Бірнеше әдісі бар:
1.Оралған жібек жіпті сабынды жылы суға жуып, кептіреді. Жіпті кішкене катошкаға орап, майсыздандыру үшін эфирге 12-24 сағат ұстайды. Стерильді құралмен оны эфирден алып, тағы 24 сағатқа 70гр. спиртке салады. Спирттен алынған соң қос хлорлы сынап ерітіндісіне 10 мин қайнатады. Стерильденген жібек жіпті саңылаусыз жабылатын ыдыстағы 96 гр. спиртке салып сақтайды.
- Жібек жіп орамасын белінен бірнеше жерден буып, сабынды суда 2 рет жуған соң таза сумен шаяды. Кептірілген жібек жіп шыныға оралып, бөлшектенеді де стерильді түрде майсыздандыру үшін эфир құйылған ыдысқа 24 сағатқа салынады. Осыдан кейін бактериядан таза екендігін лабораториялық әдіспен тексереді. Оны спирттің 96 гр. ерітіндісі құйылған стерильді ыдысқа салып сақтайды. Тексеру қорытындысы лабораторияда 5-6 күнде анықталады. Жібек жіп сақталатын ыдыстағы спирт 7 күн сайын жаңартылып, ауыстырылады.
- Жібек жіпті автоклавта стерильдеуге болады, бірақ мұндайда оның беріктігі төмендеп,үзілгіш болып кетеді.
- Операцияға жібек жіптің азоттық әдіспен стерильдеп, шыны ампулаларда сақталатын түрлері қолданылады. Зығырдан, қағаздан жасалынған хирургиялық тігіс жіптерге де жібек жіпке арналған зарарсыздандыру әдісін қолданады.
