№ ҚР ДСМ-91 бұйрық (25.08.2022): толық мәтін және скачать

БҰЙЫРАМЫН:

1. "Медициналық оңалту көрсету қағидаларын бекіту туралы" Қазақстан Республикасы Денсаулық сақтау министрінің 2020 жылғы 7 қазандағы № ҚР ДСМ-116/2020 бұйрығына (Нормативтік құқықтық актілерді мемлекеттік тіркеу тізілімінде № 21381 болып тіркелген) мынадай өзгерістер енгізілсін:

кіріспе мынадай редакцияда жазылсын:

""Халық денсаулығы және денсаулық сақтау жүйесі туралы" Қазақстан Республикасының Кодексі 125-бабының 6-тармағына сәйкес БҰЙЫРАМЫН: ";

көрсетілген бұйрыққа 1-қосымшамен бекітілген Медициналық оңалту көрсету қағидаларында :

3 және 4-тармақтар мынадай редакцияда жазылсын:

"3. Медициналық оңалту:

1) тегін медициналық көмектің кепілдік берілген көлемі (бұдан әрі – ТМККК) шеңберінде негізгі ауруларды емдеу кезінде (медициналық оңалтудың бірінші кезеңі), сондай-ақ туберкулезбен ауыратын науқастарға;

2) 10-қайта қараудың денсаулыққа байланысты аурулар және проблемалардың халықаралық статистикалық жіктемесінің кодтары бойынша аурулардың тізбесі бойынша міндетті әлеуметтік медициналық сақтандыру жүйесінде (бұдан әрі – МӘМС) (медициналық оңалтудың екінші және үшінші кезеңдері);

3) ақылы негізінде азаматтардың өз қаражаты, ерікті медициналық сақтандыру қаражаты, жұмыс берушілердің қаражаты және Қазақстан Республикасының заңнамасында тыйым салынбаған өзге де көздер есебінен көрсетіледі.

4-тармақ мынадай редакцияда жазылсын:

4. Осы қағидаларда пайдаланылатын терминдер мен анықтамалар:

1) қашықтықтан медициналық қызмет көрсету – медицина қызметкерлерінің бір-бірімен, жеке тұлғалармен және (немесе) олардың заңды өкілдерімен қашықтықтан өзара іс-қимылын, көрсетілген адамдарды сәйкестендіруді, сондай-ақ олар жасайтын іс-әрекеттерді құжаттандыруды қамтамасыз ететін аурулар мен жарақаттарды диагностикалау, емдеу, медициналық оңалту және олардың профилактикасы, цифрлық технологиялар арқылы зерттеулер мен бағалау жүргізу мақсатында медициналық қызметтер көрсету;

2) медициналық оңалту – пациент организмінің функцияларын сақтауға, бұзылған және (немесе) жоғалтқан функцияларын ішінара немесе толық қалпына келтіруге бағытталған медициналық көрсетілетін қызметтер кешені;

3) мультидисциплинарлық топ – тыныс-тіршілігінің сипаты мен дәрежесіне, пациент ағзасының функциялары мен құрылымдарының бұзылуына, оның клиникалық жай-күйінің ауырлығына қарай қалыптастырылатын әртүрлі мамандар тобы;

4) оңалту әлеуеті – белгілі бір уақыт аралығында пациенттің организмінің бұзылған және (немесе) жойылған функцияларын ішінара немесе толықтай қалпына келтірудің клиникалық тұрғыдан негізделген мүмкіндігі;

5) санаторийлік-курорттық ұйымдар – медициналық және өзге де көрсетілетін қызметтерді, курорттарда немесе емдеу-сауықтыру орындарында орналасқан табиғи емдік факторларды қолдана отырып, адамның денсаулығын сауықтыру және қалпына келтіру жөніндегі санаторийлік-курорттық қызметтерді көрсететін ұйымдар: санаторий (ересектерге, ересектер мен балаларға, балаларға арналған), студенттік санаторий-профилакторий, балалардың оңалту-сауықтыру орталығы.";

13-тармақ мынадай редакцияда жазылсын:

"13. Медициналық оңалту үш кезеңді қамтиды:

1) бірінші кезең – аурудың жіті, жітілеу кезеңдерінде, сондай-ақ, операциялық араласулар және жарақаттар кезінде медициналық оңалту реабилитолог дәрігердің консультациясынан кейін асқынулардың профилактикасы және функционалдық қалпына келтіруді жеделдету үшін клиникалық хаттамаларға сәйкес негізгі ауруды емдеу шеңберінде мамандандырылған, оның ішінде жоғары технологиялық медициналық көмек көрсететін стационарлардың құрылымдық бөлімшелерінде (реанимация және қарқынды терапия бөлімшесінде немесе мамандандырылған бейінді бөлімшеде) жүргізіледі.

Бірінші кезеңде іс-шараларды өткізуді медициналық оңалту мәселелері бойынша оқудан өткен реабилитолог дәрігер және (немесе) бейінді маман жүзеге асырады. Негізгі ауруды медициналық оңалту өмірлік маңызды функциялар тұрақтанғаннан кейін жүргізіледі.

Негізгі ауруды емдеу курсы және медициналық оңалтудың бірінші кезеңі аяқталған кезде бейінді маман реабилитолог дәрігермен бірлесіп пациенттің әлеуетін айқындайды және алғаш рет белгіленген оңалту диагнозын, оңалту бағдарының шкаласы (бұдан әрі – ОБШ) бойынша пациенттің бағытын қалыптастырады және шығару эпикризін рәсімдей отырып, пациентті оңалтудың келесі кезеңдеріне (екінші немесе үшінші) жіберуді қалыптастырады.

Пациенттерде емдеуге жатқызуға көрсетілімдер болмаған және стационарлық жағдайларда оңалтудың бірінші кезеңін жүргізу қажет болған кезде, пациент медициналық көмек көрсетілгеннен және негізгі ауруды емдеу аяқталғаннан кейін оңалтудың екінші немесе үшінші кезеңіне жіберіледі.

Оңалту көмегін көрсететін медициналық ұйымдарда бейінді мамандар және (немесе) оңалтушы дәрігерлер болмаған жағдайда, ОБШ-ны айқындау және оңалтудың жеке жоспарын әзірлеу МДТ немесе бейінді мамандардың, мамандандырылған оңалту медициналық ұйымдарының қатысуымен телемедицина арқылы қамтамасыз етіледі;

2) екінші кезең – медициналық оңалту мамандандырылған бөлімшелерде немесе республикалық денсаулық сақтау ұйымдарынының оңалту төсектерінде, мамандандырылған оңалту орталықтарында, көп бейінді стационарларда жүргізіледі.

Екінші кезең мультидисциплинарлық топ (бұдан әрі – МДТ) мамандарының қатысуымен өмір сүру мен денсаулықтың қызмет етуінің, шектеулерінің халықаралық сыныптамасы (бұдан әрі – ҚХС) өлшемшарттарының негізінде нозология, пациент жағдайының ауырлық дәрежесіне, биоәлеуметтік функциялардың (бұдан әрі – БӘФ) бұзылуына байланысты емдеу ұзақтығымен аурудың басталуынан (операциялық араласудан) кейін 9 айдың ішінде өткізіледі.

Бір емдеу курсының ұзақтығы және екінші кезеңнің еселігі реабилитолог дәрігердің немесе ОБШ бойынша МДТ қорытындысы, ҚХС өлшемшарттары бойынша, пациент жағдайының ауырлық дәрежесі бойынша анықталады.

Екінші кезеңнің ішінде медициналық оңалтудың бірнеше курстарын өткізген кезде әрбір курс жаңа жағдай деп есептеледі. Екінші кезеңнің курстары арасындағы интервалдың ұзақтығы 30 күннен аспайды.

Медициналық оңалтудың екінші кезеңін жүргізу үшін пациентті бір медициналық ұйым шегінде бейінді бөлімшеден оңалту бөлімшесіне ауыстыру кезінде оны оңалтудың жаңа жағдайы деп есептеледі.

Пациенттерде мамандандырылған бөлімшелерде немесе оңалту төсектерінде, денсаулық сақтау ұйымдарында, мамандандырылған оңалту орталықтарында, көп бейінді стационарларда оңалтудың екінші кезеңін өткізуге көрсетілімдер болмаған кезде, пациент негізгі ауруды емдеу аяқталғаннан кейін оңалтудың үшінші кезеңіне жіберіледі.

Медициналық оңалтудың екінші кезеңіне жолдама жасау кезінде ақпараттық жүйеде қос кодтау пайдаланылады: негізгі диагноз ретінде негізгі диагноздың немесе операцияның коды көрсетіледі; диагнозды нақтылайтын – осы Қағидалардың 12-қосымшасына сәйкес XXI класс (Z) тізбесінен код.

3) үшінші кезең негізгі ауруды емдеу аяқталғаннан кейін туа біткен аурулар кезінде және ҚХС өлшемшарттарын бағалағаннан кейін БӘФ сақталған кезде жүргізіледі. Пациент ОБШ-ға сәйкес осы Қағидаларға 1 , 2 , 3 , 4 , 5 , 6 , 7 , 8 , 9 , 10 , 11 , 11-1, 11-2, 11-3, 11-4, 11-5, 11-6, 11-7 және 11-8-қосымшаларға сәйкес медициналық оңалтудың үшінші кезеңін алады.

Үшінші кезеңдегі медициналық оңалту амбулаториялық-емханалық ұйымдарда, күндізгі стационарларда, санаторийлік-курорттық ұйымдарда, үйдегі стационарларда, оның ішінде қашықтықтан медициналық қызмет көрсету арқылы жүргізіледі.

Медициналық оңалтудың үшінші кезеңіне жолдама жасау кезіндегі ақпараттық жүйеде қос кодтау пайдаланылады: негізгі диагноз: аурудың бейініне сәйкес оңалту коды (Z) және диагнозды нақтылайтын: ауру коды.

Оңалту әлеуетін сақтау кезінде үшінші кезеңдегі медициналық оңалту жиілігі мен ұзақтығы бойынша жеке жүргізіледі.";

16 және 17-тармақтар мынадай редакцияда жазылсын:

"16. ОБШ бойынша көрсеткіш тәулік бойы немесе күндізгі стационарға түскен кезде немесе барынша айқын ҚХС өлшемшарты бойынша медициналық-санитариялық алғашқы көмек (бұдан әрі – МСАК) ұйымына жүгінген кезде бағаланады.

Функциялардың бұзылуын бағалау принципі анатомиялық-физиологиялық белгілерге негізделеді.

ҚХС өлшемшарттарының әрқайсысы ОБШ-да балмен көрсетілетін бұзушылықтардың айқындылығын сипаттау үшін 0-ден 4-ке дейін өзінің мәні бар.

ҚХС өлшемшаттары бойынша бұзылу дәрежесі бар пациенттер:

0 балл медициналық оңалтуға мұқтаждар тобынан шығарылады және медициналық көрсетілімдер болған жағдайда клиникалық хаттамаларға сәйкес негізгі ауру бойынша емдеу немесе динамикалық бақылау алады;

1 балл – медициналық оңалтудың екінші кезеңін айналып өтпей амбулаториялық-емханалық көмек көрсететін медициналық ұйымдардың профилакторийі, санаторийі, бөлімшесі немесе оңалту кабинеті жағдайында, сондай-ақ реабилитолог дәрігердің немесе МДТ қорытындысына сәйкес МСАК дәрігерінің жолдамасы бойынша қашықтықтан медициналық қызметтерді пайдалана отырып амбулаториялық жағдайда медициналық оңалтуды алады;

2, 3, 4 балл – көп бейінді стационар, мамандандырылған оңалту орталығы, күндізгі стационар (мамандандырылған оңалту орталығы, санаторий, мамандандырылған санаторий), профилакторий, амбулаториялық-емханалық көмек көрсететін медициналық ұйымдардың оңалту бөлімшелерінің немесе кабинеттерінің жағдайларында, сондай-ақ көшпелі нысандарды, реабилитолог дәрігердің немесе МДТ қорытындысына сәйкес МСАК дәрігерінің жолдамасы бойынша қашықтықтан медициналық қызметтерді пайдалана отырып амбулаториялық жағдайларда алады.

МДТ шешімі бойынша оңалту әлеуеті жоқ пациентке ОБШ көрсеткіші 5 балл қойылады. Науқас паллиативтік көмек көрсету үшін жіберіледі.

17. ОБШ медициналық оңалтудың барлық кезеңдерінде пациенттің бағдарын сипаттау үшін пайдаланылады.";

көрсетілген Қағидалар 1 , 2 , 3 , 4 , 5 , 6 , 7 , 8 , 9 , 10 және 11-қосымшалар осы бұйрыққа 1 , 2 , 3 , 4 , 5 , 6 , 7 , 8 , 9 , 10 және 11-қосымшаларға сәйкес жаңа редакцияда жазылсын;

осы бұйрыққа 12 , 13 , 14 , 15 , 16 , 17 және 18-қосымшаларға сәйкес 11-1, 11-2, 11-3, 11-4, 11-5, 11-6 және 11-7 -қосымшалармен толықтырылсын;

12-қосымша осы бұйрыққа 19-қосымшаға сәйкес жаңа редакцияда жазылсын.

2. Қазақстан Республикасы Денсаулық сақтау министрлігінің Медициналық көмекті ұйымдастыру департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасы Әділет министрлігінде мемлекеттік тіркеуді;

2) осы бұйрықты ресми жариялағаннан кейін оны Қазақстан Республикасы Денсаулық сақтау министрлігінің интернет-ресурсында орналастыруды;

3) осы бұйрықты Қазақстан Республикасы Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

4. Осы бұйрық алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Тірек-қимыл аппараты және перифериялық нерв жүйесі және тірек-қимыл аппаратының туберкулезбен зақымдануы аурулары бар пациенттердің ҚХС өлшемшарттары негізінде оңалту бағдарының шкаласы

Жүрек-қантамыр жүйесі аурулары бар пациенттердің ҚХС өлшемшарттары негізінде оңалту бағдарының шкаласы

Орталық нерв жүйесінің зақымдануымен және орталық нерв жүйесінің туберкулезбен зақымдануы бар пациенттердің ҚХС өлшемшарттары негізінде оңалту бағдарының шкаласы

Перинаталдық кезеңде ауруды бастан өткерген балалардың ҚХС өлшемшарттары негізінде оңалту бағдарының шкаласы

Даму ақауларымен және жүрек-қантамыр жүйесінің ауруларымен операциялық емдеуден кейін пациенттердің ҚХС өлшемшарттары негізінде оңалту бағдарының шкаласы

Асқазан-ішек жолдарының ақаулары мен ауруларымен және асқазан-ішек туберкулезін операциялық емдеуден кейінгі пациенттердің ҚХС өлшемшарттары негізінде оңалту бағдарының шкаласы

Өкпе ақаулары мен аурулары және өкпенің туберкулезбен зақымдануын операциялық емдеуден кейін пациенттердің ҚХС өлшемшарттары негізінде оңалту бағдарының шкаласы

Өкпе туберкулезі бойынша жедел емдеуден кейін пациенттердің ҚХС өлшемшарттары негізінде оңалту бағдарының шкаласы

Электромагниттік есту аппаратының имплантациясы бар балалардың ҚХС өлшемшарттары негізінде оңалту бағдарының шкаласы

Несеп-жыныс жүйесінің ауруларымен және кемістіктерімен және бүйректің туберкулезбен зақымдануын операциялық емдеуден кейін пациенттердің ҚХС өлшемшарттары негізінде оңалту бағдарының шкаласы

Ауруханадан тыс пневмониясы бар, оның ішінде коронавирустық пневмониясы бар пациенттердің ҚХС өлшемшарттары негізделген оңалту бағдарының шкаласы

Кеуде қуысы ағзаларының және көкірек ортасының қатерлі ісіктері бар пациенттердің ҚХС өлшемшарттары негізінде оңалту бағдарының шкаласы

Әйел жыныс мүшелерінің қатерлі ісіктері бар пациенттердің ҚХС өлшемшарттары негізінде оңалту бағдарының шкаласы

Сүйектер мен жұмсақ тіндердің қатерлі ісіктері бар пациенттердің ҚХС өлшемшарттары негізінде оңалту бағдарының шкаласы

Сүт безінің қатерлі ісіктері бар пациенттердің ҚХС өлшемшарттары негізінде оңалту бағдарының шкаласы

Несеп-жыныс жүйесінің қатерлі ісіктері бар пациенттердің ҚХС өлшемшарттары негізінде оңалту бағдарының шкаласы

Ас қорыту жүйесінің қатерлі ісіктері бар пациенттердің ҚХС өлшемшарттары негізінде оңалту бағдарының шкаласы

Тік ішектің және анустың қатерлі ісіктері бар пациенттердің ҚХС өлшемшарттары негізінде оңалту бағдарының шкаласы

Қысқартылған сөздердің тізімі:

ТМККК шеңберінде және МӘМС жүйесінде медициналық оңалтудың II - III кезеңінің АХЖ-10 ХХІ класының коды бойынша нақтылаушы диагнозды көрсете отырып, АХЖ-10 коды бойынша диагноздардың және АХЖ-9 коды бойынша операциялардың (манипуляциялар) тізбесі