№ ҚР ДСМ-120 бұйрық (19.11.2021): толық мәтін және скачать

ЗҚАИ-ның ескертпесі! Осы бұйрықтың қолданысқа енгізілу тәртібін 4 т . қараңыз

БҰЙЫРАМЫН:

1. Қоса беріліп отырған Қазақстан Республикасы Денсаулық сақтау министрлігінің өзгерістер мен толықтырулар енгізілетін кейбір бұйрықтарының тізбесі (бұдан әрі – тізбе) бекітілсін.

2. Қазақстан Республикасы Денсаулық сақтау министрлігінің Міндетті әлеуметтік медициналық сақтандыруды үйлестіру департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты ресми жарияланғаннан кейін оны Қазақстан Республикасы Денсаулық сақтау министрлігінің интернет-ресурсында орналастыруды;

3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

4. Осы бұйрық алғашқы ресми жарияланған күнінен бастап қолданысқа енгізіледі және 2021 жылғы 1 қазаннан бастап туындаған құқықтық қатынастарға қолданылатын, тізбенің 1-тармақтың екінші, үшінші, төртінші, бесінші, жетінші, сегізінші және тоғызыншы абзацтарды қоспағанда, 2021 жылғы 1 қарашадан бастап туындаған құқықтық қатынастарға қолданылады.

Қазақстан Республикасы Денсаулық сақтау министрлігінің өзгерістер мен толықтырулар енгізілетін кейбір бұйрықтарының тізбесі (бұдан әрі – Тізбе)

1. "Тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде ұсынылатын медициналық қызметтерге тарифтерді бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-170/2020 бұйрығына (Нормативтік құқықтық актілерді мемлекеттік тіркеу тізілімінде № 21550 болып тіркелген) мынадай өзгерістер енгізілсін:

көрсетілген бұйрыққа 1-қосымшада бекітілген ақы төлеу клиникалық-шығындық топтар бойынша жүзеге асырылатын тегін медициналық көмектің кепілдік берілген көлемі шеңберіндегі және (немесе) міндетті әлеуметтік медициналық сақтандыру жүйесіндегі медициналық қызметтерге арналған тарифтер осы Тізбеге 1-қосымшаға сәйкес жаңа редакцияда жазылсын;

көрсетілген бұйрыққа 2-қосымшада бекітілген ақы төлеу акушерлік-гинекологиялық бейін бойынша емделіп шығу жағдайының күрделілігін ескере отырып, клиникалық-шығындық топтар бойынша жүзеге асырылатын, тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде ұсынылатын медициналық қызметтерге тарифтер осы Тізбеге 2-қосымшаға сәйкес жаңа редакцияда жазылсын;

көрсетілген бұйрыққа 3-қосымшада бекітілген ақы төлеу неонатологиялық бейін бойынша емделіп шығу жағдайының күрделілігін ескере отырып клиникалық-шығындық топтар бойынша жүзеге асырылатын, тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде ұсынылатын медициналық қызметтерге тарифтер осы Тізбеге 3-қосымшаға сәйкес жаңа редакцияда жазылсын;

көрсетілген бұйрыққа 8-қосымшада бекітілген ақы төлеу медициналық-санитариялық алғашқы көмек көрсету кезінде жүзеге асырылатын тегін медициналық көмектің кепілдік берілген көлемі шеңберіндегі және (немесе) міндетті әлеуметтік медициналық сақтандыру жүйесіндегі медициналық қызметтерге арналған тарифтер осы Тізбеге 4-қосымшаға сәйкес жаңа редакцияда жазылсын;

көрсетілген бұйрықпен бекітілген 9-қосымша осы Тізбеге 5-қосымшаға сәйкес жаңа редакцияда жазылсын;

көрсетілген бұйрыққа 16-қосымшада бекітілген тегін медициналық көмектің кепілдік берілген көлемі шеңберінде жедел медициналық көмек станциясы үшін бекітілген бір адамға санитариялық автокөлік көрсететін білікті мамандарды тарта отырып, жедел медициналық көмектің және медициналық көмектің жан басына шаққандағы нормативі осы Тізбеге 6-қосымшаға сәйкес жаңа редакцияда жазылсын;

көрсетілген бұйрыққа 20-қосымшада бекітілген стационарлық жағдайда көрсететін медициналық ұйымдардың қабылдау бөлімшелеріне арналған клиникалық-шығындық топтар бойынша ақы төлеу жүзеге асырылатын, тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде ұсынылатын медициналық қызметтерге тарифтер осы Тізбеге 7-қосымшаға сәйкес жаңа редакцияда жазылсын.

көрсетілген бұйрықпен бекітілген 21-қосымша осы Тізбеге 8-қосымшаға сәйкес жаңа редакцияда жазылсын.

2. "Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көрсетілетін қызметтердің көлемін жоспарлау қағидаларын бекіту туралы" Қазақстан Республикасы Денсаулық сақтау министрінің 2020 жылғы 20 желтоқсандағы № ҚР ДСМ-290/2020 бұйрығына (Нормативтік құқықтық актілерді мемлекеттік тіркеу тізілімінде № 21844 болып тіркелген) мынадай өзгерістер енгізілсін:

преамбула мынадай редакцияда жазылсын:

""Халық денсаулығы және денсаулық сақтау жүйесі туралы" Қазақстан Республикасы Кодексінің 7-бабының 63) тармақшасына сәйкес БҰЙЫРАМЫН: ";

Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көрсетілетін қызметтердің көлемін жоспарлау қағидаларында :

1-тармақ мынадай редакцияда жазылсын:

"1. Осы Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық қызметтердің көлемін жоспарлау қағидалары (бұдан әрі – Қағидалар) "Халық денсаулығы және денсаулық сақтау жүйесі туралы" Қазақстан Республикасы Кодексінің (бұдан әрі – Кодекс) 7-бабының 63) тармақшасына сәйкес әзірленді және тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық қызметтердің көлемін жоспарлау тәртібін айқындайды.";

164-тармақ мынадай редакцияда жазылсын:

"164. Қазақстан Республикасының халқына онкологиялық көмек көрсету бюджетін жоспарлау кезінде есеп жүргізіледі:

1) облыстар және республикалық маңызы бар қалалар деңгейінде:

тарифтерге қызметтердің болжамды көлемін шығару жолымен амбулаториялық жағдайда мамандандырылған медициналық көмек көрсету бойынша;

АХЖ-10 сыныбы бойынша өткен кезең үшін емделген бір жағдайдың орташа құнын АХЖ-10 сыныбы бөлінісінде емдеуге жатқызу жағдайларының жоспарлы санына көбейту жолымен стационарлық жағдайда мамандандырылған медициналық көмек көрсету бойынша;

АХЖ-10 сыныбы бойынша өткен кезең үшін емделген бір жағдайдың орташа құнын АХЖ-10 сыныбы бөлінісінде емдеуге жатқызу жағдайларының жоспарлы санына көбейту жолымен стационарды алмастыратын жағдайда мамандандырылған медициналық көмек көрсету бойынша;

2) онкологиялық науқастарға медициналық-әлеуметтік көмек көрсетудің облыстық бюджеттерін қорытындылау арқылы республикалық деңгейде есептелінеді.".

3. "Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінің қызметтеріне ақы төлеу қағидаларын бекіту туралы" Қазақстан Республикасы Денсаулық сақтау министрінің 2020 жылғы 20 желтоқсандағы № ҚР ДСМ-291/2020 бұйрығына (Нормативтік құқықтық актілерді мемлекеттік тіркеу тізілімінде № 21831 болып тіркелген) мынадай өзгерістер мен толықтырулар енгізілсін:

преамбула мынадай редакцияда жазылсын:

""Халық денсаулығы және денсаулық сақтау жүйесі туралы" Қазақстан Республикасының Кодексінің 69-бабының 2-тармағына сәйкес БҰЙЫРАМЫН: ";

Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінің көрсетілетін қызметтеріне ақы төлеу қағидаларында :

1-тармақ мынадай редакцияда жазылсын:

"1. Осы Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінің көрсетілетін қызметтеріне ақы төлеу қағидалары (бұдан әрі – Қағидалар) "Халық денсаулығы және денсаулық сақтау жүйесі туралы" Қазақстан Республикасының Кодексінің (бұдан әрі – Кодекс) 69-бабының 2-тармағына сәйкес әзірленді және тегін медициналық көмектің кепілдік берілген көлемі шеңберінде (бұдан әрі – ТМККК) және міндетті әлеуметтік медициналық сақтандыру жүйесінде (бұдан әрі – МӘМС) денсаулық сақтау субъектілерінің көрсетілетін қызметтеріне ақы төлеу тәртібін айқындайды.";

2-тармақтың 8) тармақшасы алып тасталсын;

26-тармақ мынадай редакцияда жазылсын:

"26. Осы Қағидаларға 1-қосымшаға сәйкес нысан бойынша ақы төлеу нәтижелері бойынша қор тоқсан сайын тиісті салыстыру актісін қалыптастыра отырып, көрсетілетін қызметтерді сатып алу шарттары бойынша медициналық қызметтер мен қаржылық міндеттемелердің орындалуын салыстыруды жүзеге асырады.

Салыстырып тексеру актісінде жол берілмейтін өлім жағдайларын және медициналық қызметтер көлемінің орындалмауын қоспағанда, сапа және көлем мониторингінің нәтижелері бойынша көрсетілетін қызметтерді сатып алу шартының азаю көлемі мен сомасы көрсетіледі.";

39-тармақ алып тасталсын;

42-тармақ мынадай редакцияда жазылсын:

"42. Жедел медициналық көмек көрсеткені үшін шот-тізілім осы Қағидаларға 1-1-қосымшаға сәйкес нысан бойынша "БТЖ" АЖ-да қолмен немесе автоматтандырылған режимде (бұдан әрі – жедел медициналық көмек көрсеткені үшін шот-тізілім) қалыптастырылады.";

80-тармақ алынып тасталсын;

97-тармақ мынадай редакцияда жазылсын:

"97. Бейінді емес стационарларда туберкулездің диагнозын алғаш анықтаған кезде емделіп шығу жағдайы үшін ақы төлеу негізгі диагноздың немесе операцияның тиісті КШТ құны бойынша жүзеге асырылады.

Бейінді емес стационарларда онкологиялық ауру алғаш рет анықталған кезде емделген жағдай үшін ақы төлеу осы Қағидалардың 166-1-тармағына сәйкес негізгі диагноздың немесе операцияның тиісті КШТ құны бойынша жүзеге асырылады.";

104-тармақ мынадай редакцияда жазылсын:

"104. Тарифтер бойынша күндізгі стационар жағдайында гемодиализ қызметтері үшін ақы төлеу медициналық ақпараттық жүйелерде тіркелген пациенттерге интеграциялау арқылы "СНЭТ" АЖ-ға деректерді беру арқылы нақты көрсетілген сеанстар үшін жүргізіледі.";

106-тармақ мынадай редакцияда жазылсын:

"106. Гемодиализ қызметтеріне мұқтаж пациентті "СНЭТ" АЖ-да тіркеуді гемодиализ қызметтерін беруші пациенттің еркін таңдауы мен еркін нысанда жазылған жеке өтінішінің негізінде және "ДНЭТ" АЖ-дан медициналық ақпараттық жүйеге енгізілетін деректерді тексергеннен кейін жүзеге асырады.";

123-тармақ алып тасталсын:

127-тармақ мынадай редакцияда жазылсын:

"127. Күндізгі стационар жағдайында лимфоидты және қан өндіру тіндерінің қатерлі ісіктері бар науқастарға медициналық қызметтер көрсететін қызметтер берушілерге ақы төлеу:

1) стационарлық көмектің шығын сыйымдылығы коэффициентін ескере отырып және нақты шығындар бойынша химиялық препараттардың құнын төлеумен КШТ бойынша бір емделіп шығу жағдайы үшін тарифтің 1/4 (төрттен бір) тарифі бойынша химиотерапия сеансы үшін;

2) стационарлық көмектің шығын сыйымдылығы коэффициентін ескере отырып және сәулелік терапияның нақты көрсетілген сеанстарының құнын төлеумен КШТ бойынша бір емделіп шығу жағдайы үшін тарифтің 1/4 (төрттен бір) тарифі бойынша сәулелік терапия көрсету кезінде;

3) стационарлық көмектің шығын сыйымдылығы коэффициентін ескере отырып және нақты шығындар бойынша химиялық препараттардың құнын және сәулелік терапияның нақты көрсетілген сеанстарының құнын өтей отырып, КШТ бойынша бір емделіп шығу жағдайы үшін тарифтің 1/4 (төрттен бір) тарифі бойынша химиялық және сәулелік терапия сеанстары үшін жүргізіледі.

Есепті кезеңдегі 1 (бір) науқасқа арналған химиотерапия мен сәулелік терапияның барлық сеанстары бір емделіп шығу жағдайы ретінде есептеледі.";

148 , 149 және 150-тармақтар мынадай редакцияда жазылсын:

"148. Қызметтер берушілердің ақылары – біріншілік, екіншілік, үшіншілік деңгейлерде көрсетілетін қызметтеріне ақы төлеу көрсетілетін қызметтерді сатып алу шартында көзделген соманың шегінде:

1) лимфоидты және қан түзетін тіндердің қатерлі ісіктерінің кодтарын (АХЖ-10 кодтарына сәйкес: C81-C96, D45-D47) қоспағанда, ісіктермен онкологиялық науқастарға (АХЖ-10 кодтарына сәйкес: C00-C80, С97, D00-D09, D37-D44, D48) стационарлық және стационарды алмастыратын жағдайларда мамандандырылған медициналық көмек көрсеткені үшін шығынды қажетсіну коэффициентін ескере отырып, КШТ бойынша бір емделген жағдай үшін тариф бойынша;

2) ісіктерді емдеу мен анықтау диагностикасы үшін амбулаториялық жағдайларда мамандандырылған медициналық көмек көрсеткені үшін және екіншілік, үшіншілік деңгейлерде онкологиялық науқастарды динамикалық бақылау кезінде;

3) ерекше ем жүргізуге мүмкіндік бермейтін, ауырлататын ілеспе патологиясы бар IV клиникалық топтағы онкологиялық науқастарға мобильдік бригадалардың паллиативтік көмек көрсеткені үшін тарифтер бойынша;

4) ісіктермен науқастарға онкологиялық көмек көрсетудің екіншілік, үшіншілік деңгейлерде телепатология жүйесі арқылы ісіктердің биоүлгілеріне халықаралық телеконсультация өткізгені үшін тарифтер бойынша;

5) онкологиялық көмек көрсетудің екіншілік, үшіншілік деңгейлерде молекулалық-генетикалық және молекулалық-биологиялық диагностиканы жүргізгені үшін тарифтер бойынша;

6) Қазақстан Республикасы Үкіметінің 2018 жылғы 29 маусымдағы № 395 қаулысымен бекітілген Қазақстан Республикасында онкологиялық ауруларға қарсы күрес жөніндегі 2018 – 2022 жылдарға арналған кешенді жоспар іс – шараларын іске асыру шеңберінде сәулелік жабдықты қайта зарядтау және иондаушы сәулеленуге сервистік қызмет көрсету қызметтерін жүргізгені үшін - нақты шығыстар бойынша.

149. Қызметтерді сатып алу шарттарының, сондай-ақ оларға қосымша келісімдердің автоматтандырылған есебі:

1) осы Қағидалардың 148 – тармағының 1), 3-6) тармақшалары бойынша "ОНЭТ" АЖ-да жүзеге асырылады;

2) осы Қағидалардың 148-тармағының 2) тармақшасы бойынша "БТЖ" АЖ-да жүзеге асырылады.

150. Лимфоидты және қан түзетін тіндердің қатерлі ісіктерін қоспағанда, ісіктері бар науқастарға стационарлық және стационарды алмастыратын жағдайларда мамандандырылған медициналық көмек көрсеткені үшін ақы төлеу шығынды қажетсіну коэффициентін ескере отырып, КШТ бойынша бір емделген жағдай үшін жүзеге асырылады.";

мынадай мазмұндағы 150-1, 150-2, 150-3, 150-4-тармақтармен толықтырылсын:

"150-1. АХЖ-10 D10-D36 сәйкес кодтар бойынша ісіктері бар науқастарға шығын сыйымдылығы коэффициентін ескере отырып, КШТ бойынша бір емделген жағдай үшін ақы төлеу "Стационарды алмастыратын, стационарлық жағдайларда және үйде мамандандырылған медициналық көмек көрсеткені үшін ақы төлеу тәртібі" 2-параграфына сәйкес жүзеге асырылады.

150-2. "РБЖ" АЖ-да тіркелген оқшауланған стационардың бөлімшелері (бөлімшелері) арасында онкологиялық аурулары бар пациентті ауыстырған жағдайда пациентті емдеуге ақы төлеу қорытынды диагноз бойынша бір емделген жағдай ретінде жүзеге асырылады.

150-3. Онкологиялық аурулары бар пациенттің ауысуына, өз бетінше кетуіне байланысты тәуліктік стационарда қысқа мерзімді (3 (үш) тәулікке дейін) болуы негізгі диагноздың немесе операцияның КШТ құнынан нақты жүргізілген төсек-күндер бойынша төленеді.

Қысқа мерзімде болу кезінде (үш тәулікке дейін қоса алғанда) болмай қоймайтын өлім-жітім жағдайлары жағдайында ақы төлеу негізгі диагноздың немесе операцияның КШТ бойынша емделіп шыққан жағдайдың елу проценттік құны бойынша жүргізіледі.

150-4. Онкологиялық науқастарға стационарлық және стационарды алмастыратын жағдайларда мамандандырылған медициналық көмек көрсететін қызметтер берушілердің қызметтеріне ақы төлеу кезінде көрсетілетін қызметтерді сатып алу шартының орындалуын бағалаудың желілік шкаласы қолданылмайды.";

151-тармақ мынадай редакцияда жазылсын:

"151. Онкологиялық науқастарға медициналық көмек көрсеткені үшін шот-тізілімді қалыптастыру осы Қағидаларға 63-қосымшаға сәйкес нысан бойынша (бұдан әрі - онкологиялық науқастарға медициналық көмек көрсеткені үшін шот-тізілім) қолмен немесе автоматтандырылған режимде жүзеге асырылады:

1) осы Қағидалардың 148 – тармағының 1), 3-6) тармақшалары бойынша "ОНЭТ" АЖ-да жүзеге асырылады;

2) осы Қағидалардың 148-тармағының 2) тармақшасы бойынша "БТЖ" АЖ-да жүзеге асырылады.";

152 , 153 , 154 , 155 және 156-тармақтар алып тасталсын;

157 , 158-тармақтар мынадай редакцияда жазылсын:

"157. Онкологиялық науқастарға медициналық көмек көрсету жағдайларын тіркеу "ОНЭТ" АЖ-да және (немесе) МАЖ-да (МАЖ мен "ОНЭТ" АЖ арасында талап етілетін интеграция болған кезде) енгізу арқылы жүзеге асырылады:

1) "Денсаулық сақтау саласындағы есепке алу құжаттамасының нысандарын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығымен бекітілген (Нормативтік құқықтық актілерді мемлекеттік тіркеу тізілімінде № 21579 болып тіркелген) бастапқы медициналық құжаттаманы қалыптастыру үшін амбулаториялық, стационарды алмастыратын және стационарлық жағдайларда және үйде мамандандырылған медициналық көмек көрсету туралы деректерді күн сайын растау;

2) пациент стационардан шыққаннан немесе амбулаториялық емдеу аяқталғаннан кейін 3 (үш) жұмыс күнінен кешіктірілмейтін мерзімде жазып беру эпикризін растау арқылы жүзеге асырылады;

3) таргеттік препараттарды қоса алғанда, есепті кезеңде онкологиялық науқастарға қолданылған химиялық препараттар туралы деректерді емдеудің барлық кезеңдерінде растау.

158. Онкологиялық науқастарға химиялық препараттарды іс жүзінде пайдалану жөніндегі деректерді "ЭРОБ" АЖ енгізуді химиялық препараттардың шекті бағасынан аспайтын нақты (сатып алу) құнын ескере отырып, химиялық препараттарды қолдану схемасына сәйкес жеткізушінің химиотерапевт дәрігері жүзеге асырады.";

160 , 161-тармақтар мынадай редакцияда жазылсын:

"160. Жеткізуші есепті кезеңнен кейінгі келесі айдың 30 (отызыншы) күніне дейін "ОНЭТ" АЖ-ға алдыңғы есепті кезеңдегі мынадай есептерді:

1) осы Қағидаларға 64-қосымшаға сәйкес нысан бойынша медициналық қызметтер көрсету кезіндегі кірістердің құрылымы;

2) осы Қағидаларға 65-қосымшаға сәйкес нысан бойынша онкологиялық науқастарға медициналық қызметтер көрсету кезіндегі шығыстардың құрылымы;

3) осы Қағидаларға 66-қосымшаға сәйкес нысан бойынша қызметтеркерлерге сараланған ақы төлеу;

4) осы Қағидаларға 67-қосымшаға сәйкес нысан бойынша кадрлардың біліктілігін арттыру және оларды қайта даярлау;

5) осы Қағидаларға 68-қосымшаға сәйкес нысан бойынша медициналық қызметтер көрсетуге арналған аванстың жоспарлы соммасын бөлу туралы ақпаратты енгізеді.

"ОНЭТ" АЖ-да осы тармақпен көзделген ақпарат болмаған жағдайда, жеткізуші ағымдағы есепті кезеңдегі онкологиялық науқастарға медициналық көмек көрсеткені үшін шот-тізілімді қалыптастыру көрсетілген деректерді енгізгенге дейін жүргізілмейді.

Қордың сұрау салуы бойынша жеткізуші негізінде осы тармақта көрсетілген ақпаратты қалыптастыру жүзеге асырылған бастапқы бухгалтерлік құжаттардың көшірмелерін ұсынады.

161. Осы Қағидаларға 69-қосымшаға сәйкес нысан бойынша онкологиялық науқастарға медициналық көмек көрсету жөніндегі көрсетілетін қызметтерді сатып алу шартын орындау хаттамасын (бұдан әрі - онкологиялық науқастарға медициналық көмек көрсету жөніндегі көрсетілетін қызметтерді сатып алу шартын орындау хаттамасы) қор қолмен немесе автоматтандырылған режимде қалыптастырады:

1) осы Қағидалардың 148 – тармағының 1), 3-6) тармақшалары бойынша "ОНЭТ" АЖ-да жүзеге асырылады;

2) осы Қағидалардың 148-тармағының 2) тармақшасы бойынша "БТЖ" АЖ-да жүзеге асырылады.";

162 , 163 және 164-тармақтар алып тасталсын;

165 , 166-тармақтар мынадай редакцияда жазылсын:

"165. Қор онкологиялық науқастарға медициналық көмек көрсету жөніндегі көрсетілетін қызметтерді сатып алу шартын орындау хаттамасының негізінде осы Қағидаларға 70 – қосымшаға сәйкес нысан бойынша онкологиялық науқастарға медициналық көмек көрсеткені үшін көрсетілген қызметтер актісін (бұдан әрі - онкологиялық науқастарға медициналық көмек көрсеткені үшін көрсетілген қызметтер актісі) қолмен немесе автоматтандырылған режимде қалыптастырады:

1) осы Қағидалардың 148 – тармағының 1), 3-6) тармақшалары бойынша "ОНЭТ" АЖ-да жүзеге асырылады;

2) осы Қағидалардың 148-тармағының 2) тармақшасы бойынша "БТЖ" АЖ-да жүзеге асырылады.

166. Жеткізуші онкологиялық науқастарға (диагнозды верификациялауға бағытталған ісік алды аурулары бар науқастарға) медициналық көмектің қолжетімділігі мен сапасын қамтамасыз ету мақсатында онкологиялық науқастарға медициналық көмек көрсету үшін бірлесіп орындаушыны тартады. Бірлесіп орындаушының көрсеткен қызметтері үшін ақы төлеу қызметтерді сатып алу шартының сомасы шегінде азаматтық заңнамаға сәйкес бірлесіп орындаушымен жасалған шарт бойынша жүзеге асырылады:

1) лимфоидты және қан түзетін тіндердің қатерлі ісіктерін қоспағанда (АХЖ-10: C00-C80, С97, D00-D09, D37-D44, D48 кодтары бойынша) ісіктері бар науқастарға стационарлық және стационарды алмастыратын жағдайларда мамандандырылған медициналық көмек көрсеткені үшін (АХЖ-10: С81-C96, D45-D47 кодтары бойынша) – шығындық сыйымдылық коэффициентін ескере отырып, КШТ бойынша бір емделген жағдай үшін тарифтер бойынша;

2) осы Қағидалардың 148-тармағының 2) – 5) тармақшаларына сәйкес КДК көрсетілгені үшін - тарифтер бойынша.";

мынадай мазмұндағы 166-1-тармағымен толықтырылсын:

"166-1. Ісіктері бар науқастарға медициналық көмек көрсету кезінде емделген жағдайларды төлеу үшін кодтардың, байланыстырулардың және қосымша шығындардың мынадай тізбелері қолданылады:

1) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-1-қосымшаға сәйкес негізгі диагноз болып табылатын жүйке жүйесінің ісіктері диагноздарының тізбесі;

2) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-2-қосымшаға сәйкес негізгі диагноз болып табылатын көздің және қосалқы аппараттың ісіктерінің диагноздарының тізбесі;

3) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-3-қосымшаға сәйкес негізгі диагноз болып табылатын есту органының, қосалқы қуыстардың, көмейдің, ауыз қуысының, мұрынның ісіктері диагноздарының тізбесі;

4) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-4-қосымшаға сәйкес негізгі диагноз болып табылатын кеуде қуысы ағзаларының ісіктері диагноздарының тізбесі;

5) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-5-қосымшаға сәйкес негізгі диагноз болып табылатын дәл белгіленбеген, қайталама және анықталмаған оқшауландырылған ісіктері диагноздарының тізбесі;

6) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-6-қосымшаға сәйкес негізгі диагноз болып табылатын ішперде қуысының ісіктері диагноздарының тізбесі;

7) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-7-қосымшаға сәйкес негізгі диагноз болып табылатын тірек-қимыл аппаратының және дәнекер тіннің ісіктері диагноздарының тізбесі;

8) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-8-қосымшаға сәйкес негізгі диагноз болып табылатын терінің, тері асты клечекасының және сүт безінің ісіктері диагноздарының тізбесі;

9) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-9-қосымшаға сәйкес негізгі диагноз болып табылатын зәр шығару жүйесі органдарының ісіктері диагноздарының тізбесі;

10) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-10-қосымшаға сәйкес негізгі диагноз болып табылатын ерлердің жыныс мүшелерінің ісіктері диагноздарының тізбесі;

11) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-11-қосымшаға сәйкес негізгі диагноз болып табылатын әйелдердің жыныс мүшелерінің ісіктері диагноздарының тізбесі;

12) Аурулар мен денсаулыққа байланысты проблемалардың халықаралық статистикалық жіктемесі-10 бойынша осы Қағидаларға 70-12-қосымшаға сәйкес негізгі диагноз болып табылатын аралас/кешенді араласулары бар ісіктер диагноздарының тізбесі.";

232 және 233-тармақтар мынадай редакцияда жазылсын:

"232. Қор осы Қағидаларға 84-қосымшаға сәйкес нысан бойынша қанды және оның компоненттерін дайындау, қайта өңдеу, сақтау және өткізу, қан препараттарын өндіру жөніндегі көрсетілетін қызметтерді сатып алу шартын орындау хаттамасын қолмен немесе автоматтандырылған режимде қалыптастырады.

233. Осы 85-қосымшаға сәйкес нысан бойынша Қан мен оның компоненттерін дайындау, қайта өңдеу, сақтау және өткізу, қан препараттарын өндіру бойынша көрсетілген қызметтер актісін қор қан препараттарымен және оның компоненттерімен қамтамасыз ету жөніндегі қызметтерді сатып алу шартын орындау хаттамасының негізінде қолмен немесе автоматтандырылған режимінде қалыптастырады.";

көрсетілген Қағидаларға 1 , 2 , 8 , 9 , 10 , 11 , 16 , 17 , 26 , 29 , 60 , 61 , 62 , 63 , 64 , 65 , 69 , 70 , 72 , 73 , 76 , 77 , 78 , 79 , 81 , 82 және 85-қосымшалар осы Тізбеге 9 , 10 , 11 , 12 , 13 , 14 , 15 , 16 , 17 , 18 , 19 , 20 , 21 , 22 , 23 , 24 , 25 , 26 , 27 , 28 , 29 , 30 , 31 , 32 , 33 , 34 және 35-қосымшаларға сәйкес жаңа редакцияда жазылсын;

көрсетілген Қағидалар осы Тізбеге 36 , 37 , 38 , 39 , 40 , 41 , 42 , 43 , 44 , 45 , 46 , 47 және 48-қосымшаларға сәйкес 1-1, 70-1, 70-2, 70-3, 70-4, 70-5, 70-6, 70-7, 70-8, 70-9, 70-10, 70-11 және 70-12 қосымшалармен толықтырылсын.

4. "Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық көрсетілетін қызметтерді сатып алу шарты талаптарының орындалуына мониторингін жүргізу қағидаларын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 24 желтоқсандағы № ҚР ДСМ-321/2020 бұйрығына (Нормативтік құқықтық актілерді мемлекеттік тіркеу тізілімінде № 21904 болып тіркелген) мынадай өзгеріс енгізілсін:

көрсетілген бұйрықпен бекітілген Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық көрсетілетін қызметтерді сатып алу шарты талаптарының орындалуына мониторингін жүргізу қағидаларында :

1-қосымша осы Тізбеге 49-қосым

Ақы төлеу клиникалық-шығындық топтар бойынша жүзеге асырылатын, тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде ұсынылатын медициналық қызметтерге тарифтер