№ ҚР ДСМ-12 бұйрық (07.09.2018): толық мәтін және скачать

"Есiрткi, психотроптық заттар, сол тектестер мен прекурсорлар және олардың заңсыз айналысы мен терiс пайдаланылуына қарсы iс-қимыл шаралары туралы" 1998 жылғы 10 шілдедегі Қазақстан Республикасының Заңы 16-бабының 1-тармағына сәйкес, БҰЙЫРАМЫН:

1. "Қазақстан Республикасында бақылауға жататын есірткі құралдарын, психотроптық заттар мен олардың прекурсорларын медициналық мақсатта пайдалану қағидаларын бекіту туралы" Қазақстан Республикасы Денсаулық сақтау және әлеуметтік даму министрінің 2015 жылғы 26 қаңтардағы № 32 бұйрығына (Нормативтік құқықтық актілерді мемлекеттік тіркеу тізілімінде № 10404 болып тіркелген, "Әділет" ақпараттық-құқықтық жүйесінде 2015 жылғы 31 наурызда жарияланған) мынадай өзгерістер мен толықтырулар енгізілсін:

көрсетілген бұйрықпен бекітілген Қазақстан Республикасында бақылауға жататын есірткі құралдарын, психотроптық заттар мен олардың прекурсорларын медициналық мақсатта пайдалану қағидаларында (бұдан әрі Қағидалар):

1-бөлімнің тақырыбы мынадай редакцияда жазылсын:

" 1-бөлім . Жалпы ережелер";

2-тармақ мынадай редакцияда жазылсын:

"2. Осы Қағидаларда мынадай негізгі ұғымдар пайдаланылады:

1) арнайы рецептілік бланк - Тізімнің ІІ кестесіндегі құрамында есірткі құралдары, психотроптық заттар бар дәрілік заттарға рецепт жазып беруге арналған бланк;

2) дәрілік заттардың, медициналық мақсаттағы бұйымдардың және медициналық техниканың айналысы саласындағы мемлекеттік орган - денсаулық сақтау саласындағы уәкілетті органның ведомствосы;

3) науқастың медициналық құжаттары - сырқатнамасы, амбулаториялық картасы, консультациялық тексеріп-қарау жазба парағы;

4) сигнатура - құрамында есірткі құралдары, психотроптық заттар мен олардың прекурсорлары бар дәрілік заттарды алудың заңдылығын растайтын құжат;

5) Тізімнің II Кестесі - медициналық мақсатта пайдаланылатын және қатаң бақылауға алынған есірткі құралдары және психотроптық заттардың тізімі;

6) Тізімнің III Кестесі - медициналық мақсатта пайдаланылатын және бақылауға алынған есірткі құралдары мен психотроптық заттардың тізімі;

7) Тізімнің IV Кестесі - бақылауға алынған прекурсорлар (есірткі құралдары мен психотроптық заттарды заңсыз дайындауда жиі пайдаланылатын химиялық және өсімдік заттар) тізімі.";

2-бөлімнің тақырыбы мынадай редакцияда жазылсын:

" 2-бөлім . Қазақстан Республикасында бақылауға жататын есірткі құралдарын, психотроптық заттар мен олардың прекурсорларын медициналық мақсатта пайдалану тәртібі";

4 және 5-тармақтар мынадай редакцияда жазылсын:

"4. Қазақстан Республикасында бақылауға жататын құрамында есірткі құралдары бар дәрілік заттарға қажеттілікті есептеуді осы Қағидаларға 1-қосымшаға сәйкес жылына бір төсекке (жағдай) арналған құрамында есірткі құралдары бар дәрілік заттарға қажеттілікті есептеу нормативтеріне сәйкес денсаулық сақтау ұйымдары жүзеге асырады.

Қазақстан Республикасында бақылауға жататын құрамында психотроптық заттар бар дәрілік заттар қажеттілігін есептеу және прекурсорлар қажеттілігін есептеу алдыңғы жылғы тұтыну деңгейінде жүргізіледі. Жаңадан пайдалануға берілген (қайта ұйымдастырылған) денсаулық сақтау ұйымдарының қажеттілігі және жаңа дәрілік заттарға деген қажеттілік сырқаттанушылық туралы деректері ескеріле отырып болжанады.

5. Денсаулық сақтау ұйымдары облыстардың, республикалық маңызы бар қаланың және астананың денсаулық сақтауды жергілікті мемлекеттік басқару органдарына мыналарды:

1) жыл сайын, 1 наурызға дейін денсаулық сақтау ұйымдары осы Қағидаларға 2-қосымшаға сәйкес нысан бойынша Қазақстан Республикасында бақылауға жататын есірткі құралдарын тұтыну нормативін бекіту үшін өтінімді; денсаулық сақтау ұйымдары осы Қағидаларға 2-1-қосымшаға сәйкес нысан бойынша Қазақстан Республикасында бақылауға жататын психотроптық заттарды тұтыну нормативін бекіту үшін өтінімді; денсаулық сақтау ұйымдары осы Қағидаларға 2-2-қосымшаға сәйкес нысан бойынша Қазақстан Республикасында бақылауға жататын прекурсорларды тұтыну нормативін бекіту үшін өтінімді ұсынады. Өтінімдерге жүргізілген есептеулер қоса беріледі;

2) тоқсан сайын, есепті тоқсаннан кейінгі айдың 10-күніне дейін тоқсан үшін құрамында есірткі құралдары, психотроптық заттар және олардың прекурсорлары бар дәрілік заттардың, оның ішінде автоматтандырылған режимде нақты шығысы туралы есепті;

3) жыл сайын, есепті жылдан кейінгі жылдың 1 наурызына дейін бір жылға құрамында есірткі құралдары, психотроптық заттар және олардың прекурсорлары бар дәрілік заттардың, оның ішінде автоматтандырылған режимде нақты шығысы туралы есепті береді.";

мынадай мазмұндағы 5-1-тармақпен толықтырылсын:

"5-1. Облыстардың, республикалық маңызы бар қаланың және астананың денсаулық сақтауды мемлекеттік басқарудың жергілікті органдары есірткі құралдарын, психотроптық заттарды және олардың прекурсорларын тұтыну нормативтерін бекіту үшін денсаулық сақтау ұйымдарынан келіп түскен өтінімдерді жинауды, сондай-ақ олардың мыналарға:

1) құрамында есірткі құралдары бар дәрілік заттарға қажеттіліктің есептік нормативтеріне мәлімделген көлеміне;

2) мәлімделген көлемнің алдыңғы жылғы нақты тұтынған көлемдерге сәйкестігін бақылауды жүзеге асырады.

Дұрыс берілген өтінімді ұсыну кезінде облыстардың, республикалық маңызы бар қаланың және астананың денсаулық сақтауды жергілікті мемлекеттік басқару органы басшысының немесе оны алмастыратын тұлғаның бұйрығымен әрбір денсаулық сақтау ұйымы үшін осы Қағидаларға 3-қосымшаға сәйкес нысан бойынша келесі күнтізбелік жылға Қазақстан Республикасында бақылауға жататын есірткі құралдарын, психотроптық заттарды және олардың прекурсорларын тұтыну нормативі бекітіледі.

Әкімшілік-аумақтық бірлік шегінде ағымдағы күнтізбелік жыл ішінде денсаулық сақтау ұйымдарының бекітілген тұтыну нормативтеріне өзгерістер мен толықтырулар енгізуге не жаңадан пайдалануға берілген (қайта ұйымдастырылған) денсаулық сақтау ұйымдарының тұтыну нормативін бекітуге рұқсат етіледі.

Облыстар, республикалық маңызы бар қала, астана үшін жиынтық қажеттілік, денсаулық сақтау ұйымдарымен мәлімделген жиынтық қажеттілік осы Қағидаларға 4-қосымшада көрсетілген жылына 1000 халық шаққандағы есірткі құралдарына қажеттілікті есептеу нормативтерін (грамда) салыстыру ескеріле отырып, сондай-ақ алдыңғы жылға нақты тұтынуды және сырқаттанушылық динамикасы мен халық саны ескеріле отырып, қалыптастырылады.";

6 және 7-тармақтар мынадай редакцияда жазылсын:

"6. Облыстардың, республикалық маңызы бар қаланың және астананың денсаулық сақтауды жергілікті мемлекеттік басқару органдары ағымдағы жылғы 15 наурызға қарай дәрілік заттардың, медициналық мақсаттағы бұйымдардың және медициналық техниканың айналысы саласындағы мемлекеттік органға келесі күнтізбелік жылға арналған облыс, республикалық маңызы бар қала, астана үшін есірткі құралдарына, психотроптық заттарға және олардың прекурсорларына жиынтық өтінімді ұсынады.

7. Дәрілік заттардың, медициналық мақсаттағы бұйымдардың және медициналық техниканың айналысы саласындағы мемлекеттік орган ағымдағы жылғы 1 сәуірге қарай есірткі құралдарының, психотроптық заттардың, олардың аналогтарының және прекурсорларының айналысы саласындағы уәкілетті мемлекеттік органға келесі күнтізбелік жылға арналған Қазақстан Республикасында медициналық мақсатта пайдалану үшін есірткі құралдарына, психотроптық заттарға және олардың прекурсорларына жиынтық өтінімді ұсынады.";

9-тармақ мынадай редакцияда жазылсын:

"9. Жедел медициналық көмек, санитариялық авиация, төтенше жағдайлар кезіндегі медициналық көмек нысанында медициналық көмек көрсету кезінде, сондай-ақ паллиативтік көмектің ұтқыр бригадасы (бұдан әрі ұтқыр бригадалар) пациенттерге үйге барған кезде құрамында есірткі құралдары, психотроптық заттар мен олардың прекурсорлары бар дәрілік заттарды жедел медициналық көмектің көшпелі бригадасының дәрігері немесе денсаулық сақтау ұйымының кезек күттірмейтін көмек (үйде көмек көрсету) бөлімшесінің дәрігері тағайындайды.

Жедел медициналық көмектің көшпелі бригадаларының, санитариялық авиацияның және ұтқыр бригадалардың құрамында дәрігер болмаған кезде, құрамында есірткі құралдары, психотроптық заттар мен олардың прекурсорлары бар дәрілік заттарды тағайындауды бригаданың фельдшері жүргізеді.

Тізімнің ІІ Кестесіндегі құрамында есірткі құралдары, психотроптық заттар мен олардың прекурсорлары бар дәрілік заттардың пайдаланылуын ресімдеу науқасқа шұғыл медициналық көмек көрсетілгеннен кейін жүргізіледі.";

7-тармақ алып тасталсын;

19-тармақ мынадай редакцияда жазылсын:

"19. Науқастарға Тізімнің II, III, IV кестесіндегі құрамында есірткі құралдары, психотроптық заттар және олардың прекурсорлары бар дәрілік заттардың рецептілері тиісті медициналық көрсетілімдер болғанда денсаулық сақтау ұйымдарының фельдшерлері, акушерлері, дәрігерлері немесе дербес қабылдау жүргізетін дәрігерлер пациенттің жай-күйін стандартты бағалау негізінде латын тілінде жазып беріледі және оның қолымен, жеке мөрімен (бар болса), денсаулық сақтау ұйымының мөртаңбасымен және мөрімен (бар болса) бекітіледі";

23-тармақ мынадай редакцияда жазылсын:

"23. Егер құрамында есірткі құралдары, психотроптық заттар мен олардың прекурсорлары бар Тізімнің ІІ, ІІІ, IV Кестесіндегі дәрілік затын тағайындау тегін медициналық көмектің кепілдік берілген көлемі шеңберінде амбулаториялық деңгейде жүзеге асырылған жағдайда, арнайы рецептуралық бланкіден бөлек, тегін босатуға арналған рецепт қосымша жазылады. Жазып берілген рецепттер Дәрі-дәрмекпен қамтамасыз етудің ақпараттық жүйесінде автоматты түрде көрсетіледі.";

28-тармақ мынадай редакцияда жазылсын:

"28. Жазылмайтын, ауыр өршіген аурулардан зардап шегетін терминальді (соңғы) дәрежедегі науқастардың өмір сүру сапасын жақсарту үшін бір рецептіде жазылатын құрамында есірткі құралдары, психотроптық заттар мен олардың прекурсорлары бар Тізімнің ІІ, ІІІ, IV Кестесіндегі дәрілік затты емнің күнтізбелік 10-15 күніне жететін, ал аудан орталығынан шалғайда орналасқан елді мекенде тұратындар халық үшін емнің күнтізбелік 25-30 күніне жететін, бірақ рұқсат етілген шекті Нормалардан аспайтын көлемде бірнеше рецептілерге жазып беруге рұқсат етіледі.";

33-тармақтың 4) тармақшасы мынадай редакцияда жазылсын:

"4) құрамында есірткі құралдары, психотроптық заттар және олардың прекурсорлары бар дәрілік заттарды рұқсат етілетін шекті Нормалардан асатын нормалардан асатын көлемдерде бір рецептуралық бланкіде жазып беруге және босатуға;";

44-тармақ алып тасталсын;

52 , 53 , 54 , 55 , 56-тармақтар мынадай редакцияда жазылсын:

"52. Құрамында есірткі құралдары, психотроптық заттар мен олардың прекурсорлары бар жарамсыз, жалған, жарамдылық мерзімі өтіп кеткен және Қазақстан Республикасы заңнамасының талаптарына сәйкес келмейтін басқалары (ақауы бар, сынған) дәрілік заттар, сондай-ақ дәрілік заттар өндірісінен және (немесе) дәрілік заттарға қатыссыз сынақтардан (талдаулардан) кейінгі шикізат, материалдар, материалдардың, сынамалардың қалғандары, жартылай өнімдері әрі қарай қайта өңдеуге жатпайтын қалдықтар жойылуға жатады.

53. Денсаулық сақтау ұйымдарында құрамында есірткі, психотроптық заттар мен олардың прекурсорлары бар дәрілік заттар нөмірленген, тігілген, денсаулық сақтау ұйымдары мен дәрілік заттардың, медициналық мақсаттағы бұйымдардың және медициналық техниканың айналысы саласындағы мемлекеттік органның аумақтық бөлімшелері басшыларының мөрі мен қолдары қойылған, осы Қағидаларға 11-қосымшаға сәйкес дәріхана қоймаларындағы есірткіні, психотроптық заттар мен олардың прекурсорларының есепке алу, 12-қосымшаға сәйкес бөлімшелерде және кабинеттердегі құрамында есірткі, психотроптық заттар мен олардың прекурсорлары бар дәрілік заттарды есепке алу, 13-қосымшаға сәйкес дәріханада заттық-сандық есепке алуға жататын есірткіні, психотроптық заттар мен олардың прекурсорларының есепке алу, 14-қосымшаға сәйкес мейіргерлер посттарындағы құрамында есірткі, психотроптық заттар мен олардың прекурсорлары бар дәрілік заттарды есепке алу журналдарында заттық-сандық есепке алуға жатады.

54. Денсаулық сақтау саласындағы ғылыми ұйымдарда, денсаулық сақтау саласындағы білім беру ұйымдарында, дәрілік заттар өндірісі түріндегі фармацевтикалық қызметті жүзеге асыратын денсаулық сақтау ұйымдарында сондай-ақ сынақ зертханаларында (орталықтарында) құрамында есірткі құралдары, психотроптық заттар мен олардың прекурсорлары бар реактивтер, белсенді фармацевтикалық құрасындар (субстанциялар), дәрілік заттар заттық-сандық есепке (оның ішінде автоматтандырылған режимде) алуға жатады.

Талдау жасау үшін сынақ зертханасына (орталығына) келіп түсетін, құрамында есірткі құралдары, психотроптық заттар мен олардың прекурсорлары бар реактивтерді, дәрілік заттарды, активті фармацевтикалық ингредиенттер (субстанцияларды) есепке алу (оның ішінде автоматтандырылған режимде) осы Қағидаларға 15-қосымшаға сәйкес нысан бойынша сынақ зертханасына (орталыққа) талдау үшін келіп түскен құрамында есірткі, психотроптық заттар мен олардың прекурсорлары бар дәрілік заттарды есепке алу журналында жүргізіледі; денсаулық сақтаудың ғылыми ұйымдары және денсаулық сақтау саласындағы білім беру ұйымдары үшін осы Қағидаларға 16-қосымшаға сәйкес нысан бойынша денсаулық сақтау саласындағы ғылыми зерттеу ұйымдары мен білім беру ұйымдарында есірткіні, психотроптық заттар мен олардың прекурсорларының есепке алу журналында; дәрілік заттардың өндірісі түріндегі фармацевтикалық қызметті жүзеге асыратын денсаулық сақтау ұйымдары үшін осы Қағидаларға 16-1-қосымшаға сәйкес нысан бойынша дәрілік заттарды өндіруде пайдаланылатын, құрамында есірткі құралдары, психотроптық заттар мен олардың прекурсорлары бар белсенді фармацевтикалық ингредиенттерді (субстанцияларды) есепке алу журналында жүргізіледі.

55. Есепке алу журналында бірінші бетте заттық-сандық есепке алуға жататын, құрамында есірткі құралдары, психотроптық заттар мен олардың прекурсорлары бар реактивтердің, дәрілік заттардың, белсенді фармацевтикалық ингредиенттердың (субстанциялардың) тізбесі көрсетіледі. Реактивтің, субстанцияның әрбір атауына немесе дәрілік заттың дәрілік нысанына дозасына, өлшеп-орауына журналды толтыратын жауапты тұлғаның тегі мен аты-жөнінің бірінші әріптерін көрсете отырып, жеке парақ (ашылатын жағы) беріледі. Келіп түскендері нөмірі мен күнін көрсетіле отырып әрбір кіріс құжаты бойынша көрсетіледі. Шығыстары күн қорытындыларымен (күнделікті жазбалар) жазылады. Есепке алу журналдары бір жыл бойы жүргізіледі.

56. Жауапты тұлға әр айдың бірінші күні іс жүзінде бар қалдықты кітаптағы қалдықпен, осы Қағидаларға 17-қосымшаға сәйкес нысан бойынша есірткі құралдарын, психотроптық заттарды және олардың прекурсорларын салыстыру актісін толтырумен салыстырады.";

58-тармақ мынадай редакцияда жазылсын:

"58. Нақты қалдықтың кітаптағы қалдықтан айырмашылығы анықталған жағдайда денсаулық сақтау ұйымының басшысы анықтаған сәттен бастап тәулік ішінде бұл туралы дәрілік заттардың, медициналық мақсаттағы бұйымдардың және медициналық техниканың айналысы саласындағы мемлекеттік органды және ішкі істер органының аумақтық бөлімшесін хабардар етеді.";

70-тармақ мынадай редакцияда жазылсын:

"70. Әр айдың бірінші күнінде материалдық жауапты тұлға нақты бар арнайы рецептуралық бланкілерді кітаптағы қалдықпен салыстырып, осы Қағидаларға 20-қосымшаға сәйкес нысан бойынша арнайы рецептуралық бланкілерді салыстыру актісін жасайды.

Салыстыру нәтижелері бойынша айырмашылық анықталған жағдайда денсаулық сақтау ұйымының басшысы анықтаған сәттен бастап тәулік ішінде бұл туралы дәрілік заттардың, медициналық мақсаттағы бұйымдардың және медициналық техниканың айналысы саласындағы мемлекеттік органның аумақтық бөлімшесін хабардар етеді.";

7-параграф тақырыбы мынадай редакцияда жазылсын:

" 7-параграф . Жарамсызданған, жалған, жарамдылық мерзімі өткен және Қазақстан Республикасы заңнамасының талаптарына сәйкес келмейтін (ақауы бар, сынған) басқа дәрілік заттарды, сондай-ақ құрамында есірткі құралдары, психотроптық заттар мен олардың прекурсорлары бар дәрілік заттардың өндірісінен және (немесе) сынақтарынан (талдаулардан) кейінгі шикізатты, материалдарды, материалдардың, сынамалардың қалған, қалдықтарын, жартылай өнімдерді әрі қарай қайта өңдеуге жатпайтын қалдықтарды жою";

83-тармақ мынадай редакцияда жазылсын:

"83. Дәрілік заттардың, медициналық мақсаттағы бұйымдардың және медициналық техниканың айналысы саласындағы объектілерде Тізімнің ІІ, ІІІ, IV Кестесінің құрамында есірткі құралдары, психотроптық заттар мен прекурсорлар бар жарамсызданған, жалған, жарамдылық мерзімі өткен және Қазақстан Республикасы заңнамасының талаптарына сәйкес келмейтін (ақауы бар, сынған) басқа дәрілік заттарды жою үшін ұйым басшысының бұйрығымен құрамына ұйымның басшысы мен жауапты тұлғасы, ішкі істер органдарының және халықтың санитариялық-эпидемиологиялық саламаттылығы саласындағы мемлекеттік органның аумақтық бөлімшесінің өкілдері кіретін, тұрақты жұмыс істейтін комиссия құрылады.";

мынадай мазмұндағы 83-1-тармақпен толықтырылсын:

"83-1. Дәрілік заттардың өндірісі түріндегі фармацевтикалық қызметті жүзеге асыратын денсаулық сақтау ұйымдарында, сондай-ақ сынақ зертханаларында (орталықтарда) Тізімнің ІІ, ІІІ, IV Кестесідегі құрамында есірткі құралдары, психотроптық заттар мен олардың прекурсорлары бар жарамсыз, жалған, жарамдылық мерзімі өтіп кеткен және Қазақстан Республикасы заңнамасының талаптарына сәйкес келмейтін басқалары (ақауы бар, сынған) дәрілік заттар, сондай-ақ дәрілік заттар өндірісінен және (немесе) дәрілік заттарға қатыссыз сынақтардан (талдаулардан) кейінгі шикізат, материалдар, материалдардың, сынамалардың қалғандары, жартылай өнімдері одан әрі қайта өңдеуге жатпайтын қалдықтар ұйымның жауапты тұлғасы, ішкі істер органдарының, халықтың санитариялық-эпидемиологиялық саламаттылығы саласындағы мемлекеттік органның аумақтық бөлімшесінің өкілдері кіретін комиссияның қатысуымен мынадай тәсілдермен жойылады:

1) сынақтардан (талдаулардан) және өндірістен қалған құрамында есірткі құралдары, психотроптық заттар мен олардың прекурсорлары бар сұйықтық 1:100 арақатынасында сумен сұйылтылып, бейтараптандырылады және түзілген суспензия немесе ерітінді өнеркәсіптік кәрізге ағызып жіберу арқылы жойылады;

2) сұйық дәрілік нысандар (ампулалардағы, пакеттегі және құтылардағы инъекцияға арналған ерітінділер, микстуралар, тамшы дәрілер, аэрозоль баллондарындағы сұйықтықтар) құрамын 1:100 арақатынасында сумен араластырылған және пайда болған ерітіндіні өнеркәсіптік кәрізге ағызып жібере отырып, езіп-жаншу жолымен жойылады (аэрозоль баллондары алдын ала тесіледі), ампулалардың, аэрозоль баллондарының, қалталар мен құтылардың қалдықтары шығарылып, кәдеге жарату жолымен жойылады;

3) құрамында суда еритін фармацевтикалық субстанциялары бар қатты нысандар ұнтақ тәріздес күйге дейін үгітуден кейін және 1:100 арақатынасында сумен сұйылтуға және өнеркәсіптік кәрізге ағызуға жатады;

4) суда ерімейтін қатты дәрілік нысандар, жұмсақ дәрілік нысандар (жақпамайлар, суппозиторийлер), дәрілік заттардың трансдермальді нысандары, фармацевтикалық субстанциялар өртеу жолымен жойылады.";

84-1-тармақ мынадай редакцияда жазылсын:

"84-1. Денсаулық сақтау ұйымдарында Тізімнің ІІ, ІІІ, IV Кестесіндегі құрамында есірткі құралдары, психотроптық заттар мен олардың прекурсорлары бар жарамсыз, жалған, жарамдылық мерзімі өтіп кеткен және Қазақстан Республикасы заңнамасының талаптарына сәйкес келмейтін басқа (ақауы бар, сынған) дәрілік заттарды жою фактісі осы Қағидаларға 26-қосымшаға сәйкес нысан бойынша денсаулық сақтау ұйымдарында Тізімнің II, III, IV кестелеріндегі құрамында есірткі құралдары, психотроптық заттар мен олардың прекурсорлары бар дәрілік заттарды жою актісімен ресімделеді";

мынадай мазмұндағы 84-2-тармақпен толықтырылсын:

"84-2. Дәрілік заттардың, медициналық мақсаттағы бұйымдардың және медициналық техниканың айналысы саласындағы объектілерде Тізімнің ІІ, ІІІ, IV Кестелеріндегі құрамында есірткі құралдары, психотроптық заттар мен олардың прекурсорлары бар жарамсыз, жалған, жарамдылық мерзімі өтіп кеткен және Қазақстан Республикасы заңнамасының талаптарына сәйкес келмейтін басқа (ақауы бар, сынған) дәрілік заттарды, сондай-ақ дәрілік заттар өндірісінен және (немесе) дәрілік заттарға қатыссыз сынақтардан (талдаулардан) кейінгі шикізат, материалдар, материалдардың, сынамалардың қалғандары, жартылай өнімдері әрі қарай қайта өңдеуге жатпайтын қалдықтарды жою фактісі осы Қағидаларға 27-қосымшаға сәйкес нысан бойынша дәрілік заттардың жою актісімен ресімделеді.";

Қағидаларға 1 , 2 , 3 , 4 , 8 , 26 , 27-қосымшалар осы бұйрыққа 1 , 2 , 5 , 6 , 7 , 9 , 10-қосымшаларға сәйкес жаңа редакцияда жазылсын;

осы бұйрыққа 3 , 4 , 8-қосымшаларға сәйкес 2-1, 2-2, 16-1-қосымшалармен толықтырылсын;

Қағидалардың 7-қосымшасы алып тасталсын.

2. Қазақстан Республикасы Денсаулық сақтау министрлігінің Фармация комитеті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты мемлекеттік тіркеген күнінен бастап күнтізбелік он күннің ішінде қазақ және орыс тілдеріндегі электрондық түрдегі оның көшірмесін Қазақстан Республикасы нормативтік құқықтық актілерінің Эталондық бақылау банкінде ресми жариялау және қосу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

3) осы бұйрықты ресми жарияланғаннан кейін Қазақстан Республикасы Денсаулық сақтау министрлігінің интернет-ресурсында орналастыруды;

4) осы бұйрықты Қазақстан Республикасы Әділет министрілігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң қызметі департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау Қазақстан Республикасының Денсаулық сақтау вице-министрі А.В. Цойға жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

"КЕЛІСІЛГЕН"

Қазақстан Республикасының

Ішкі істер министрі

______________ Қ. Қасымов

2018 жылғы "___" ________

Жылына бір төсекке (жағдай) арналған құрамында есірткі құралдары бар дәрілік заттарға қажеттілікті есептеу нормативтері

* 2 мл ампулалардағы Фентанилге 0,005% есептік норматив жалпы ауырсынуды басу арқылы операция жасалатын бір науқасқа ең көбі 18 ампула құрайды

20_____жылға арналған Қазақстан Республикасында бақылауға жататын есірткі құралдарын тұтыну нормативін бекіту үшін денсаулық сақтау ұйымының өтінімі

_____________________________________________

(денсаулық сақтау ұйымының атауы)

Денсаулық сақтау ұйымының басшысы ________________ Т.А.Ә. (бар болса)

(қолы

М.О

Ескерту:

1. Стационарлық, стационарды алмастыратын көмек көрсету үшін есірткі құралдарына қажеттілікті есептеу (9-баған) денсаулық сақтау ұйымындағы тиісті бейіндегі төсек санына көбейтілген бір жылдағы бір төсек үшін құрамында есірткі құралдары бар дәрілік заттарға деген барлық қажеттіліктің есептік нормативтерін қосу арқылы жүргізіледі;

2. Алғашқы медициналық-санитариялық көмек пен консультативтік-диагностикалық көмек көрсету үшін есірткі құралдарына қажеттілікті есептеу (10-баған) өткен жылы қатерлі ісіктердің, туберкулездің және АИТВ-инфекциясының жайылған нысандарымен, жүрек, өкпе, бауыр жетіспеушілігінің декомпенсация сатысындағы, бауыр циррозы кезіндегі созылмалы өрістемелі аурулармен есепте тұрған науқастар санын бір жансыздандыру курсы үшін бір науқасқа қажетті (бірлік) дәрілік нысандар (таблеткалар, капсулалар, ампулалар, трансдермальді терапиялық жүйелер) бірліктерінің санына және дәрілік нысанның бір бірлігіндегі есірткі құралының таза сусыз мөлшеріне (8-баған) көбейту жолымен жүргізіледі.

3. Жедел медициналық көмек көрсету үшін, ұтқыр бригадалармен үйде паллиативтік көмек көрсету кезінде, санитариялық авиация үшін және төтенше жағдайлар кезіндегі есірткі құралдарына қажеттілікті есептеу (11-баған) өткен жылғы шақыртулар санын бір науқасқа бір жансыздандыру емшарасы үшін қажетті (бірліктердің) дәрілік нысандар (таблеткалар, капсулалар, ампулалар, трансдермальді терапиялық жүйелер) бірліктерінің санына және бір дәрілік нысан бірлігіндегі есірткі құралының таза сусыз құрамына (8-баған) көбейту арқылы жүргізіледі.

20_____жылға арналған Қазақстан Республикасында бақылауға жататын психотроптық заттарды тұтыну нормативін бекіту үшін денсаулық сақтау ұйымының өтінімі

_____________________________________________

(денсаулық сақтау ұйымының атауы)

Денсаулық сақтау ұйымының басшысы ________________ Т.А.Ә (бар болса)

(қолы)

М.О

20_____жылға арналған Қазақстан Республикасында бақылауға жататын прекурсорларды тұтыну нормативін бекіту үшін денсаулық сақтау ұйымының өтінімі

_____________________________________________

(денсаулық сақтау ұйымының атауы)

Денсаулық сақтау ұйымының басшысы ________________ Т.А.Ә (бар болса)

(қолы)

М.О

20_____жылға арналған Қазақстан Республикасында бақылауға жататын есірткі құралдарын, психотроптық заттарды және олардың прекурсорларын тұтыну нормативі

_______________________________________________

(Денсаулық сақтау ұйымының атауы)

Денсаулық сақтау ұйымының басшысы ________________ Т.А.Ә. (бар болса)

(қолы)

М.О

Жылына 1000 халыққа шаққандағы есірткі құралдарына қажеттілікті есептеу нормативтері (грамда)

Ескерту.

1) таза сусыз морфиннің құрамы морфин гидрохлоридінде-89%; морфин сульфатында (5Н2О)-75%;

2) тримепередин гидрохлоридіндегі таза сусыз тримеперидиннің құрамы-88%;

3) фентанил цитратындағы таза сусыз фентанилдің құрамы-64%;

4) таза сусыз кодеиннің құрамы кодеин гидрохлоридінде (2Н2О)-81%; кодеин фосфатында (1/2 Н2О)-74%); кодеин фосфатында (1 1/2 Н2О)-71%;

5) тебаин гидрохлоридіндегі таза сусыз тебаиннің құрамы-85%;

6) оксикодон гидрохлоридіндегі таза сусыз оксикодонның құрамы-90%.

Құрамында есірткі құралдары, психотроптық заттар мен олардың прекурсорлары бар дәрілік заттарды бір рецептіге жазу және босатудың рұқсат етілетін шекті нормалары

Дәрілік заттарды өндіруде пайдаланылатын, құрамында есірткі құралдары, психотроптық заттар мен олардың прекурсорлары бар белсенді фармацевтикалық ингредиенттерді (субстанцияларды) есепке алу журналы

__________________________________________

денсаулық сақтау ұйымының атауы

Денсаулық сақтау ұйымдарында Тізімнің II, III, IV кестелеріндегі құрамында есірткі құралдары, психотроптық заттар мен олардың прекурсорлары бар дәрілік заттарды жою актісі

____________________ қ. __________________________ ж.

Комиссия мынадай құрамда (кемінде 3 адамнан кем емес):

1) Т.А.Ә. (бар болған жағдайда), денсаулық сақтау ұйымы өкілдерінің лауазымы;

2) Т.А.Ә. (бар болған жағдайда), ішкі істер органдары өкілінің лауазымы;

3) Т.А.Ә. (бар болған жағдайда), халықтың санитариялық-эпидемиологиялық

саламаттылығы саласындағы мемлекеттік органның аумақтық бөлімшелерінің өкілінің лауазымы

20__ж. "____" _________ ден 20__ж. "____" _________ дейінгі кезеңге Тізімнің II, III,

IV кестелеріндегі құрамында құралдары, психотроптық заттар мен олардың прекурсорлары

бар қолдану жарамсызданған, жалған, жарамдылық мерзімі өткен және Қазақстан

Республикасы заңнамасының талаптарына сәйкес келмейтін басқа (ақауы бар, сынған),

сондай-ақ Тізімнің ІІ кестесіндегі құрамында есірткі құралдары, психотроптық заттары бар

дәрілік заттарының пайдаланылған және (немесе) ішінара пайдаланылған ампулаларын

мына атаудағы:

________________________________________________________________________________

(ампулаларда, ұнтақтарда, таблеткаларда, данада атауы және мөлшері) жоюды жүргізді.

Дәрілік заттар жаншу; өртеу арқылы жойылды (керектісін сызу).

Төраға: ____________________________ (қолы)

Комиссия мүшелері: _________________ (қолы)

____________________________________ (қолы)

____________________________________ (қолы)"

Дәрілік заттардың, медициналық мақсаттағы бұйымдардың және медициналық техниканың айналысы саласындағы объектілерде Тізімнің ІІ, ІІІ, IV Кестесіндегі құрамында есірткі құралдары, психотроптық заттар мен олардың прекурсорлары бар дәрілік заттарды, сондай-ақ дәрілік заттар өндірісінен және (немесе) дәрілік заттарға жатпайтын сынақтардан (талдаулардан) кейінгі шикізат, материалдар, материалдардың, сынамалардың қалғандары, жартылай өнімдері әрі қарай қайта өңдеуге келмейтін жартылай өнімдертдін қадықтарын; сынықтардан (талдаулардан) қалған құрамында есірткі құралдары, психотроптық заттар мен олардың прекурсорлары бар сұйықтықты жою актісі

_____________________ қ. ______________________

Комиссия мынадай құрамда:

1) Дәрілік заттардың, медициналық мақсаттағы бұйымдардың және медициналық

техниканың айналысы саласындағы объектінің басшысының Т.А.Ә. (бар болса);

2) Дәрілік заттардың, медициналық мақсаттағы бұйымдардың және медициналық

техниканың айналысы саласындағы жауапты адам басшысының Т.А.Ә. (бар болса);

3) Ішкі істер органдары өкілінің Т.А.Ә. (бар болса) лауазымы;

4) Халықтың санитариялық-эпидемиологиялық саламаттылығы саласындағы

мемлекеттік органның аумақтық бөлімшелерінің өкілінің Т.А.Ә. (бар болса) лауазымы

20__ж. "____" _________ ден 20__ж. "____" _________ дейінгі кезеңге мынадай

атаулар бойынша:

________________________________________________________________________________

(ампулаларда, ұнтақтарда, таблеткаларда, данада, граммда, миллилитрде)

құрамында есірткі құралдары, психотроптық заттар мен олардың прекурсорлары бар

жарамсыз, жалған, жарамдылық мерзімі өтіп кеткен және Қазақстан Республикасы

заңнамасының талаптарына сәйкес келмейтін басқа (ақауы бар, сынған) дәрілік заттарды,

сондай-ақ дәрілік заттар өндірісінен және (немесе) дәрілік заттарға жатпайтын сынақтардан

(талдаулардан) кейінгі шикізат, материалдар, материалдардың, сынамалардың қалғандары,

жартылай өнімдері әрі қарай қайта өңдеуге жатпайтын қалдықтарды (керектісін сызу)жоюды

жүргізді.

жаншу; өртеу, 1:100 арақатынаста сумен араластыру, бейтараптандыру және пайда

болған суспензияны немесе ерітіндіні өндірістік кәрізге ағызу арқылы жойылды (керектісін сызу).

Төраға: ___________________________ (қолы)

Комиссия мүшелері: ________________ (қолы)

___________________________________ (қолы)

___________________________________ (қолы)

___________________________________ (қолы)