№ 44 бұйрық (28.06.2024): толық мәтін және скачать

"Халық денсаулығы және денсаулық сақтау жүйесі туралы" Қазақстан Республикасының Кодексі 272-бабының 3-1-тармағына сәйкес БҰЙЫРАМЫН:

1. Қоса беріліп отырған "Өз кәсібінің үздiгі" атағын беру қағидалары бекітілсін.

2. Қазақстан Республикасы Денсаулық сақтау министрлігінің Ғылым және адами ресурстар департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты ресми жариялағаннан кейін оны Қазақстан Республикасы Денсаулық сақтау министрлігінің интернет-ресурсында орналастыруды;

3) осы бұйрықты Қазақстан Республикасының Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

4. Осы бұйрық алғашқы ресми жарияланған күнінен кейін он күнтізбелік күн өткен соң қолданысқа енгізіледі.

"Өз кәсібінің үздiгі" атағын беру қағидалары

1-тарау. Жалпы ережелер

1. "Өз кәсібінің үздiгі" атағын беру Қағидалары (бұдан әрі – Қағидалар) "Халық денсаулығы және денсаулық сақтау жүйесі туралы" Қазақстан Республикасының Кодексі 272-бабының 3-1-тармағына сәйкес әзірленді және меншік нысаны мен ведомстволық тиістілігіне қарамастан денсаулық сақтаудың білім беру ұйымдарының медицина және/немесе фармацевтика қызметкерлеріне "Өз кәсібінің үздiгі" атағын (бұдан әрі – атақ) беру тәртібін айқындайды.

2. Осы Қағидаларда пайдаланылатын негізгі ұғымдар:

1) апелляциялық комиссия (бұдан әрі – Апелляциялық комиссия) – конкурстың нәтижелерін қайта қарау үшін республикалық, облыстық (республикалық маңызы бар қалалар мен астана) деңгейлерде құрылатын комиссия;

2) конкурсқа қатысушы портфолиосы – онда қатысушының денсаулық сақтау саласындағы медицина және фармацевтика қызметіндегі/білім беру қызметіндегі жеке және кәсіби жетістіктері, медицина және фармацевтика қызметкерінің денсаулық сақтау жүйесін дамытуға/білім алушыларды оқыту, тәрбиелеу мен дамыту нәтижелерімен қосқан үлесі, денсаулық сақтау жүйесін дамытуда оқытушының үлесі ұсынылатын жеке папка (электрондық парақша);

3) өңірлік конкурстық комиссия (бұдан әрі – Өңірлік комиссия) – конкурстың өңірлік кезеңінің жеңімпаздарын анықтау және конкурстың келесі кезеңіне қатысуға ұсыным беру үшін облыстық (республикалық маңызы бар қалалар мен астана) деңгейінде құрылған комиссия;

4) республикалық конкурстық комиссия (бұдан әрі – Республикалық комиссия) – номинациялар бойынша "Өз кәсібінің үздiгі" атағын беру үшін денсаулық сақтау саласындағы уәкілетті орган құрған комиссия.

3. Бұл атақ денсаулық сақтау саласындағы жоғары жетістіктері үшін оларды ынталандыру және қолдау мақсатында медицина және фармацевтика қызметкерлеріне беріледі.

4. Медицина және фармацевтика қызметкерлеріне мынадай номинациялар бойынша атақтар беріледі:

- "Үздік стационар дәрігері",

- "Үздік медициналық-санитариялық алғашқы көмек дәрігері",

- "Үздік жедел жәрдем дәрігері",

- "Үздік ауыл дәрігері",

- "Үздік провизор",

- "Үздік денсаулық сақтау менеджері",

- "Үздік медициналық ЖОО оқытушысы",

- "Үздік санитариялық-эпидемиологиялық бейін дәрігері",

- "Үздік санитариялық-эпидемиологиялық сараптама маманы",

- "Үздік денсаулық сақтаудағы әлеуметтік қызметкер",

- "Үздік медицина колледжі оқытушысы",

- "Үздік денсаулық сақтау саласындағы ғалым",

- "Үздік стационар мейіргері",

- "Үздік медициналық-санитариялық алғашқы көмек мейіргері",

- "Үздік ауыл мейіргері",

- "Үздік акушер",

- "Үздік фельдшер".

5. Медицина және фармацевтика қызметкеріне сол бір номинация бойынша атақ он жыл ішінде бір реттен артық берілмейді.

2-тарау. "Өз кәсібінің үздiгі" атағын тағайындау тәртібі

6. "Өз кәсібінің үздiгі" атағын беру конкурсына штаттық қызметкерлер болып табылатын және конкурсқа қатысу үшін құжаттарды ұсыну сәтінде үздіксіз өтілі бар, конкурсқа құжаттарды ұсыну сәтінде мынадай талаптарға сәйкес келетін Қазақстан Республикасының азаматтары, денсаулық сақтау ұйымдары мен денсаулық сақтаудың білім беру ұйымдарының медицина және фармацевтика қызметкерлері қатысады (бұдан әрі – конкурсқа қатысушы):

1) кемінде 10 жыл үздіксіз практикалық жұмыс өтілі бар дәрігерлер, фельдшерлер, акушерлер, мейіргерлер;

2) кемінде 10 жыл үздіксіз практикалық жұмыс өтілі бар денсаулық сақтаудағы әлеуметтік қызметкерлер;

3) кемінде 7 жыл үздіксіз практикалық жұмыс өтілі бар менеджерлер, провизорлар;

4) кемінде 7 жыл үздіксіз практикалық жұмыс өтілі бар санитариялық-эпидемиологиялық бейін дәрігерлері және санитариялық-эпидемиологиялық сараптама мамандары;

5) педагогикалық немесе ғылыми үздіксіз жұмыс өтілі кемінде 7 жыл медициналық жоғары оқу орындарының (бұдан әрі – ЖОО), ғылыми-зерттеу институттарының (бұдан әрі – ҒЗИ), ғылыми орталықтардың (бұдан әрі – ҒО) және колледждердің оқытушылары мен ғылыми қызметкерлері.

7. Қазақстан Республикасының Денсаулық сақтау министрлігі (бұдан әрі – ҚР ДСМ ) "Өз кәсібінің үздiгі" конкурсын өткізу басталғанға дейін кемінде күнтізбелік 30 (отыз) күн бұрын оны өткізу туралы ресми интернет-ресурста жариялайды.

8. Конкурс жыл сайын екі кезеңде – өңірлік және республикалық кезеңдерде өткізіледі.

9. Конкурстың I (өңірлік) кезеңі – өңірлік, облыс (республикалық маңызы бар қалалар және астана) деңгейінде өткізіледі, онда конкурстық комиссия ІІ (республикалық) кезеңге қатысу үшін ұсынатын конкурстың жеңімпаздары айқындалады:

1) өңір (облыс, республикалық маңызы бар қала, астана) деңгейінде – 15 номинация бойынша "Үздік стационар дәрігері", "Үздік медициналық-санитариялық алғашқы көмек дәрігері", "Үздік жедел жәрдем дәрігері", "Үздік ауыл дәрігері", "Үздік провизор", "Үздік денсаулық сақтау менеджері", "Үздік санитариялық-эпидемиологиялық бейін дәрігері", "Үздік санитариялық-эпидемиологиялық сараптама маманы", "Үздік денсаулық сақтаудағы әлеуметтік қызметкер", "Үздік стационар мейіргері", "Үздік медициналық-санитариялық алғашқы көмек мейіргері", "Үздік ауыл мейіргері", "Үздік акушер", "Үздік фельдшер", "Үздік медицина колледжі оқытушысы";

2) медициналық ЖОО-лар, ҒЗИ, ҒО, сондай-ақ көп бейінді ЖОО-лар жанындағы медициналық факультеттер, медицина мектептері деңгейінде – 2 номинация бойынша "Үздік медициналық ЖОО оқытушысы", "Үздік денсаулық сақтаудағы ғалым";

10. "Үздік стационар дәрігері", "Үздік медициналық-санитариялық алғашқы көмек дәрігері", "Үздік жедел жәрдем дәрігері", "Үздік ауыл дәрігері", "Үздік провизор", "Үздік денсаулық сақтау менеджері", "Үздік санитариялық-эпидемиологиялық бейін дәрігері", "Үздік санитариялық-эпидемиологиялық сараптама маманы", "Үздік денсаулық сақтаудағы әлеуметтік қызметкер", "Үздік стационар мейіргері", "Үздік медициналық-санитариялық алғашқы көмек мейіргері", "Үздік ауыл мейіргері", "Үздік акушер", "Үздік фельдшер", "Үздік медицина колледжі оқытушысы" номинациялар бойынша атақ беруге үміткерлерді іріктеу үшін денсаулық сақтау саласындағы жергілікті атқарушы орган денсаулық сақтау саласындағы жергілікті атқарушы органның қызметкерлері, ҚР ДСМ Медициналық және фармацевтикалық бақылау, Санитариялық – эпидемиологиялық бақылау комитеттерінің (бұдан әрі – ДСМ комитеттері), медициналық ұйымдардың, колледждердің, кәсіподақ комитеттерінің, үкіметтік емес ұйымдардың және қоғам қайраткерлерінің ішінен Өңірлік комиссия құрады. Комиссия мүшелерінің көпшілік даусымен сайланатын Комиссия Төрағасы болып адам тағайындалады.

11. Өңірлік комиссияның отырысы оның мүшелерінің жалпы санының кемінде үштен екісі болған кезде заңды болып саналады.

Өңірлік комиссия мүшелерінің дауыстары тең болған кезде Өңірлік комиссия төрағасының дауысы шешуші болып табылады.

12. Өңірлік комиссияның төрағасы оның қызметіне басшылық жасайды, жалпы бақылауды жүзеге асырады.

13. Хатшы Өңірлік комиссияның қызметіне техникалық қызмет көрсетуді жүзеге асырады, сондай-ақ:

1) осы Қағидаларға 1 және 2-қосымшаларға сәйкес конкурсқа қатысушылардың құжаттарын қабылдау;

2) конкурс өткізуді ұйымдастыру;

3) өңірдің (облыстың, республикалық маңызы бар қаланың, астананың) конкурс қорытындылары бойынша денсаулық сақтау саласындағы уәкілетті орган конкурс жариялау кезінде белгілеген мерзімдерде республикалық комиссияның хатшысына материалдарды (құжаттар), бағалау кестелерін және отырыс хаттамасын ұсынады.

14. Өңірлік комиссияның шешімі ашық дауыс беру арқылы қабылданады және отырыстың хаттамасымен ресімделеді.

15. Конкурстың ІІ (республикалық) кезеңіне бір ғана үміткер – әрбір номинация бойынша өңірлік деңгейде тиісті номинация бойынша конкурстың жеңімпазы ұсынылуы мүмкін.

16. Өңірде (облыста, республикалық маңызы бар қалада, астанада) конкурс жеңімпаздарын таңдау кезіндегі жалпы өлшемшарттар осы Қағидаларға 3 , 4 , 6 , 8-қосымшаларға сәйкес номинациялар бойынша атақ беруге конкурсқа қатысушылардың сапалық және сандық көрсеткіштерінде және рейтингінде көрсетілген өлшемшарттар болып табылады.

17. "Үздік медициналық ЖОО оқытушысы", "Үздік денсаулық сақтау саласындағы ғалым" номинациялары бойынша атақ беруге үміткерлерді іріктеу үшін медициналық ЖОО, ҒЗИ, ҰО, сондай-ақ көп бейінді ЖОО жанындағы медицина факультеттері, медицина мектептері жанынан конкурстық комиссия (бұдан әрі – ЖОО, ҒЗИ, ҰО комиссиясы) құрылады.

18. ЖОО, ҒЗИ, ҰО комиссия құрамы ЖОО ректорының, ҒЗИ, ҰО бірінші басшысының бұйрығымен бекітілетін, конкурс өткізетін тиісті ұйымның өкілдерінен, кәсіподақ комитеттерінен және үкіметтік емес ұйымдардан кемінде 9 адамнан тұратын мүшелерден тұруы тиіс. Комиссия құрамынан төраға мен хатшы сайланады.

19. ЖОО, ҒЗИ, ҰО комиссиясының төрағасы оның қызметіне басшылық жасайды, жалпы бақылауды жүзеге асырады.

20. Хатшы ЖОО, ҒЗИ, ҰО комиссиясының қызметіне техникалық қызмет көрсетуді жүзеге асырады, сондай-ақ:

1) конкурсанттардың құжаттарын қабылдау;

2) конкурс өткізуді ұйымдастыру;

3) ЖОО, ҒЗИ, ҰО конкурсының қорытындысы бойынша конкурс жариялау кезінде денсаулық сақтау саласындағы уәкілетті орган белгілеген мерімдерде Республикалық комиссия хатшысына материалдарды, бағалау кестелерін және отырыс хаттамасын ұсынады.

21. ЖОО, ҒЗИ, ҰО комиссиясының шешімі ашық дауыс беру арқылы қабылданады және Республикалық комиссияға ұсыну үшін отырыстың хаттамасымен ресімделеді. ІІ (республикалық) кезеңге – әр номинация бойынша бір ғана үміткер ЖОО, ҒЗИ, ҰО деңгейінде тиісті номинация бойынша конкурстың жеңімпазы номинациялануы мүмкін.

22. Осы Қағидаларға 5 және 7-қосымшаларға сәйкес номинациялар бойынша атақ беруге конкурсқа қатысушыларды бағалау және саралау әдістемесінде көрсетілген өлшемшарттар медициналық ЖОО-ларда, ҒЗИ, ҰО-да конкурс жеңімпаздарын таңдау кезінде жалпы өлшемшарттар болып табылады.

23. Конкурстың I (өңірлік) кезеңіне қатысу үшін үміткерлер мынадай құжаттарды (материалдарды) ҚР ДСМ ақпараттық жүйесі (бұдан әрі – ҚР ДСМ АЖ) арқылы немесе қағаз жеткізгіште мынадай құжаттарды (материалдарды) береді:

1) осы Қағидаларға 1-қосымшаға сәйкес "Өз кәсібінің үздiгі" атағын беру конкурсына қатысуға арналған нысан бойынша өтінім;

2) осы Қағидаларға 2-қосымшаға сәйкес конкурсқа қатысушының портфолиосы;

3) осы Қағидаларға 3 - 8-қосымшаларға сәйкес сапалық және сандық көрсеткіштерге сәйкес мәліметтер;

24. Конкурсқа ұсынылған құжаттар денсаулық сақтау саласындағы жергілікті атқарушы органның қызметкерлері мен денсаулық сақтау саласындағы білім беру және ғылыми ұйымдарының профессор-оқытушылар құрамы, ҚР ДСМ комитеттерінің аумақтық департаменттерінің өкілдері (бұдан әрі – Сараптама тобы) ішінен құрылған сараптама тобы жүзеге асыратын сараптамадан өтеді.

25. Сараптама тобының құрамы денсаулық сақтау саласындағы жергілікті атқарушы орган басшысының, ҚР ДСМ Комитеттерінің аумақтық департаменті басшысының бұйрығымен бекітіледі. Сараптама тобы құрамының мүшелері Комиссия құрамына кірмейді.

26. Сараптама тобы осы Қағидаларға 3-қосымшаға сәйкес сапалық және сандық көрсеткіштерге сәйкес әрбір үміткер бойынша қорытынды береді. Қорытынды Өңірлік комиссияның қарауына беріледі.

27. Конкурсқа үміткер дұрыс емес немесе толық емес мәліметтерді ұсынған жағдайда, сараптама тобы оны жазбаша негіздемесімен қатысушылар тізімінен шығару туралы ұсынысты Өңірлік комиссияға ұсынады.

28. Өңірлік комиссия сараптамалық топтың қорытындысы негізінде Конкурстың II (республикалық) кезеңіне қатысуға үміткерлерге номинациялар бойынша "Өз кәсібінің үздiгі" атағын беру туралы шешім шығарады және конкурстық құжаттаманы жібереді.

Өңірлік комиссияның шешімі хаттамамен ресімделеді және ДСМ АЖ-да орналастырылады.

29. Денсаулық сақтау саласындағы жергілікті атқарушы органдар, ДСМ комитеттерінің аумақтық департаменттері, денсаулық сақтау саласындағы білім беру және ғылыми ұйымдары өңірлік конкурстың қорытындылары және Өңірлік комиссияның сараптамалық қорытындысы бойынша нәтижелер жарияланғаннан кейін екі тәулік ішінде уәкілетті органға конкурстың республикалық деңгейіне қатысу үшін әрбір номинация бойынша 1-уден аспайтын үміткер береді.

30. Өңірлік комиссияның оң шешімін алған үміткерлер конкурстың II (республикалық) кезеңіне қатысу үшін жіберіледі.

31. ҚР ДСМ конкурстың I (өңірлік) кезеңінің бұзылғанын анықтаған жағдайда конкурстық құжаттаманы қайта қарауға жібереді.

32. Конкурстың II (республикалық) кезеңі – республикалық, жыл сайын маусым айында өткізіледі, онда конкурстың жеңімпаздары айқындалады.

Конкурстың II (республикалық) кезеңін Республикалық комиссия өткізеді, көпшілік дауыспен сайланатын Республикалық комиссия мүшелерінің арасынан адам төрағасы болып (бұдан әрі – Республикалық комиссияның төрағасы) тағайындалады.

33. Республикалық комиссия ҚР ДСМ, үкіметтік емес ұйымдардың және денсаулық сақтаудағы кәсіподақ ұйымдарының өкілдерінің, сондай-ақ денсаулық сақтау саласындағы ғалымдар мен сарапшылар қатарынан құрылады.

34. Республикалық комиссия мүшелерінің саны тақ санды құрайды (19 адамнан аспайды). Республикалық комиссияның отырыстары оның мүшелерінің кемінде үштен екісі болған кезде заңды болып саналады.

Республикалық комиссияның құрамын уәкілетті орган бекітеді.

35. Конкурстық құжаттама ҚР ДСМ АЖ-де бекітіледі және (немесе) түпнұсқада қағаз жеткізгіште ұсынылады:

1) осы Қағидаларға 1-қосымшаға сәйкес нысан және номинациялар бойынша "Өз кәсібінің үздiгі" атағын беру конкурсына қатысуға өтінім;

2) осы Қағидаларға 2-қосымшаға сәйкес нысан бойынша конкурсқа қатысушы тұлғаның портфолиосы;

3) осы Қағидаларға 3 , 4 , 5 , 6 , 7 , 8-қосымшаларға сәйкес нысан бойынша конкурсқа қатысушының жұмысын бағалаудың сапалық және сандық көрсеткіштері.

4) Өңірлік комиссияның шешімі.

36. Конкурсқа берілген құжаттар ұсынылған материалдардың толықтығы мен дұрыстығын тексеруден өтеді. Тексеруді ҚР ДСМ бейінді департаменттері, ҚР ДСМ штаттан тыс бас мамандары, ғалымдар, денсаулық сақтау саласындағы білім беру және ғылым ұйымдарының профессор-оқытушылар құрамы (бұдан әрі – республикалық сараптама тобы) ішінен сараптама тобы жүзеге асырады.

37. Конкурсқа қағаз жеткізгіште берілген құжаттар қайтарылмайды.

38. Республикалық сараптама тобының құрамы Министрліктің бұйрығымен бекітіледі. Республикалық сараптама тобы құрамының мүшелері республикалық комиссияның құрамына кірмейді.

39. Республикалық сараптама тобы осы Қағидаларға 3 , 4 , 5 , 6 , 7 , 8-қосымшаларға сәйкес сапалық және сандық көрсеткіштерге сай әрбір үміткері бойынша қорытынды береді

40. Конкурсқа қатысушы дұрыс емес мәліметтер ұсынған жағдайда, Республикалық сараптама тобы жазбаша негіздемесіне сай оны қатысушылар тізімінен шығару туралы ұсынысты Республикалық комиссияға ұсынады және үміткер келесі 3 жыл ішінде конкурсқа қатысуға жіберілмейді.

41. Республикалық сараптама тобының қорытындылары негізінде әрбір үміткер бойынша сапалық және сандық көрсеткіштердің балдары есептеледі.

Үміткерлердің рейтингі ДСМ АЖ-дағы балдарды саралаудың кему жүйесі бойынша кесте түрінде ресімделеді.

Кестемен бірге Республикалық сараптама тобының хаттамасы Республикалық комиссияның қарауына беріледі.

42. Республикалық комиссияның номинациялар бойынша "Өз кәсібінің үздiгі" атағын беру туралы шешімі қатысқан мүшелердің қарапайым көпшілік даусымен қабылданады. Республикалық комиссия мүшелерінің дауыстары тең болған кезде Республикалық комиссия төрағасының дауысы шешуші болып табылады.

43. Республикалық комиссияның шешімі хаттамамен ресімделеді.

44. Конкурс қорытындысы Министрліктің ресми интернет-ресурсында жарияланады.

45. Ұсынылған номинациялар бойынша конкурс жеңімпаздарын салтанатты марапаттау рәсімі маусым айында Медицина қызметкері күнін мерекелеу шеңберінде өткізіледі.

46. Үміткерлер конкурс нәтижелерімен келіспеген жағдайда нәтижелер жарияланған күні оны апелляцияға бере алады.

47. "Өз кәсібінің үздiгі" республикалық конкурсының әр номинация бойынша жеңімпаздарына Қазақстан Республикасының Республикалық бюджет туралы Заңында белгіленген және тиісті қаржы жылының 1 қаңтарында қолданыста болатын айлық есептік көрсеткіштің 500 еселенген мөлшерінде біржолғы төлем қарастырылған.

3-тарау. Апелляциялық комиссияның жұмыс тәртібі

48. Конкурсқа қатысушы Өңірлік комиссияның шешімімен келіспеген жағдайда Апелляциялық комиссияға шағымдана алады. Егер Қазақстан Республикасының заңдарында өзгеше көзделмесе, Өңірлік комиссияның шешіміне сотқа шағымдану Қазақстан Республикасы Әкімшілік рәсімдік-процестік кодексінің 91-бабының 5-тармағына сәйкес әкімшілік (сотқа дейінгі) тәртіппен шағымданғаннан кейін жүргізіледі.

49. Апелляциялық комиссияның төрағасы мен құрамы жыл сайын денсаулық сақтау саласындағы жергілікті атқарушы органның, денсаулық сақтау саласындағы білім беру және ғылыми ұйымдарының бұйрығымен бекітіледі.

Облыстық, республикалық маңызы бар қалалар мен астананың Апелляциялық комиссиясының құрамына: сараптама тобы не Өңірлік комиссия шеңберінде кандидаттарды іріктеу бойынша бұрын шешім қабылданбаған денсаулық сақтау саласындағы жергілікті атқарушы органның, денсаулық сақтау саласындағы үкіметтік емес және кәсіподақ ұйымдарының өкілдері мен өзге де мүдделі тараптар кіреді.

Апелляциялық комиссия мүшелерінің саны тақ саннан тұрады. Апелляциялық комиссияның мүшелері отырыстарға ауыстырусыз қатысады. Апелляциялық комиссияның қызметінде мүдделер қақтығысы туындаған жағдайда Апелляциялық комиссияның құрамы қайта қаралады.

50. Апелляциялық комиссия даулы жағдайлар туындаған кезде өтінішті қарайды. Конкурсқа қатысушы конкурс нәтижелері жарияланған күннен бастап үш жұмыс күні ішінде ҚР ДСМ АЖ электрондық форматта апелляция береді.

51. Апелляциялық комиссияның шешімдері 3 (үш) жұмыс күні ішінде негіздемелер көрсетіле отырып, хаттамамен ресімделеді, оған комиссия төрағасы, хатшысы және мүшелері қол қояды.

"Өз кәсібінің үздiгі" атағын беруге конкурсқа қатысушының өтінімі

Мені "Үздік________________" номинациясы бойынша атақ беру конкурсына қатысуға жіберуіңізді сұраймын. Өзім туралы мынадай мәліметтерді хабарлаймын:

Дербес деректерді өңдеуге келісемін.

Осы өтініште көрсетілген барлық деректер шынайы, ұсынған деректер үшін жеке жауапты боламын.

Қосымша: конкурсқа қатысуға арналған құжаттар _____ парақта, оның ішінде қосымшалар _____ парақта.

Конкурсқа қатысушы ______________________________________________

(Т. А. Ә. (бар болған жағдайда), қолы)

Толтырылған күні20__ жылғы "__" ______

Конкурсқа қатысушы портфолиосы

1. Конкурсқа қатысушы тұлға туралы жалпы мәліметтер:

тегі, аты, әкесінің аты (бар болған жағдайда) міндетті түрде 3х4 см мөлшерлі фотосуретімен.

жеке басын куәландыратын құжаттың көшірмесі;

жұмыс орны бойынша куәландырылған кадрларды есепке алу жөніндегі жеке парақ.

карточкалық базадағы 20 таңбалы қолданыстағы есепшоты туралы хабарлама;

жұмыс өтілі (еңбек және/немесе педагогикалық);

білімі (білімін растайтын құжаттардың көшірмелері);

медициналық ұйымның/білім беру ұйымының басшыларымен куәландырылған конкурсқа қатысушыға ұсыным (бар болған жағдайда) немесе өзге де ұсынымдар (міндетті түрде);

біліктілікті арттыру (соңғы 5 (бес) жылғы сертификаттардың көшірмелері);

наградалар (грамоталардың, мақтау қағаздарының, алғыс хаттардың, төсбелгі куәліктерінің, үкіметтік және мемлекеттік наградалардың көшірмелері);

медицина және фармацевтика қызметкерлерін/оқытушыларын тану (әкімшіліктің, әріптестердің, жұртшылықтың, пациенттердің, білім алушылардың, әлеуметтік әріптестердің, ғылыми қоғам өкілдерінің пікірлері, алғыс хаттар, грамоталар, халықаралық деңгейдегі дипломдар); қоғамға ықпалы (бұқаралық ақпарат құралдарында тану, үкіметтік емес және қайырымдылық ұйымдарына мүшелік); халықаралық ұйымдармен ынтымақтастық;

денсаулық сақтау саласындағы маман сертификаты.

2. Жұмыс берушімен расталған соңғы 3 (үш) жылдағы медицинадағы және фармацевтикадағы жетістіктеріне мониторинг нәтижелері (бар болған жағдайда).

3. Ғылыми-педагогикалық қызмет бойынша ақпарат:

педагогикалық тәжірибені қорыту (авторлық бағдарламалар, оқу-әдістемелік кешендер, хаттамалардан үзінді көшірме (бар болған жағдайда), семинарлар, конкурстар, дөңгелек үстелдер, оқытушы қатысқан фестивальдар, озық педагогикалық тәжірибені қорыту және тарату);

зерттеу қызметі (ғылыми зерттеулердің нәтижелері бойынша мақалалар жариялау, шығармашылық есептер, ғылыми-практикалық конференцияларда сөз сөйлеу туралы мәліметтер);

білім беру және педагогикалық жобаларды іске асыру жөніндегі материалдар (бар болған жағдайда);

4. Мынадай қызметтер бойынша ақпарат:

сараптамалық қызмет,

ТВ (телевизиялық) сабақтар түсіріліміне қатысу (сертификаттар, анықтамалар немесе бұйрықтар, сараптамалық және жұмыс топтарына қатысуды растайтын ТВ (телевизиялық) сабаққа сілтеме, ТВ (телевизиялық) сабақтар түсіріліміне қатысу;

волонтерлік қызмет, соңғы 3 (үш) жылда қайырымдылық іс-шараларға қатысу (ақпаратты web (веб) – ресурстарда және әлеуметтік желілерде тұрақты орналастыру – Қазақстан Республикасы Денсаулық сақтау министрлігінің ақпараттық жүйесінде растайтын құжаттарды (материалдарды), сілтемелерді бекіту).

"Үздік стационар дәрігері," "Үздік медициналық-санитариялық алғашқы көмек дәрігері", "Үздік жедел жәрдем дәрігері", "Үздік ауыл дәрігері", "Үздік провизор", "Үздік денсаулық сақтаудағы әлеуметтік қызметкер", "Үздік стационар мейіргері", "Үздік медициналық-санитариялық алғашқы көмек мейрігері", "Үздік ауыл мейіргері", "Үздік акушер", "Үздік фельдшер" номинациялары бойынша атақ беруге конкурсқа қатысушының жұмысын бағалаудың сапалық және сандық көрсеткіштері

Номинация _________________________________________________________

Конкурсанттың Т. А. Ә. (бар болған жағдайда)___________________________

Конкурсанттың лауазымы _____________________________________________

Медициналық ұйымның атауы _________________________________________

_____________________

1 Бұл бағанда конкурсанттың әрбір индикатор бойынша нақты бағаға сәйкестігін растайтын толық және егжей-тегжейлі мәліметтер көрсетіледі

Балдардың жалпы саны _____

"Үздік денсаулық сақтау менеджері" номинациясы бойынша атақ беруге конкурсқа қатысушының жұмысын бағалаудың сапалық және сандық көрсеткіштері

Номинация _______________________________________________________________

Конкурсанттың Т. А. Ә. (бар болған жағдайда)___________________________

Конкурсанттың лауазымы ___________________________________________________

Медициналық ұйымның атауы _______________________________________________

_____________________

2 Бұл бағанда конкурсанттың әрбір индикатор бойынша нақты бағаға сәйкестігін растайтын толық және егжей-тегжейлі мәліметтер көрсетіледі

Балдардың жалпы саны _____

"Үздік медициналық ЖОО оқытушысы" номинациясы бойынша атақ беруге конкурсқа қатысушының жұмысын бағалаудың сапалық және сандық көрсеткіштері

Номинация _________________________________________________________

Конкурсанттың Т. А. Ә. (бар болған жағдайда)___________________________

Конкурсанттың лауазымы _____________________________________________

Медициналық ұйымның атауы __________________________________

_____________________

3 Бұл бағанда конкурсанттың көрсеткіштің әрбір құрамдас бөлігі бойынша нақты бағаға сәйкестігін растайтын толық және егжей-тегжейлі мәліметтер (дипломның нөмірі мен күні, оқу-әдістемелік және ғылыми өнімдердің, баяндамалардың, білім алушылардың, магистранттардың, докторанттардың т. а. ә. (бар болған жағдайда), ғылыми жобалар мен бағдарламалардың атаулары; мүше болып табылатын кеңестердің атаулары, атаулары) көрсетіледі және тренингтердің орны, қатысқан академиялық ұтқырлық бағдарламалары, Хирш индексінің мәні және т. б.)

Балдардың жалпы саны _____

Ескертпе:

* балл көрсеткіштің тиісті компонентінің әрбір бірлігі үшін беріледі, осы көрсеткіштің бағасы көрсеткіштің барлық компоненттері бойынша балл сомасын білдіреді;

** үміткердің 11 көрсеткіштің кемінде 8-төмен емес жетістіктері болуы тиіс

*** Әрбір көрсеткіш бойынша конкурсқа қатысушы "Конкурсанттың көрсетілген көрсеткіш компонентіне сәйкестігі туралы ақпарат" бағанында ақпарат толтырады және растайтын құжат ұсынылады:

– 1-көрсеткіш бойынша-ғылыми дәреже/атақ беру туралы дипломның көшірмесі;

– 2-көрсеткіш бойынша-ұйымның жауапты тұлғасы қол қойған "оқытушы студенттердің көзімен" тәуелсіз сауалнамасының нәтижелері бар ресми анықтама (хаттамадан үзінді немесе хаттама) ;

– 3-көрсеткіш бойынша-титулдық беттің және айналымның сканері, мақұлдау / бекіту туралы хаттаманың көшірмесі;

– 4-көрсеткіш бойынша-дипломдардың, грамоталардың, жарияланған мақалалар мен тезистердің көшірмелері;

– 5-көрсеткіш бойынша-ғылыми жетекшінің/консультанттың т. а. ә. (бар болған жағдайда) көрсетілген магистранттардың, докторанттардың қорғалған диссертациялық жұмыстарының авторефераттарының көшірмелері;

- 6-көрсеткіш бойынша-уақытша ғылыми ұжымды бекіту туралы бұйрықтардың көшірмелері, орындаушымен жасалған шарттардың көшірмелері;

- 7-көрсеткіш бойынша-жарияланымдардың, патенттердің, тезистердің, конференция бағдарламасымен конференцияға қатысушының сертификатының сканері, Хирш индексінің мәні бойынша беттің ресми бейінінен басып шығару, Мемлекеттік ғылыми-техникалық сараптаманың ұлттық орталығынан анықтама;

- 8-көрсеткіш бойынша-кеңеске, комиссияға, жұмыс тобына мүшелігін растайтын бұйрықтың көшірмесі, хаттамаларды әзірлеушілердің тізімін бекіту туралы бұйрықтың көшірмесі;

– 9-көрсеткіш бойынша-іссапарға жіберу туралы бұйрықтың көшірмесі, оқу туралы сертификаттың көшірмесі, мүшелік туралы куәліктің/сертификаттың көшірмесі;

- 10 – көрсеткіш бойынша-тіркеу туралы куәліктің көшірмесі, Сараптамалық кеңес хаттамасының, Қазақстан Республикасының денсаулық сақтау министрлігі медициналық қызметінің сапасы жөніндегі біріккен комиссиясының, ендіру актісінің көшірмесі, зияткерлік меншік туралы куәліктің немесе авторлықты растайтын патенттің көшірмесі;

- 11-көрсеткіш бойынша-TOEFL, ILETS сертификатының көшірмесі

"Үздік медицина колледжінің оқытушысы" номинациясы бойынша атақ беруге конкурс қатысушының жұмысын бағалаудың сапалық және сандық көрсеткіштері

Номинация _________________________________________________________

Конкурсанттың Т. А. Ә. (бар болған жағдайда)___________________________

Конкурсанттың лауазымы _____________________________________________

Медициналық ұйымның атауы __________________________________

_________________

4 Бұл бағанда конкурсанттың көрсеткіштің әрбір құрамдас бөлігі бойынша нақты бағаға сәйкестігін растайтын толық және егжей-тегжейлі мәліметтер (дипломның нөмірі мен күні, оқу-әдістемелік және ғылыми өнімдердің, баяндамалардың, білім алушылардың, магистранттардың, докторанттардың т. а. ә. (бар болған жағдайда), ғылыми жобалар мен бағдарламалардың атаулары; мүше болып табылатын кеңестердің атаулары, атаулары) көрсетіледі және тренингтердің орны, қатысқан академиялық ұтқырлық бағдарламалары, Хирш индексінің мәні және т. б.)

Балдардың жалпы саны _____

Ескертпелер:

* балл көрсеткіштің тиісті компонентінің әрбір бірлігі үшін беріледі, осы көрсеткіштің бағасы көрсеткіштің барлық компоненттері бойынша балл сомасын білдіреді;

** үміткердің 10 көрсеткіштің кемінде 8-ден төмен емес жетістіктері болуы тиіс

*** Әрбір көрсеткіш бойынша конкурсқа қатысушы растайтын құжатты ұсынады:

– 1-көрсеткіш бойынша-ғылыми дәреже/атақ беру туралы дипломның көшірмесі;

– 2-көрсеткіш бойынша-ұйымның жауапты тұлғасы қол қойған "оқытушы студенттердің көзімен" тәуелсіз сауалнамасының нәтижелері бар ресми анықтама (хаттамадан үзінді немесе хаттама);

– 3-көрсеткіш бойынша-титулдық беттің және айналымның сканері, мақұлдау / бекіту туралы хаттаманың көшірмесі;

– 4-көрсеткіш бойынша-дипломдардың, грамоталардың, жарияланған мақалалар мен тезистердің көшірмелері;

- 5-көрсеткіш бойынша-уақытша ғылыми ұжымды бекіту туралы бұйрықтардың көшірмелері, орындаушымен жасалған шарттардың көшірмелері;

- 6-көрсеткіш бойынша-жарияланымдардың, патенттердің, тезистердің сканері, конференция бағдарламасымен конференцияға қатысушының сертификаты, Хирш индексінің мәні бойынша беттің ресми бейінінен басып шығару, Мемлекеттік ғылыми-техникалық сараптаманың ұлттық орталығынан анықтама;

- 7-көрсеткіш бойынша-мейіргерлік құжаттаманы және СОР әзірлеуге және енгізуге қатысу туралы бұйрықтың кеңесте, комиссияда, жұмыс тобында мүшелігін растайтын бұйрықтың көшірмесі;

– 8-көрсеткіш бойынша-іссапарға жіберу туралы бұйрықтың көшірмесі, оқу туралы сертификаттың көшірмесі, мүшелік туралы сертификаттың/куәліктің көшірмесі;

- 9-көрсеткіш бойынша-енгізу актісінің көшірмесі, зияткерлік меншік туралы куәліктің немесе авторлықты растайтын патенттің көшірмесі;

- 10-көрсеткіш бойынша-TOEFL, ILETS сертификатының көшірмесі.

"Үздік денсаулық сақтау саласындағы ғалым" номинациясы бойынша атақ беруге конкурсқа қатысушының жұмысын бағалаудың сапалық және сандық көрсеткіштері

Номинация _________________________________________________________

Конкурсанттың Т. А. Ә. (бар болған жағдайда)___________________________

Конкурсанттың лауазымы _____________________________________________

Медициналық ұйымның атауы __________________________________

____________________

5 Бұл бағанда конкурсанттың көрсеткіштің әрбір компоненті бойынша нақты бағаға сәйкестігін растайтын толық және егжей-тегжейлі мәліметтер (дипломның нөмірі мен күні, оқу-әдістемелік және ғылыми өнімдердің, баяндамалардың, білім алушылардың, магистранттардың, докторанттардың Т. А. Ә. (бар болған жағдайда), ғылыми жобалар мен бағдарламалардың атаулары; Хирш индексінің мәні және т. б.) көрсетіледі

Балдардың жалпы саны _____

Ескертпе:

* балл көрсеткіші тиісті компоненттің әрбір бірлігі үшін беріледі, осы көрсеткіштің бағасы көрсеткіштің барлық компоненттері бойынша балл сомасын білдіреді;

** үміткердің 8 көрсеткіштің кемінде 7-уі бойынша жетістіктері болуы тиіс

*** Әрбір көрсеткіш бойынша конкурсқа қатысушы растайтын құжатты ұсынады:

– 1-көрсеткіш бойынша-ғылыми дәреже/атақ беру туралы дипломның көшірмесі;

- 2-көрсеткіш бойынша-уақытша ғылыми ұжымды бекіту туралы бұйрықтардың көшірмелері, орындаушымен жасалған шарттардың көшірмелері;

– 3-көрсеткіш бойынша-патенттің сканері, зияткерлік меншік туралы куәлік;

– 4-көрсеткіш бойынша-жарияланымдар, тезистер сканері, монографиялар мен әдістемелік ұсынымдар үшін-титулдық бет пен айналым сканері, мақұлдау / бекіту туралы хаттаманың көшірмесі;

– 5-көрсеткіш бойынша-Хирш индексінің мәні бойынша беттің ресми бейінінен басып шығару, Мемлекеттік ғылыми-техникалық сараптаманың ұлттық орталығынан анықтама;

– 6-көрсеткіш бойынша- НҚА –ны қайта қарау жөнендегі жұмыс топтарының құрамына енгізу туралы бұйрықтардың және (немесе) НҚА-ға толықтырулар мен өзгерістер енгізу туралы хат-ұсыныстың көшірмелері;

- 7-көрсеткіш бойынша ғылыми жетекшінің немесе консультанттың Т.А.Ә. (бар болған жағдайда) көрсетілген магистранттардың, докторанттардың қорғалған диссертациялық жұмыстарының авторефераттарының көшірмелері;

- 8-көрсеткіш бойынша-ендіру актісінің, Қазақстан Республикасының денсаулық сақтау министрлігінің немесе Қазақстан Республикасының денсаулық сақтау министрлігі медициналық қызметінің сапасы жөніндегі біріккен комиссиясының сараптамалық кеңесінің хаттамасының көшірмесі, зияткерлік меншік туралы куәліктің немесе авторлықты растайтын патенттің көшірмесі;

- 9-көрсеткіш бойынша-конференция бағдарламасымен конференцияға қатысушының сертификаты.

"Үздік санитариялық-эпидемиологиялық бейін дәрігері", "Үздік санитариялық-эпидемиологиялық сараптама маманы" номинациясы бойынша атақ беруге конкурс қатысушының жұмысын бағалаудың сапалық және сандық көрсеткіштері

Номинация _________________________________________________________

Конкурсанттың Т. А. Ә. (бар болған жағдайда)___________________________

Конкурсанттың лауазымы _____________________________________________

Медициналық ұйымның атауы (заңды) __________________________________

_____________________

6 Бұл бағанда конкурсанттың көрсеткіштің әрбір компоненті бойынша нақты бағаға сәйкестігін растайтын толық және егжей-тегжейлі мәліметтер (дипломның нөмірі мен күні, оқу-әдістемелік және ғылыми өнімдердің, баяндамалардың, білім алушылардың, магистранттардың, докторанттардың Т. А. Ә. (бар болған жағдайда), ғылыми жобалар мен бағдарламалардың атаулары; Хирш индексінің мәні және т. б.) көрсетіледі

Балдардың жалпы саны _____