№ 36 бұйрық (21.01.2016): толық мәтін және скачать

Ескерту. Күші жойылды – ҚР Еңбек және халықты әлеуметтік қорғау министрінің 17.03.2020 № 101 (01.01.2020 бастап күшіне енеді) бұйрығымен. РҚАО-ның ескертпесі! Бұйрық 01.03.2016 ж. бастап қолданысқа енгізіледі

"Міндетті әлеуметтік сақтандыру туралы" 2003 жылғы 25 сәуірдегі Қазақстан Республикасы Заңының 11-бабының 12-5) тармақшасына және "Мемлекеттік статистика туралы" 2010 жылғы 19 наурыздағы Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:

1. Қоса беріліп отырған "Азаматтарға арналған үкімет" мемлекеттік корпорациясының міндетті әлеуметтік сақтандыру саласындағы статистикалық және өзге де есептік ақпаратты ұсыну қағидалары бекітілсін.

2. Әлеуметтік қамсыздандыру және әлеуметтік сақтандыру департаменті заңнамада белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспа басылымдарында және "Әділет" ақпараттық-құқықтық жүйесінде, сондай-ақ Қазақстан Республикасы нормативтік құқықтық актiлерiнiң эталондық бақылау банкіне енгізу үшін Республикалық құқықтық ақпарат орталығына ресми жариялауға баспа және электрондық түрде жіберуді;

3) осы бұйрықты Қазақстан Республикасы Денсаулық сақтау және әлеуметтік даму министрлігінің ресми интернет-ресурсында орналастыруды;

4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Денсаулық сақтау және әлеуметтік даму министрлігінің Заң қызметі департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау Қазақстан Республикасының Денсаулық сақтау және әлеуметтік даму вице-министрі С.Қ. Жақыповаға жүктелсін.

4. Осы бұйрық 2016 жылғы 1 наурыздан бастап қолданысқа енгізіледі және ресми жариялануға тиіс.

"КЕЛІСІЛДІ"

Қазақстан Республикасы

Инвестициялар және даму

министрі

_____________ Ә.Исекешев

2016 жылғы ___ _________

Қазақстан Республикасы

Инвестициялар және даму

министрінің міндетін атқарушы

_____________ Ж. Қасымбек

2016 жылғы 27 қаңтар

"КЕЛIСIЛДI"

Қазақстан Республикасы

Ұлттық экономика министрлігі

Статистика комитеті төрағасының

міндетін атқарушы

______________ Б. Иманәлиев

2016 жылғы 25 қаңтар

"Азаматтарға арналған үкімет" мемлекеттік корпорациясының міндетті әлеуметтік сақтандыру саласындағы статистикалық және өзге де есептік ақпаратты ұсыну қағидалары

1. Осы "Азаматтарға арналған үкімет" мемлекеттік корпорациясының міндетті әлеуметтік сақтандыру саласындағы статистикалық және өзге де есептік ақпаратты ұсыну қағидалары (бұдан әрі – Қағидалар) "Міндетті әлеуметтік сақтандыру туралы" 2003 жылғы 25 сәуірдегі Қазақстан Республикасы Заңының 11-бабының 12-5) тармақшасына сәйкес әзірленді.

2. Қағидалар "Азаматтарға арналған үкімет" мемлекеттік корпорациясының міндетті әлеуметтік сақтандыру саласындағы статистикалық және өзге де есептік ақпаратты ұсыну тәртібін айқындау мақсатында әзірленді.

3. Осы Қағидаларда мынадай ұғымдар пайдаланылады:

1) "Азаматтарға арналған үкімет" мемлекеттік корпорациясы (бұдан әрі – Мемлекеттік корпорация) Қазақстан Республикасының заңнамасына сәйкес мемлекеттік қызметтер көрсету, "бір терезе" қағидаты бойынша мемлекеттік қызметтер көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған заңды тұлға;

2) әкімшілік деректер – алғашқы статистикалық деректерді қоспағанда, әкімшілік дереккөздер қалыптастыратын жеке немесе заңды тұлға жөніндегі жеке-дара сандық және (немесе) сапалық деректер және шаруашылық бойынша есепке алу деректері.

4. Мемлекеттік корпорация осы Қағидаларға 1-қосымшаға сәйкес әлеуметтік төлемдерді тағайындау және төлеу туралы есепті және 2-қосымшаға сәйкес "Әлеуметтік төлемдерді тағайындау және төлеу туралы есеп" әкімшілік деректерін жинауға арналған нысанды толтыру бойынша түсіндірме жазбаны ұсынады.

Есепке әлеуметтік төлемдер тағайындалған, бірақ төленбейтін әлеуметтік төлемдерді алушылар алынады.

5. Әкімшілік деректерді жинауға арналған нысанды алушы болып табылатын мемлекеттік органның атауы титулдық бетте көрсетіледі.

6. Мемлекеттік корпорация басшысының орынбасары немесе ол болмаған жағдайда оның міндеттерін уақытша атқаратын адам хабарланатын мәліметтерді ұсынуды және оның дұрыстығын қамтамасыз ететін және әкімшілік деректерді жинауға арналған нысанға қол қою құқығы бар адам болып табылады.

7. Әкімшілік деректерді жинауға арналған нысанды ұсыну мерзімі титулдық бетте көрсетіледі. Ұсыну күнін адресат тіркейді. Егер ұсыну мерзімінің соңғы күні жұмыс істемейтін күнге сәйкес келсе, одан кейінгі жұмыс күні ұсыну мерзімінің аяқталған күні болып есептеледі.

8. Әкімшілік деректерді жинауға арналған нысан тиісті нысанға түсіндірме жазбаға сәйкес толтырылады.

9. Деректер:

1) қағаз жеткізгіштерде қолма-қол немесе почта байланысы қызметтері арқылы ұсынылады. Почта кәсіпорнының штемпелінде көрсетілген жіберу күні ұсыну күні болып табылады;

2) электрондық цифрлық қолтаңбаны растау рәсімін сақтай отырып байланыс арналары арқылы электрондық түрде ұсынылады.

әкімшілік деректерді жинауға арналған нысан

Әлеуметтік төлемдерді тағайындау және төлеу туралы есеп

Ескерту. 1-қосымша жаңа редакцияда – ҚР Еңбек және халықты әлеуметтік қорғау министрінің 11.10.2018 № 433 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Есепті кезең: 20___ жылғы ___ тоқсан

Индексі: 1-соцстрах

Кезеңділігі: тоқсандық

Ұсынатын тұлғалар тобы: "Азаматтарға арналған үкімет" мемлекеттік корпорациясы

Қайда ұсынылады: Қазақстан Республикасы Еңбек және халықты әлеуметтік қорғау министрлігіне

Ұсыну мерзімі: есепті тоқсаннан кейінгі күнтізбелік айдың 15-күні Әлеуметтік төлемдерді тағайындау және төлеу

_________ 20 ж. Басшы ____________________

(орындаушының тегі, телефон №)

"Әлеуметтік төлемдерді тағайындау және төлеу туралы есеп" әкімшілік деректерін жинауға арналған нысанды толтыру бойынша түсіндірме

1. Жалпы ережелер

1. Осы түсіндірме әлеуметтік төлемдерді тағайындау және төлеу туралы нысанды (бұдан әрі – Нысан) толтыру жөніндегі бірыңғай талаптарды айқындайды.

2. Нысанды "Азаматтарға арналған үкімет" мемлекеттік корпорациясы (бұдан әрі – Мемлекеттік корпорация) толтырады және тоқсан сайын, есепті тоқсаннан кейінгі айдың 15-күніне қарай ұсынады.

3. Нысанға Мемлекеттік корпорацияның басшысының орынбасары, ал ол болмаған жағдайда оның міндеттерін атқаратын адам қол қояды.

2. Нысанды толтыру бойынша түсіндірме

4. Есептің 1-бағанында тиісті органда есепте тұратын, тағайындалған әлеуметтік төлемдерді алушылардың жалпы саны туралы деректер қамтылады.

5. 2-бағанда есепті кезеңнен кейінгі айдың бірінші күніндегі жағдай бойынша тағайындалған әлеуметтік төлемдердің жалпы сомасы көрсетіледі.

Есепте тағайындалған айлық әлеуметтік төлемдердің сомалары туралы мәліметтерді 0,1-ге дейінгі дәлдікпен мың теңгеде көрсету қажет.

6. 3-бағанда есепті күнге қалыптасқан, тағайындалған (айлық) әлеуметтік төлемдердің орташа мөлшері көрсетіледі.

Тағайындалған (айлық) әлеуметтік төлемдердің орташа мөлшері былайша айқындалады:

3-баған = 2-баған: 1-баған.

7. 4-бағанда есепті тоқсанға төленген әлеуметтік төлемдерді алушылардың орташа саны көрсетіледі.

8. 5-бағанда есепті тоқсанға төленген әлеуметтік төлемдердің жалпы сомасы көрсетіледі.

9. 6-бағанда есепті тоқсанға төленген әлеуметтік төлемдердің орташа айлық мөлшері көрсетіледі.

Төленген әлеуметтік төлемдердің орташа айлық мөлшері былайша айқындалады:

6-баған = 5-баған: 4-баған: Р,

мұндағы Р - есепті кезеңдегі айлар саны (3).

10. 7-бағанда төленген әлеуметтік төлемдердің жалпы сомасы жылдың басынан бергі қорытындының өсімімен көрсетіледі.

11. "Әлеуметтік төлемдерді алушылардың барлығы" деген 01-жол бойынша "Міндетті әлеуметтік сақтандыру туралы" Қазақстан Республикасының Заңына сәйкес әлеуметтік төлемдер алатын алушылар жөніндегі деректер ескеріледі.

12. 01-жол = 05-жол + 10-жол+16-жол

13. 02-жол бойынша – алушылардың жалпы санынан, әйелдер.

14. 03-04-жолдар бойынша – ауылдық жерде тұратын әлеуметтік төлемдерді алушылар жөніндегі деректер, 04-жол бойынша – оның ішінде әйелдер ескеріледі.

15. 05-жол бойынша – еңбек ету қабілетінен айырылған жағдайда төленетін әлеуметтік төлемдерді алушылар жөніндегі деректер көрсетіледі, оның ішінде әйелдер – 06-жол.

16. 07-09-жолдар бойынша – еңбек ету қабілетінен айырылу дәрежесіне байланысты еңбек ету қабілетінен айырылған жағдайда төленетін әлеуметтік төлемдерді алушылар жөніндегі деректер көрсетіледі.

17. 10-жол бойынша – асыраушысынан айырылған жағдайда төленетін әлеуметтік төлемдерді алушылар жөніндегі деректер көрсетіледі, оның ішінде әйелдер – 11-жол.

18. 12-15-жолдар бойынша – асырауындағы адамдардың санын көрсете отырып, әлеуметтік төлемдерді алушылар жөніндегі деректер көрсетіледі.

19. 16-жол бойынша – жұмысынан айырылған жағдайда төленетін әлеуметтік төлемдерді алушылар жөніндегі деректер көрсетіледі, оның ішінде әйелдер – 17-жол.

20. 18-21-жолдар бойынша – әлеуметтік төлемдер тағайындалған мерзімге қарай айлар бойынша жұмысынан айырылған жағдайда төленетін әлеуметтік төлемдерді алушылар көрсетіледі.

21. 22-жол бойынша – жүктілікке және босануға байланысты табысынан айырылған жағдайда төленетін әлеуметтік төлемдерді алушылар жөніндегі деректер көрсетіледі.

22. 23-жол бойынша – бала бір жасқа толғанға дейін оның күтіміне байланысты табысынан айырылған жағдайда төленетін әлеуметтік төлемдерді алушылар жөніндегі деректер көрсетіледі.