№ 170 бұйрық (30.11.2023): толық мәтін және скачать

"Қазақстан Республикасы Денсаулық сақтау және Ұлттық экономика министрліктерінің кейбір мәселелері туралы" Қазақстан Республикасы Үкіметінің 2017 жылғы 17 ақпандағы № 71 қаулысымен бекітілген Қазақстан Республикасы Денсаулық сақтау министрлігі туралы ереженің 15-тармағының 323-15) тармақшасына сәйкес БҰЙЫРАМЫН:

1. Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсетуге үміткер денсаулық сақтау субъектілері қызметінің индикаторларын есептеу және рейтингтік бағалау әдістемесі осы бұйрыққа қосымшаға сәйкес бекітілсін.

2. Қазақстан Республикасы Денсаулық сақтау министрлігінің Міндетті әлеуметтік медициналық сақтандыруды үйлестіру департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты Қазақстан Республикасы Денсаулық сақтау министрлігінің интернет-ресурсында орналастыруды;

3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

"КЕЛІСІЛДІ"

Қазақстан Республикасының

Ұлттық экономика министрлігі

Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсетуге үміткер денсаулық сақтау субъектілері қызметінің индикаторларын есептеу және рейтингтік бағалау әдістемесі

1-тарау. Жалпы ережелер

1. Осы Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсетуге үміткер денсаулық сақтау субъектілері қызметінің индикаторларын есептеу және рейтингтік бағалау әдістемесі (бұдан әрі – Әдістеме) "Қазақстан Республикасы Денсаулық сақтау және Ұлттық экономика министрліктерінің кейбір мәселелері туралы" Қазақстан Республикасы Үкіметінің 2017 жылғы 17 ақпандағы № 71 қаулысымен бекітілген Қазақстан Республикасы Денсаулық сақтау министрлігі туралы ереженің (бұдан әрі – Ереже) 15-тармағының 323-15) тармақшасына сәйкес әзірленді және тегін медициналық көмектің кепілдік берілген көлемі (бұдан әрі – ТМККК) шеңберінде және (немесе) міндетті әлеуметтік медициналық сақтандыру жүйесінде (бұдан әрі – МӘМС) медициналық көмек көрсетуге үміткер денсаулық сақтау субъектілері қызметінің индикаторларын есептеу және рейтингтік бағалау алгоритмін айқындайды.

2. Бұл Әдістемеде мынадай негізгі ұғымдар қолданылады:

1) әлеуметтік медициналық сақтандыру қоры (бұдан әрі – Қор) – аударымдар мен жарналарды шоғырландыруды жүргізетін, сондай-ақ медициналық көмек көрсететін денсаулық сақтау субъектілерінің көрсетілетін қызметтерін медициналық көрсетілетін қызметтерді сатып алу шартында көзделген көлемдерде және талаптармен сатып алу мен оларға ақы төлеуді және Қазақстан Республикасының заңдарында айқындалған өзге де функцияларды жүзеге асыратын коммерциялық емес ұйым;

2) денсаулық сақтау саласындағы стандарт (бұдан әрі – Стандарт) – медициналық, фармацевтикалық қызмет, денсаулық сақтау саласындағы білім беру және ғылыми қызмет, цифрлық денсаулық сақтау аясында денсаулық сақтау саласындағы стандарттауды қамтамасыз ету үшін қағидаларды, жалпы қағидаттар мен сипаттамаларды белгілейтін нормативтік құқықтық акт;

3) денсаулық сақтау саласындағы уәкілетті орган (бұдан әрі – уәкілетті орган) – Қазақстан Республикасы азаматтарының денсаулығын сақтау, медицина және фармацевтика ғылымы, медициналық және фармацевтикалық білім беру, халықтың санитариялық-эпидемиологиялық саламаттылығы, дәрілік заттар мен медициналық бұйымдардың айналысы, медициналық қызметтер (көмек) көрсетудің сапасы саласында басшылықты және салааралық үйлестіруді жүзеге асыратын орталық атқарушы орган;

4) денсаулық сақтау субъектілері – денсаулық сақтау ұйымдары, сондай-ақ жеке медициналық практикамен және фармацевтикалық қызметпен айналысатын жеке тұлғалар;

5) денсаулық сақтау субъектілерінің қызметін бағалау көрсеткіштері – өтінімдерді қарау және әлеуетті қызметтер берушілердің қызметін бағалау кезеңінде медициналық көмек көрсетудің табыстылығы мен тиімділігін талдау құралы;

6) деректер базасы – "Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсететін денсаулық сақтау субъектілерін есепке алуды қағидаларын бекіту туралы" Қазақстан Республикасы Денсаулық сақтау министрінің 2020 жылғы 6 қарашадағы № ҚР ДСМ-186/2020 бұйрығына сәйкес қалыптастырылатын ТМККК шеңберінде және (немесе) МӘМС жүйесінде медициналық көмек көрсетуге үміткер денсаулық сақтау субъектілерінің тізбесі (Нормативтік құқықтық актілерді мемлекеттік тіркеу тізілімінде № 21619 болып тіркелген);

7) көрсетілетін қызметтерді денсаулық сақтау субъектілерінен сатып алу веб-порталы – ТМККК шеңберінде және (немесе) МӘМС жүйесінде көрсетілетін қызметтерді денсаулық сақтау субъектілерінен сатып алудың электрондық көрсетілетін қызметтеріне бірыңғай қол жеткізу нүктесін беретін ақпараттық жүйе;

8) қызметтер беруші – қор немесе бюджеттік бағдарламалардың әкімшісі "Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсету бойынша денсаулық сақтау субъектілерінен көрсетілетін қызметтерді сатып алу қағидаларын бекіту туралы" Қазақстан Республикасы Денсаулық сақтау министрінің 2020 жылғы 8 желтоқсандағы № ҚР ДСМ-242/2020 бұйрығына (Нормативтік құқықтық актілерді мемлекеттік тіркеу тізілімінде № 21744 болып тіркелген) сәйкес ТМККК шеңберінде немесе МӘМС жүйесінде Медициналық көрсетілетін қызметтерді сатып алу шартын немесе ТМККК қосымша қамтамасыз ету жөніндегі қызметтерді сатып алу шартын жасасқан денсаулық сақтау субъектісі;

9) қызмет индикаторлары – медициналық қызмет көрсетуді ұйымдастыру мен қамтамасыз етуді, сондай-ақ медициналық көмектің нөтижелілігі мен тиімділігін бағалауға мүмкіндік беретін көрсеткіштер (қаржылық тұрақтылық, білікті персоналдың болуы, пациенттердің қанағаттануы);

10) медициналық көрсетілетін қызметтер – денсаулық сақтау субъектілерінің нақты адамға қатысты профилактикалық, диагностикалық, емдеу, оңалту және паллиативтік бағыты бар іс-әрекеттері;

11) медициналық көмек – дәрі-дәрмекпен қамтамасыз етуді қоса алғанда, халықтың денсаулығын сақтауға және қалпына келтіруге бағытталған медициналық көрсетілетін қызметтер кешені;

12) медициналық қызметтер көрсету ақауы (бұдан әрі – ақау) – стандарттарды сақтамау және клиникалық хаттамалардан негізсіз ауытқу түрінде көрінетін медициналық көрсетілетін қызметтер (көмек) көрсету тәртібінің бұзылуы, сондай-ақ медициналық көрсетілетін қызмет және (немесе) көмек көрсетудің расталмаған жазу жағдайы фактісі;

13) параметр – объектінің немесе субъектінің өлшеуге болатын қасиеті немесе көрсеткіші;

14) рейтингтік бағалау – ресурстарды бағалау көрсеткіштері, медициналық көмек көрсету сапасының менеджменті, көрсетілген қызметтерге қанағаттану көрсеткіштері, медициналық көмек түрі бойынша денсаулық сақтау субъектісінің деңгейін сипаттайтын сандық көрсеткіш;

15) электрондық цифрлық қолтаңба (бұдан әрі – ЭЦҚ) – электрондық цифрлық қолтаңба құралдарымен жасалған және электрондық құжаттың дұрыстығын, оның тиесілілігін және мазмұнының өзгермейтіндігін растайтын электрондық цифрлық нышандар жиынтығы.

3. "Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсету бойынша денсаулық сақтау субъектілерінен көрсетілетін қызметтерді сатып алу қағидаларын бекіту туралы" Қазақстан Республикасы Денсаулық сақтау министрінің 2020 жылғы 8 желтоқсандағы № ҚР ДСМ-242/2020 бұйрығына (Нормативтік құқықтық актілерді мемлекеттік тіркеу тізілімінде № 21744 болып тіркелді) сәйкес денсаулық сақтау субъектілерінің индикаторлары мен рейтингтік бағалауын есептеуді қор көрсетілетін қызметтерді денсаулық сақтау субъектілерінен сатып алу веб-порталда (бұдан әрі – веб-портал) ЭЦҚ арқылы қол қоя отырып жүзеге асырады және көрсетілетін қызметтерді сатып алу кезінде Қазақстан Республикасы Денсаулық сақтау министрінің м.а. 2023 жылғы 30 қарашадағы № 169 бұйрығымен (Нормативтік құқықтық актілерді мемлекеттік тіркеу тізілімінде № 33715 болып тіркелген) бекітілген ТМККК шеңберінде және (немесе) МӘМС жүйесінде медициналық көмек көрсету жөніндегі денсаулық сақтау субъектілеріне көрсетілетін қызметтер әне (немесе) қаражат көлемін бөлу әдістемесіне (бұдан әрі - бөлу әдістемесі) сәйкес веб-порталда денсаулық сақтау субъектілері арасында ТМККК шеңберінде және (немесе) МӘМС жүйесінде медициналық көмек көрсету жөніндегі қызметтер және (немесе) қаражат көлемін бөлу кезінде қолданылады.

Ескерту. 3-тармақ жаңа редакцияда - ҚР Денсаулық сақтау министрінің 22.11.2024 № 96 (алғашқы ресми жарияланған күнінен кейін қолданысқа енгізіледі) бұйрығымен.

2-тарау. Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсетуге үміткер денсаулық сақтау субъектілері қызметінің индикаторларын есептеу және рейтингтік бағалау алгоритмі

4. Денсаулық сақтау субъектісінің рейтингтік бағалау балының есебі денсаулық сақтау субъектілерінен көрсетілетін қызметтерді сатып алу веб-порталында ТМККК шеңберінде және (немесе) МӘМС жүйесінде медициналық көмек көрсетуге үміткер денсаулық сақтау субъектісінің қызметін бағалау индикаторларының балдары негізінде мынадай кешенді формула бойынша есептеледі:

RДС Лот сатып алу жоспары = ∑ Iбаз. / nбаз. x 0,9 + ∑ Iбасым / nбасым. x 0,1,

мұндағы:

RДС Лот сатып алу жоспары – ТМККК шеңберінде және (немесе) МӘМС жүйесінде медициналық көмектің тізбелерінде көзделген медициналық көмектің түрі (түрлері), оны көрсету шарты (шарттары), медициналық қызметтің түрі (түрлері) бойынша денсаулық сақтау субъектісінің рейтингтік бағасының балы, мұндағы:

ДС – денсаулық сақтау субъектісі;

Сатып алу жоспарының лоты – осы Әдістемеге 1-қосымшаға сәйкес ТМККК шеңберінде және (немесе) МӘМС жүйесінде медициналық көмек көрсетуге үміткер денсаулық сақтау субъектілерінің қызметін бағалау индикаторларының сәйкестік матрицасына сәйкес жалпы индикаторлар негізінде рейтингтік бағалауды есептеу үшін топтастырылған ТМККК шеңберінде және МӘМС жүйесінде медициналық көмектің тізбелерінде көзделген медициналық көмектің түрі (түрлері), оны көрсету шарты (шарттары), медициналық қызметтің түрі (түрлері);

Iбаз. – осы Әдістемеге 2-қосымшаға сәйкес ТМККК шеңберінде және (немесе) МӘМС жүйесінде медициналық көмек көрсетуге үміткер денсаулық сақтау субъектісінің қызметін бағалау индикаторларының тізбесіне сәйкес денсаулық сақтау субъектісінің емдеу-диагностикалық жұмысын немесе ресурстық базасын бағалайтын базалық индикатордың балы (бұдан әрі – индикаторлар тізбесі);

nбаз. – рейтингтік бағалауды есептеу кезінде қолданылатын базалық индикаторлардың саны;

Iбасым. – индикаторлар тізбесіне сәйкес айқындалған денсаулық сақтау субъектісінің халыққа қызмет көрсетудің сапасын, қолжетімділігін және жайлылығын жақсартатын емдеу-диагностикалық және басқа ресурстар бойынша қосымша жағдайларды бағалайтын басым индикатордың балы;

nбасым. – рейтингтік бағалауды есептеу кезінде қолданылатын басым индикаторлардың саны.

ТМККК шеңберінде және (немесе) МӘМС жүйесінде шұғыл және (немесе) кезек күттірмейтін нысанда "аптасына жиырма төрт сағат, жеті күн" режимінде медициналық көмек көрсететін денсаулық сақтау субъектілері бойынша рейтингтік баға 1 (бірінші) деңгейге дейін көтеріледі және егер "аптасына жеті күн, жиырма төрт сағат" режимінде болмаса 1 (бір) деңгейге көтеріледі, бұл ретте, егер рейтингтік баға 1 (бірінші) болса, онда рейтингтік баға көтерілмейді.

5. Денсаулық сақтау субъектісінің рейтингтік бағасы осы Әдістемеге 3-қосымшаға сәйкес ТМККК шеңберінде және (немесе) МӘМС жүйесінде медициналық көмек көрсетуге үміткер денсаулық сақтау субъектілерінің қызметін рейтингтік бағалау шкаласына сәйкес айқындалады.

6. Қызметтер беруші ретінде денсаулық сақтау субъектілерінің дерекқорына енгізілген денсаулық сақтау объектілері бойынша алдағы күнтізбелік жылға арналған рейтингтік бағалауды айқындау ағымдағы жылдың 1 қазанынан жыл соңына дейінгі кезеңде жүзеге асырылады.

Күнтізбелік жыл ішінде қызметтер беруші ретінде денсаулық сақтау субъектілерінің дерекқорына енгізілген денсаулық сақтаудың жаңа субъектілері бойынша ағымдағы жылға арналған рейтингтік бағалауды айқындау денсаулық сақтау субъектілерінің дерекқорына енгізілген күннен бастап күнтізбелік отыз күн ішінде жүзеге асырылады.

Қазақстан Республикасының Азаматтық кодексіне сәйкес қайта ұйымдастырылатын денсаулық сақтау субъектісі міндеттемелерінің құқықтық мирасқорлығы жағдайында қызметтер беруші қайта ұйымдастырылған кезде ағымдағы жылға арналған рейтингтік бағалауды айқындау қайта ұйымдастырылған күннен бастап күнтізбелік отыз күн ішінде жүзеге асырылады.

Денсаулық сақтау субъектісінің сұрау салуы бойынша растайтын құжаттарды жазбаша нысанда бір жыл ішінде, бірақ ағымдағы жылғы 30 қыркүйектен кешіктірмей ұсына отырып, сұрау салу келіп түскен күннен бастап күнтізбелік отыз күн ішінде ағымдағы жылға арналған рейтингтік бағаны қайта айқындау жүзеге асырылады.

7. Рейтингтік бағалау денсаулық сақтау субъектісіне веб-порталда қарау үшін қолжетімді.

Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсетуге үміткер денсаулық сақтау субъектілерінің қызметін бағалау индикаторларының сәйкестік матрицасы

Ескерту. 1-қосымша жаңа редакцияда - ҚР Денсаулық сақтау министрінің 22.11.2024 № 96 (алғашқы ресми жарияланған күнінен кейін қолданысқа енгізіледі) бұйрығымен.

кестенің жалғасы

кестенің жалғасы

кестенің жалғасы

кестенің жалғасы

Ескерту:

АЕК – амбулаториялық-емханалық көмек;

КС – күндізгі стационар;

КШТ – клиникалық шығынды топтар;

ПЭТ – позитронды-эмиссиялық томография;

ТБС – тәулік бойы жұмыс істейтін стационар.

Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсетуге үміткер денсаулық сақтау субъектісінің қызметін бағалау индикаторларының тізбесі

Ескертпе:

* егер ғимарат жалға алынған болса, онда G5 индикаторы рейтингтік бағалау балын есептеуге қатыспайды;

** басым индикатор;

*** егер мынадай индикаторлар: G12, G17, G21, G26, G30, G34, G43, G46, G50 G57, G60, G66, G72, G79, G82 нөлге тең болса, онда рейтингтік бағалау балын есептеуге мынадай индикаторлар қатыспайды: G8, G16, G19, G24, G25, G29, G33, G39, G42, G45, G49; G56, G61, G65, G68, G70, G71, G78, G81, G83, G84.

**** "Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде денсаулық сақтау субъектілерінен медициналық қызметтерді сатып алу шарты талаптарының орындалу мониторингін жүргізу қағидаларын бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 24 желтоқсандағы № ҚР ДСМ-321/2020 бұйрығына (Нормативтік құқықтық актілерді мемлекеттік тіркеу тізілімінде № 21904 болып тіркелген) 1-қосымшаға бойынша ақаулардың бірыңғай жіктеуішіне сәйкес расталған ақаулар;

АЕК – айлық есептік көрсеткіш;

ЕҚБ – "Есептерге қол жеткізудің бірыңғай нүктесі" порталы;

РБЖ – "Ресурстарды басқару жүйесі" ақпараттық жүйесі;

МТБЖ – "Медициналық техниканы басқару жүйесі" ақпараттық жүйесі;

СНЭТ – "Стационарлық науқастардың электрондық тіркелімі" ақпараттық жүйесі;

БХТ – "Бекітілген халық тіркелімі" ақпараттық жүйесі;

МҚСБЖ – "Медициналық қызметтердің сапасын басқару жүйесі" ақпараттық жүйесі;

ОНЭТ – "Онкологиялық науқастардың электрондық тіркелімі" ақпараттық жүйесі;

ҚР – Қазақстан Республикасы;

ҚР ДСМ АЖ – Қазақстан Республикасы денсаулық сақтау министрлігінің ақпараттық жүйелері;

ТМККК – тегін медициналық көмектің кепілдік берілген көлемі;

МӘМС – міндетті әлеуметтік медициналық сақтандыру;

ПЭТ – позитронды-эмиссиялық томография;

КДҚ – консультациялық-диагностикалық қызметтер;

АЕҰ – амбулаториялық-емханалық ұйым;

ЖДО – жастар денсаулық орталықтары;

САТ – стационарды алмастыратын технология;

ҚІ – қатерлі ісік;

КШТ – клиникалық шығынды топтар.

Тегін медициналық көмектің кепілдік берілген көлемі шеңберінде және (немесе) міндетті әлеуметтік медициналық сақтандыру жүйесінде медициналық көмек көрсетуге үміткер денсаулық сақтау субъектілері қызметін рейтингтік бағалау шкаласы