№ ҚР ДСМ-196/2020 бұйрық (16.11.2020): толық мәтін және скачать

"Халық денсаулығы және денсаулық сақтау жүйесі туралы" Қазақстан Республикасы кодексінің 86-бабының 9-тармағына сәйкес БҰЙЫРАМЫН:

Ескерту. Кіріспе жаңа редакцияда – ҚР Денсаулық сақтау министрінің 13.03.2024 № 9 (01.01.2025 бастап қолданысқа енгізіледі) бұйрығымен.

1. Қоса беріліп отырған Жеке медициналық кітапшаларды беру, есепке алу және жүргізу қағидалары бекітілсін.

2. Мынадай:

1) "Жеке медициналық кітапшаларды беру, есепке алу және жүргізу қағидаларын бекіту туралы" Қазақстан Республикасы Ұлттық экономика министрінің міндетін атқарушының 2015 жылғы 24 ақпандағы № 126 бұйрығының (Нормативтік құқықтық актілерді мемлекеттік тіркеу тізілімінде № 10638 болып тіркелген, "Әділет" ақпараттық-құқықтық жүйесінде 2015 жылғы 18 мамырда жарияланған);

2) "Халықтың декреттелген тобындағы адамдарды гигиеналық оқыту қағидаларын және Халықтың декреттелген тобындағы адамдарды гигиеналық оқыту бағдарламаларын бекіту және "Жеке медициналық кітапшаларды беру, есепке алу және жүргізу қағидаларын бекіту туралы" Қазақстан Республикасы Ұлттық экономика министрінің міндеттерін атқарушының 2015 жылғы 24 ақпандағы № 126 бұйрығына өзгеріс пен толықтыру енгізу туралы" Қазақстан Республикасы Денсаулық сақтау министрінің 2018 жылғы 12 сәуірдегі № 168 бұйрығы 3-тармағының (Нормативтік құқықтық актілерді мемлекеттік тіркеу тізілімінде № 16929 болып тіркелген, Қазақстан Республикасының Нормативтік құқықтық актілерінің эталондық бақылау банкінде 2018 жылғы 6 маусымда жарияланған) күші жойылды деп танылсын.

3. Қазақстан Республикасы Денсаулық сақтау министрлігінің Санитариялық-эпидемиологиялық бақылау комитеті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Денсаулық сақтау министрлігінің интернет-ресурсында орналастыруды;

3) осы бұйрық мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Денсаулық сақтау министрлігінің Заң департаментіне ұсынуды қамтамасыз етсін.

4. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Жеке медициналық кітапшаларды беру, есепке алу және жүргізу қағидалары

Ескерту. Қағидалар жаңа редакцияда көзделген – ҚР Денсаулық сақтау министрінің 13.03.2024 № 9 (01.01.2025 бастап қолданысқа енгізіледі) бұйрығымен.

1-тарау. Жалпы ережелер

1. Осы Жеке медициналық кітапшаларды беру, есепке алу және жүргізу қағидалары (бұдан әрі – Қағидалар) "Халық денсаулығы және денсаулық сақтау жүйесі туралы" Қазақстан Республикасы Кодексінің 86-бабының 9-тармағына сәйкес әзірленді және жеке медициналық кітапшаларды берудің, есепке алудың және жүргізудің бірыңғай тәртібін айқындайды.

2. Қағидаларда мынадай ұғымдар пайдаланылады:

1) жеке медициналық кітапша (бұдан әрі – ЖМК) – жұмысқа жіберу туралы белгі қойылып, міндетті медициналық қарап-тексерулердің нәтижелері енгізілетін,түрі мен ақпаратын (деректерін) электрондық-цифрлық нысанда толық жаңғыртатын дербес құжат;

2) жеке медициналық кітапша модулі (бұдан әрі – ЖМК модулі) – жеке медициналық кітапшаны тіркеуге, сақтауға, беруге, іздеуге, таратуға, пайдалануға және есепке алуға арналған медициналық ақпараттық жүйенің ақпараттық блогы;

3) медициналық ақпараттық жүйе (бұдан әрі – МАЖ) – зертханалық ақпараттық жүйелерге функционалдылық бере отырып, денсаулық сақтау субъектілерінің процестерін электрондық форматта жүргізуді қамтамасыз ететін және/немесе медициналық ұйымның медициналық ұйымда пайдаланылатын зертханалық ақпараттық жүйемен өзара іс-қимыл сервистерін ұсынуын қамтамасыз ететін ақпараттық жүйе.

2-тарау. Жеке медициналық кітапшаны беру тәртібі

3. ЖМК жұмысқа жіберу туралы белгі қойылып беріледі және қызметкердің электрондық цифрлық қолтаңбасы (бұдан әрі – ЭЦҚ) және денсаулық сақтау субъектісінің QR-коды арқылы куәландырылады.

4. ЖМК беруді меншік нысанына және ведомстволық тиесілілігіне қарамастан, медициналық қызметке лицензиясы бар және ақпараттық жүйеде тіркелген ресурстарды басқару жүйесі бар медициналық ұйымдар жүзеге асырады.

5. Міндетті медициналық қарап-тексеруді жүзеге асыратын денсаулық сақтау субъектісі басшысының шешімімен міндетті медициналық қарап-тексеру және зертханалық зерттеулер нәтижелері бойынша ЖМК-ны есепке алу, жүргізу және беру бойынша орындауға/тиісінше орындамауға жауапты тұлға (терапевт дәрігер) (бұдан әрі – маман) тағайындалады.

6. Жеке басын куәландыратын құжаттар туралы мәліметтер тиісті мемлекеттік ақпараттық жүйелерден синхрондау жолымен ЖМК модуліне көшіріледі. Ақпараттық жүйелерде тиісті мәліметтер болмаған кезде деректер қолмен енгізіледі.

7. Дәрігерлік тексерулер мен зертханалық зерттеулердің нәтижелері Қағидаларға 1-қосымшаға сәйкес МАЖ-дан синхрондау жолымен ЖМК модуліне көшіріледі.

8. Инфекциялық немесе паразиттік ауруын диагностикалау, сондай-ақ жұмысқа жіберуге қарсы көрсетілім болып табылатын инфекциялық аурулар қоздырғыштарының тасымалдануы анықталған кезде маман емделу үшін ЖМК иесін тұрғылықты жері бойынша медициналық-санитариялық алғашқы көмек көрсететін тиісті медициналық ұйымға жібереді.

3-тарау. Жеке медициналық кітапшаны есепке алу және жүргізу тәртібі

9. ЖМК есепке алу Қағидаларға 2-қосымшаға сәйкес нысан бойынша МАЖ-дағы электрондық есепке алу журналында жүргізіледі.

10. ЖМК иесінің таңдауы бойынша ЖМК қазақ немесе орыс тілдерінде толтырылады.

11. ЖМК иесінің фотосуреті тиісті мемлекеттік ақпараттық жүйелерден синхрондау жолымен ЖМК-ға көшіріледі, медициналық тексеру жүзеге асырылатын денсаулық сақтау субъектісінің QR-кодымен бекітіледі. Ақпараттық жүйелерде фотосурет болмаған кезде тасымалдағыштан қолмен енгізіледі.

12. Паспорттық деректерде жеке куәлік немесе паспорт бойынша ЖМК иесі туралы мәліметтер көрсетіледі.

13. ЖМК иесі туралы мәліметтерде ЖМК иесінің кәсібі мен лауазымы, жұмыс орны, туған күні, тұрғылықты жері көрсетіледі.

14. Инфекциялық аурулармен бұрын ауырғандығы туралы мәліметтер МАЖ-ден синхрондау жолымен ЖМК-ға көшіріледі.

15. Медициналық дәрігерлік қарап-тексеру нәтижелері бойынша терапевтің тегін, атын және әкесінің атын (бар болса) (бұдан әрі – Т.А.Ә.) көрсете отырып, жеке ЭЦҚ-мен бекітілген қорытынды енгізеді.

16. ЭЦҚ-мен бекітілген бейінді дәрігердің рентгенологиялық тексеру нәтижесі және қорытындысы МАЖ синхрондау жолымен ЖМК-ға көшіріледі.

17. ЭЦҚ-мен бекітілген дерматовенеролог дәрігерінің венерологиялық ауруларды зертханалық зерттеу нәтижесі және қорытындысы МАЖ-дан синхрондау арқылы ЖМК-ға көшіріледі.

18. Профилактикалық екпелер туралы мәліметтер МАЖ-дан синхрондау жолымен ЖМК ға көшіріледі.

19. Патогенді стафилококкты тасымалдауға, гельминт жұмыртқаларына, бактериологиялық зерттеуге және вирустық гепатит маркерлеріне, АИТВ-ға зерттеу нәтижелері МАЖ-дан синхрондау арқылы ЖМК-ға көшіріледі. Маман жеке ЭЦҚ-мен бекітілген қорытындысын енгізеді.

20. ЖМК-да маманның Т.А.Ә. (бар болса), ЭЦҚ және денсаулық сақтау субъектісінің QR-кодын көрсете отырып, жұмысқа жіберу мерзімдері көрсетіледі.

21. Мәліметтердің дұрыс жазылмағаны анықталған кезде түзетулерді оған тиісті жазба енгізіліп, оның жеке ЭЦҚ-мен куәландырылған денсаулық сақтау субъектісінің қызметкері жүргізеді.

Үлгі

Жеке медициналық кітапша

1-бөлім. Паспорт деректері/Раздел 1. Паспортные данные

Сурет орны/Место фотографии

1) Тегі /Фамилия ___________________________________________________________

2) Аты/ Имя _______________________________________________________________

3) Әкесінің аты (бар болса)/Отчество (при наличии) ______________________________

4) ______________ № _______________________________ жеке куәліктің, паспорттың

сериясы/ нөмірі серия /номер удостоверения личности паспорта

5) Жеке медициналық кітапшаның сериясы/Серия личной медицинской книжки № ___

2-бөлім. Жеке медициналық кітапшаның иесі туралы мәліметтер/Раздел 2. Сведения о

владельце личной медицинской книжки

1) Негізгі мамандығы/Основная профессия _____________________________________

2) Лауазымы/Должность _____________________________________________________

3) Жұмыс орны/Место работы ________________________________________________

4) Туған жылы, айы, күні/Дата, месяц, год рождения _____________________________

5) Мекен-жайы/Место жительства ________________________________ ____________

3-бөлім. Инфекциялық аурулармен бұрын ауырғандығы туралы деректер/Раздел 3.

Данные о перенесенных инфекционных заболеваниях

Бұрын ауырған инфекциялық аурулар/Ранее перенесенные инфекционные заболевания

__________________________________________________________________________

__________________________________________________________________________

__________________________________________________________________________

4-бөлім. Дәрігерлік тексеріп-қарау нәтижесі, терапевт/Раздел 4. Результат врачебного осмотра, терапевт

5-бөлім. Туберкулезге тексеру нәтижесі/Раздел 5. Результат обследования на туберкулез

6-бөлім. Жыныс ауруларына дәрігерлік тексеріп-қарау және зертханалық зерттеудің нәтижесі, дерматовенеролог/Раздел 6. Результат врачебного осмотра и лабораторного исследования на венерические заболевания, дерматовенеролог

7-бөлім. Профилактикалық екпелер туралы мәліметтер/Раздел 7. Сведения о профилактических прививках

Инфекциялық аурурға қарсы вакцинация/Вакцинация против инфекционного заболевания __________________________________________________________________________

Препаратты енгізу күні/Дата введения препарата " " ___________ жыл/года

8-бөлім. Патогенді стафилококты тасымалдауға зерттеу нәтижесі/Раздел 8. Результат исследования на носительство патогенного стафилококка

9-бөлім. Гельминт жұмыртқаларына зерттеу нәтижесі/Раздел 9. Результат исследования на яйца гельминтов

10-бөлім. Бактериологиялық зерттеу нәтижесі/Раздел 10. Результат бактериологического исследования

11-бөлім. Вирустық гепатиттер, адамның иммун тапшылығы вирусы маркерлеріне зерттеу нәтижесі/Раздел 11. Результат обследования на маркеры вирусных гепатитов, вирус иммунодифицита человека

12-бөлім. Жұмыс істеуге рұқсат/Раздел 13. Допуск к работе

Нысан

Жеке медициналық кітапшаларды есепке алу журналы/Журнал учета личных медицинских книжек