№ 12/236 бұйрық (13.04.2019): толық мәтін және скачать

"Қазақстан Республикасындағы сайлау туралы" Қазақстан Республикасының 1995 жылғы 28 қыркүйектегі Конституциялық заңының 59-бабы 2-1-тармағына сәйкес Қазақстан Республикасы Орталық сайлау комиссиясы ҚАУЛЫ ЕТЕДІ және Қазақстан Республикасы Денсаулық сақтау министрлігі БҰЙЫРАДЫ:

1. Бекетілсін:

1) Қазақстан Республикасының Президенттігіне кандидаттың денсаулығының жай-күйі туралы медициналық қорытындыға қойылатын талаптар осы бірлескен қаулы мен бұйрықтық 1 қосымшасына сай;

2) Қазақстан Республикасының Президенттігіне кандидат ретінде тіркеуге кедергі келтірілетін аурулардың тізбесі бекітілсін осы бірлескен қаулы мен бұйрықтық 2 қосымшасына сай.

2. Қазақстан Республикасы Орталық сайлау комиссиясы аппаратының құқықтық қамтамасыз ету бөлімі:

1) осы бірлескен нормативтік қаулы мен бұйрықтың Қазақстан Республикасы Әділет министрлігінде мемлекеттік тіркелуін;

2) осы бірлескен нормативтік қаулы мен бұйрықтың мемлекеттік тіркелген күнінен бастап күнтізбелік он күн ішінде оны қазақ және орыс тілдерінде ресми жариялау және Қазақстан Республикасы Нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің "Заң шығару және құқықтық ақпарат институты" шаруашылық жүргізу құқығындағы республикалық мемлекеттік кәсіпорнына жіберілуін;

3) осы бірлескен қаулы мен бұйрықтың ресми жарияланғаннан кейін Қазақстан Республикасы Орталық сайлау комиссиясының интернет-ресурсында орналастырылуын қамтамасыз етсін.

3. Осы бірлескен нормативтік қаулы мен бұйрықтың алғаш ресми жарияланған күнінен бастап қолданысқа енгізіледі.

Қазақстан Республикасының Президенттігіне кандидаттың денсаулығының жай-күйі туралы медициналық қорытындыға қойылатын талаптар

1. Қазақстан Республикасының Президенттігіне кандидаттың денсаулығының жай-күйін медициналық куәландыру Қазақстан Республикасының Президенттігіне кандидат (бұдан әрі - кандидат) ретінде тіркеуге кедергі келтіретін аурулардың бар немесе жоқ екендігі фактісін анықтау немесе растау үшін қарап-тексеру мақсатында жүргізіледі және кандидаттың денсаулығының жай-күйі туралы тиісті медициналық қорытындымен ресімделеді (бұдан әрі – медициналық қорытынды).

2. Кандидатты медициналық куәландыру оны ұсыну туралы республикалық қоғамдық бірлестіктің хаттамасы үзіндісінің көшірмесі негізінде жүзеге асырылады.

3. Медициналық куәландыру медициналық қорытынды бере отырып кандидаттың тіркелген жері бойынша денсаулық сақтау ұйымдарында жүргізіледі.

4. Медициналық қорытынды Қазақстан Республикасының Президенттігіне кандидаттың денсаулығының жай-күйі туралы медициналық қорытындыға қойылатын талаптарға қосымшаға сай нысан бойынша жасалады.

5. Денсаулық сақтау ұйымдары берілген медициналық қорытындылардың есебін жүргізеді. Медициналық қорытындыға қолжетімділікке денсаулық сақтау саласындағы уәкілетті орган ие.

6. Медициналық қорытынды кандидаттың медициналық куәландыру жүргізу үшін жүгінген уақытынан бастап күнтізбелік үш күн мерзімде беріледі және Қазақстан Республикасының Президенттін сайлау мерзімі ішінде жарамды.

7. Кандидатта Қазақстан Республикасының Президенттігіне кандидат ретінде тіркеуге кедергі келтіретін аурулардың жоқтығын растайтын дәрігерлік-консультациялық комиссияның қорытындысын кандидат "Қазақстан Республикасындағы сайлау туралы" Қазақстан Республикасы Конституциялық заңының 59-бабында көзделген құжаттармен бірге Қазақстан Республикасы Орталық сайлау комиссиясына кандидат ретінде тіркеу үшін ұсынады.

Қазақстан Республикасының Президенттігіне кандидаттың Қазақстан Республикасының Президенттігіне кандидат ретінде тіркеуге кедергі келтіретін аурулардың тізбесі туралы 20____ жылғы "____" ____________ анықтама

Жеке тұлғаға берілді (Выдана физическому лицу)

Тегі (Фамилия) Аты (Имя)______________________________________________

Әкесінің аты (Отчество) ______________________________________________

(болған кезде / при наличии)

Тұған күні (дата рождения)________________ Жынысы (пол)_______________

Үйінің мекенжайы, телефоны (домашний адрес, телефон)

____________________________________________________________________

____________________________________________________________________

Жұмыс орны (место работы)___________________________________________

____________________________________________________________________

Психиатр дәрігердің қорытындысы (Заключение врача-психиатра):

____________________________________________________________________

____________________________________________________________________

____________________________________________________________________

(ТАӘ) (ФИО) психиатр дәрігердің қолы және мөрі (подпись и печать врача-психиатра)

Мөр орны (ұйым)

Место печати (организации)

Қазақстан Республикасының Президенттігіне кандидат ретінде тіркеуге кедергі келтіретін аурулардың тізбесі