғы __ жартыжылдық

3 – Бөлім. Әлеуетті құрылымдар қатарындағы зейнетақы мен жәрдемақы алушылардың саны және оларға тағайындалған айлық зейнетақы мен жәрдемақылардың сомасы 20__ жылғы __ жартыжылдық

4 – Бөлім. Арнаулы мемлекеттік жәрдемақы алушылардың саны және оларға тағайындалған айлық жәрдемақылардың сомасы 20__ жылғы __ жартыжылдық.

5 – Бөлім. Мемлекеттік арнаулы жәрдемақы алушылардың саны және оларға тағайындалған айлық жәрдемақылардың сомасы 20__ жылғы __ жартыжылдық

6-Бөлім. Жас санаттары бойынша әйелдер мен ер адамдар туралы мәліметтер

1-Бөлім. Зейнетақы мен жәрдемақы алушылардың саны және оларға тағайындалған айлық зейнетақылар мен жәрдемақылардың сомасы 20__ жылғы __ жартыжылдық.