№ 115 бұйрық (23.10.2025): толық мәтін және скачать

ЗҚАИ-ның ескертпесі! Қолданысқа енгізілу тәртібін 4-тармақтан қараңыз.

БҰЙЫРАМЫН:

1. "Қазақстан Республикасында медициналық-санитариялық алғашқы көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің міндетін атқарушының 2023 жылғы 30 наурыздағы № 49 бұйрығына (Нормативтік құқықтық актілерді мемлекеттік тіркеу тізілімінде № 32160 болып тіркелген) мынадай өзгеріс енгізілсін:

көрсетілген бұйрықпен бекітілген Қазақстан Республикасында медициналық-санитариялық алғашқы көмек көрсетуді ұйымдастыру стандарты (бұдан әрі – Стандарт), осы бұйрыққа қосымшаға сәйкес жаңа редакцияда жазылсын.

2. Қазақстан Республикасы Денсаулық сақтау министрлігінің Медициналық көмекті ұйымдастыру департаменті Қазақстан Республикасының заңнамасында белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты ресми жарияланғаннан кейін оны Қазақстан Республикасы Денсаулық сақтау министрлігінің интернет-ресурсында орналастыруды;

3) осы бұйрықты мемлекеттік тіркегеннен кейін он жұмыс күні ішінде Қазақстан Республикасы Денсаулық сақтау министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Денсаулық сақтау вице-министріне жүктелсін.

4. Осы бұйрық 2027 жылғы 1 қаңтардан бастап қолданысқа енгізілетін Cтандарттың 5 және 17-тармақтарын қоспағанда, алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасында медициналық-санитариялық алғашқы көмек көрсетуді ұйымдастыру стандарты

1-тарау. Жалпы ережелер

1. Осы Қазақстан Республикасында медициналық-санитариялық алғашқы көмек көрсетуді ұйымдастыру стандарты (бұдан әрі – Стандарт) "Халық денсаулығы және денсаулық сақтау жүйесі туралы" Қазақстан Республикасының Кодексі 7-тармағының 32) тармақшасына, 138-бабына (бұдан әрі – Кодекс) сәйкес әзірленді және Қазақстан Республикасының халқына медициналық-санитариялық алғашқы көмек көрсетуді ұйымдастыруға қойылатын талаптарды белгілейді.

2. Осы Стандартта пайдаланылатын терминдер мен анықтамалар:

1) алғашқы медициналық-санитариялық көмек мамандары (бұдан әрі – МСАК мамандары) – жалпы практика дәрігерлері (отбасылық дәрігерлер), учаскелік терапевттер, педиатр, фельдшерлер, акушерлер, кеңейтілген практика мейіргерлері (жалпы практика), учаскелік мейіргерлер, сондай-ақ алғашқы медициналық-санитариялық көмек көрсететін денсаулық сақтау саласындағы әлеуметтік қызметкер, психолог.

2) бейінді маман – денсаулық сақтау саласында сертификаты бар жоғары медициналық білімі бар медицина қызметкері;

3) динамикалық байқау – пациенттің денсаулық жағдайын жүйелі бақылау, сондай-ақ осы байқаудың нәтижелері бойынша қажетті медициналық көмек көрсету;

4) дәрігерге дейінгі медициналық көмек – орта медицина қызметкерлері дербес немесе мультипәндік команданың құрамында көрсететін, денсаулықты насихаттауды, пациенттің жай-күйін бағалауды, дәрігерге дейін диагноз қоюды, дәрігерге дейінгі араласу жоспарын тағайындауды, дәрігерге дейінгі манипуляциялар мен емшараларды орындауды және пациенттерге, мүгедектігі бар адамдар мен хал үстіндегі адамдарға күтімді қамтитын медициналық көмек;

5) жылжымалы медициналық кешендер – ауылдық жерлердің және шалғайдағы елді мекендердің халқына көрсетілетін медициналық қызметтердің қолжетімділігін қамтамасыз ету және тізбесін кеңейту үшін не қорғаныс және ұлттық қауіпсіздік мүддесі үшін пайдаланылатын, қажетті медициналық жабдықпен жарақтандырылған автомобиль көлігі базасындағы мобильді клиникалар (кабинеттер);

6) клиникалық хаттама – профилактика, диагностика, емдеу, медициналық оңалту бойынша ғылыми дәлелденген ұсынымдар және белгілі бір ауруға немесе пациенттің жағдайына арналған паллиативтік медициналық көмек;

7) кеңейтілген практика мейіргері – мейіргер ісі саласында орта білімнен кейінгі немесе жоғары білімі бар, мейіргерлік күтім шеңберінде кеңейтілген функцияларды жүзеге асыратын маман;

8) кезек күттірмейтін медициналық көмек – пациенттің өміріне анық қатер төндірмейтін, кенеттен болған жіті аурулар мен жай-күйлер, созылмалы аурулардың асқынуы кезінде көрсетілетін медициналық көмек;

9) қашықтықтан көрсетілетін медициналық қызметтер – аурулар мен жарақаттардың диагностикасы, оларды емдеу, медициналық оңалту және олардың профилактикасы, медицина қызметкерлерінің өзара, жеке тұлғалармен және (немесе) олардың заңды өкілдерімен қашықтықтан өзара іс-қимыл жасауын, көрсетілген адамдарды сәйкестендіруді, сондай-ақ олар жасайтын әрекеттерді құжаттауды қамтамасыз ететін цифрлық технологиялар арқылы зерттеулер мен бағалауды жүргізу мақсатында медициналық көрсетілетін қызметтерді ұсыну;

10) медициналық ақпараттық жүйе (бұдан әрі – МАЖ) - Денсаулық сақтау субъектілерінің процестерін электрондық форматта жүргізуді қамтамасыз ететін ақпараттық жүйе;

11) мультипәндік топ – пациент организмінің функциялары мен құрылымдарының бұзылу сипатына, оның клиникалық жай-күйінің ауырлығына байланысты қалыптастырылатын әртүрлі мамандар тобы;

12) медициналық-санитариялық алғашқы көмек (бұдан әрі – МСАК) –адам, отбасы және қоғам деңгейінде көрсетілетін, аурулар мен жай-күйлердің профилактикасын, диагностикасын, оларды емдеуді қамтитын халықтың мұқтажына бағдарланған медициналық көмекке алғашқы қол жеткізу орны;

13) міндетті әлеуметтік медициналық сақтандыру (бұдан әрі – МӘМС) – әлеуметтік медициналық сақтандыру қорының активтері есебінен медициналық қызметтерді тұтынушыларға медициналық көмек көрсету жөніндегі құқықтық, экономикалық және ұйымдастырушылық шаралар кешені;

14) мобильді бригада – бұл инфекциялық және басқа да аурулар кезінде азаматтарға медициналық қызметтер көрсетуге бағытталған МСАК мамандарының үйде қызмет көрсету жұмысының нысаны;

15) отбасылық дәрігер – отбасы мүшелеріне медициналық-санитариялық алғашқы көмек көрсету бойынша арнайы көпбейінді даярлықтан өткен және денсаулық сақтау саласындағы маман сертификаты бар дәрігер;

16) профилактика – аурулардың пайда болуының, аурулардың ерте сатыларда өршуінің алдын алуға және өршіп кеткен асқынуларды, ағзалар мен тіндердің зақымдануын бақылауға бағытталған медициналық және медициналық емес іс-шаралар кешені;

17) патронаж – медицина қызметкерлерінің үйде профилактикалық және ақпараттық іс-шаралар өткізуі (жаңа туған нәрестенің патронажы, жүкті әйелдің, перзентхананың, диспансерлік пациенттің патронажы);

18) стационарды алмастыратын көмек – дәрігерге дейінгі, білікті, мамандандырылған, оның ішінде жоғары технологиялық медициналық қызметтерді қолдана отырып, медициналық бақылаумен медициналық көмекті ұсыну нысаны;

19) тегін медициналық көмектің кепілдік берілген көлемі (бұдан әрі – ТМККК) – бюджет қаражаты есебінен берілетін медициналық көмектің көлемі.

3. МСАК қызметтерін көрсетуді "Рұқсаттар және хабарламалар туралы" Қазақстан Республикасының Заңына сәйкес денсаулық сақтау саласындағы қызмет түріне лицензиясы бар медициналық ұйымдар (бұдан әрі – МСАК ұйымдары) жүзеге асырады.

4. МСАК қызметтерін көрсету ТМККК шеңберінде, МӘМС, жеке және заңды тұлғалардың жарналары есебінен көрсетілетін ерікті және (немесе) жүктелген медициналық сақтандыру жүйесінде, сондай-ақ "Денсаулық сақтау субъектілерінің ақылы қызметтер көрсету қағидаларын және ақылы медициналық көрсетілетін қызметтер (көмек) ұсыну жөніндегі шарттың үлгілік нысанын бекіту туралы" Қазақстан Республикасы Денсаулық сақтау министрінің 2020 жылғы 29 қазандағы № ҚР ДСМ-170/2020 бұйрығына (Нормативтік құқықтық актілерді мемлекеттік тіркеу тізілімінде № 21559 болып тіркелген) сәйкес ақылы түрде жүзеге асырылады.

5. Пациент бірінші рет жүгінген кезде МСАК медициналық қызметтерін көрсету осы Стандартқа 8-қосымшаға сәйкес ТМККК шеңберінде жүзеге асырылады.

6. МСАК жұмысының қағидаттары:

1) қызмет көрсетудің отбасылық қағидатын;

2) МСАК-тің аумақтық қолжетімділігін;

3) Кодекстің 123-бабы 2-тармағының 2) тармақшасына сәйкес аумақтық қолжетімділік шегінде медициналық ұйымды еркін таңдауды;

4) пациенттің медициналық көмек сапасына қанағаттануын;

5) меншік нысанына және ведомстволық тиесілігіне қарамастан, тең құқықтылық және адал бәсекелестікті қамтитын МСАК қызметтері.

7. МСАК қызметтерін алу үшін азаматтар "Медициналық-санитариялық алғашқы көмек көрсететін денсаулық сақтау ұйымдарына жеке тұлғаларды бекіту қағидаларын бекіту туралы" Қазақстан Республикасы Денсаулық сақтау министрінің 2020 жылғы 13 қарашадағы № ҚР ДСМ-194/2020 бұйрығына (Нормативтік құқықтық актілерді мемлекеттік тіркеу тізілімінде № 21642 болып тіркелген) сәйкес МСАК ұйымына бекітіледі.

8. Ауыл халқына МСАК, оның ішінде жылжымалы медициналық кешендер және (немесе) медициналық пойыздар арқылы көрсетілетін қызметтер "Жылжымалы медициналық кешендер мен медициналық пойыздар арқылы медициналық көмек көрсету қағидаларын бекіту туралы" Қазақстан Республикасы Денсаулық сақтау министрінің 2020 жылғы 8 желтоқсандағы № ҚР ДСМ-241/2020 бұйрығына (Нормативтік құқықтық актілерді мемлекеттік тіркеу тізілімінде № 21745 болып тіркелген) сәйкес ұсынылады.

9. Тергеу изоляторлары мен қылмыстық-атқару (пенитенциарлық) жүйесінің мекемелерінде ұсталатын адамдарға МСАК "Қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға медициналық көмек көрсету қағидаларын бекіту туралы" Қазақстан Республикасы Денсаулық сақтау министрінің 2022 жылғы 30 маусымдағы № ҚР ДСМ-61/2022 бұйрығына (Нормативтік құқықтық актілерді мемлекеттік тіркеу тізілімінде № 28669 болып тіркелген) сәйкес көрсетіледі.

10. МСАК-ті жалпы практика дәрігерлері (отбасылық дәрігерлер), учаскелік терапевтер, педиатрлар, фельдшерлер, акушерлер, кеңейтілген практика (жалпы практика) мейіргерлері, учаскелік мейіргерлер, денсаулық сақтау саласындағы әлеуметтік қызметкерлер, психологтар көрсетеді.

11. МСАК мамандары лауазымдарының біліктілік сипаттамалары "Денсаулық сақтау саласындағы мамандықтар мен мамандандырулар номенклатурасын, денсаулық сақтау қызметкерлері лауазымдарының номенклатурасы мен біліктілік сипаттамаларын бекіту туралы" Қазақстан Республикасы Денсаулық сақтау министрінің 2020 жылғы 21 желтоқсандағы № ҚР ДСМ–305/2020 бұйрығымен (Нормативтік құқықтық актілерді мемлекеттік тіркеу тізілімінде № 21856 болып тіркелген) айқындалады.

12. МСАК көрсететін мамандардың дағдылары мен құзыреттерінің көлемі осы Стандартқа 1-қосымшаға сәйкес айқындалады.

13. МСАК ұйымдары бөлімшелерінің (кабинеттерінің/бөлімшелерінің) құрылымы осы Стандартқа 2-қосымшаға сәйкес қалыптастырылады.

14. МСАК ұйымдарының штаттық нормативтері осы Стандартқа 3-қосымшаға сәйкес айқындалады.

15. МСАК көрсететін медициналық пунктті материалдық-техникалық жарақтандыру осы Стандартқа 4-қосымшаға сәйкес айқындалады.

16. МСАК деңгейінде көрсетілетін медициналық қызметтердің тізбесі осы Стандартқа 5-қосымшаға сәйкес айқындалады.

17. МСАК көрсететін ұйымға жүгіну себептері осы Стандартқа 6-қосымшаға сәйкес айқындалады.

18. Медициналық құжаттаманы жүргізу және есептерді ұсыну "Бастапқы медициналық құжаттаманы жүргізу және есептерді ұсыну қағидаларын бекіту туралы" Қазақстан Республикасы Денсаулық сақтау министрінің 2020 жылғы 10 желтоқсандағы № ҚР ДСМ-244/2020 бұйрығына (Нормативтік құқықтық актілерді мемлекеттік тіркеу тізілімінде № 21761 болып тіркелген) сәйкес, "Денсаулық сақтау саласындағы есепке алу құжаттамасының нысандарын, сондай–ақ оларды орындау жөніндегі нұсқаулықтарды бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-175/2020 бұйрығына (Нормативтік құқықтық актілерді мемлекеттік тіркеу тізілімінде № 21579 болып тіркелген) сәйкес (бұдан әрі – № ҚР ДСМ-175/2020 бұйрық) медициналық құжаттаманың бекітілген нысандарына сәйкес және "Денсаулық сақтау саласындағы есептік құжаттама нысандарын бекіту туралы" Қазақстан Республикасы Денсаулық сақтау министрінің 2020 жылғы 22 желтоқсандағы № ҚР ДСМ – 313/2020 бұйрығына (Нормативтік құқықтық актілерді мемлекеттік тіркеу тізілімінде № 21879 болып тіркелген) сәйкес денсаулық сақтау саласындағы есептік құжаттамаларды ұсынуды қамтамасыз етеді.

19. МСАК ұйымдары "Тегін медициналық көмектің кепілдік берілген көлемі, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттармен және медициналық бұйымдармен қамтамасыз ету қағидаларын, сондай-ақ тегін медициналық көмектің кепілдік берілген көлемі, қылмыстық-атқару (пенитенциарлық) жүйесінің тергеу изоляторлары мен мекемелерінде ұсталатын адамдарға бюджет қаражаты есебінен медициналық көмектің қосымша көлемі шеңберінде және (немесе) міндетті әлеуметтік медициналық сақтандыру жүйесінде дәрілік заттар мен медициналық бұйымдарға қажеттілікті қалыптастыру қағидалары мен әдістемесін бекіту туралы" Қазақстан Республикасы Денсаулық сақтау министрінің 2021 жылғы 20 тамыздағы № ҚР ДСМ-89 бұйрығына (Нормативтік құқықтық актілерді мемлекеттік тіркеу тізілімінде № 24069 болып тіркелген) сәйкес халықты жекелеген жағдайларда дәрілік заттармен және медициналық бұйымдармен қамтамасыз етеді.

20. Пациенттерге шұғыл және кезек күттірмейтін медициналық көмек көрсету "Жедел медициналық жәрдем, оның ішінде медициналық авиацияны тарта отырып көрсету қағидаларын бекіту туралы" Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-225/2020 бұйрығына (Нормативтік құқықтық актілерді мемлекеттік тіркеу тізілімінде № 21713 болып тіркелген) сәйкес МСАК ұйымдарында жүзеге асырылады.

21. Медициналық көрсетілімдер болған кезде МСАК ұйымының дәрігері "Қазақстан Республикасында стационарды алмастыратын жағдайларда медициналық көмек көрсету стандартын бекіту туралы" Қазақстан Республикасы Денсаулық сақтау министрінің 2023 жылғы 7 маусымдағы № 106 бұйрығына (Нормативтік құқықтық актілерді мемлекеттік тіркеу тізілімінде тіркелген № 32740 болып тіркелген) сәйкес күндізгі стационар немесе үйдегі стационар жағдайында медициналық көмек алуға жолдама қалыптастырады.

22. Медициналық көмек көрсетуге, оның ішінде тәулік бойы медициналық байқаумен жоғары технологиялық медициналық қызметтерді қолдана отырып көмек алуға мұқтаж пациенттер "Қазақстан Республикасында стационарлық жағдайларда медициналық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2022 жылғы 24 наурыздағы № ҚР-ДСМ-27 бұйрығына (Нормативтік құқықтық актілерді мемлекеттік тіркеу тізілімінде № 27218 болып тіркелген) сәйкес жоспарлы тәртіппен стационарлық көмек көрсететін денсаулық сақтау ұйымдарына емдеуге жатқызуға жіберіледі.

2-тарау. МСАК ұйымдарының құрылымы

23. Халыққа МСАК:

1) үйде;

2) медициналық пунктте;

3) фельдшерлік-акушерлік пунктте;

4) дәрігерлік амбулаторияда (Отбасылық денсаулық орталығы);

5) МСАК орталығында;

6) аудандық емханада және (немесе) нөмірлік аудандық емханада;

7) қалалық емханада;

8) республикалық МСАК орталығында көрсетіледі.

24. Аудандық деңгейде халық саны 50 (елу) адамнан кем елді мекенде МСАК көрсететін медициналық объект (үй-жай) болмаған кезде медициналық көмекті жалпы, учаскелік және (немесе) кеңейтілген практика мейіргері және (немесе) фельдшер және (немесе) акушер (бұдан әрі - мейіргер ісі маманы) үйде көрсетеді.

1-параграф. Медициналық пункт

25. Медициналық пункт (бұдан әрі – МП) "Дәрігерге дейінгі медициналық көмек көрсету қағидаларын бекіту туралы" Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-223/2020 бұйрығына (бұдан әрі – № ҚР ДСМ-223 бұйрық) (Нормативтік құқықтық актілерді мемлекеттік тіркеу тізілімінде № 21721 болып тіркелген) сәйкес дәрігерге дейінгі медициналық көмек көрсететін дәрігерлік амбулаторияның, МСАК орталығының, қалалық немесе аудандық (нөмірлік) емханалардың құрылымдық бөлімшесі болып табылады.

26. МП:

1) халық саны 50 (елу) адамнан 500 (бес жүз) адамға дейінгі әрбір елді мекенде (ауылдық округте);

2) халық саны 50 (елу) адамнан кем елді мекенде, 5 километрден астам радиуста медициналық ұйым болмаған кезде құрылады.

27. МП жұмыс режимі жұмыс күндері сағат 08:00-ден 17:00-ге дейін белгіленеді.

Үйге шақыртуды тіркеу жұмыс күндері сағат 08:00-ден 15:00-ге дейін жүзеге асырылады.

28. МП мейіргер ісінің маманы:

1) осы Стандартқа 1-қосымшаға сәйкес дағдылар мен құзыреттер көлемінде дәрігерге дейінгі медициналық көмек көрсетеді;

2) осы Стандартқа 1-қосымшаға сәйкес дағдылар мен құзыреттер көлемінде МП жұмыс уақытында кезек күттірмейтін медициналық көмек көрсетеді;

3) қажет болған жағдайда жақын орналасқан денсаулық сақтау ұйымының мобильді бригадасын немесе жедел медициналық жәрдем бригадасын шақырады;

4) пациентке МСАК көрсететін жақын орналасқан медициналық ұйымға білікті көмек көрсету қызметтерін алу үшін жалпы практика дәрігеріне (отбасылық дәрігерге) консультацияға жолдама береді;

5) телекоммуникациялық инфрақұрылым болған кезде көрсетілімдер бойынша МСАК ұйымының дәрігеріне қашықтықтан консультация беруді қамтамасыз етеді.

2-параграф. Фельдшерлік-акушерлік пункт

29. Фельдшерлік-акушерлік пункт (бұдан әрі – ФАП) №ҚР ДСМ-223 бұйрыққа сәйкес дәрігерге дейінгі медициналық көмек көрсететін қалалық немесе аудандық (нөмірлік) емханалардың құрылымдық бөлімшесі болып табылады.

30. ФАП халық саны 500-ден (бес жүз) 1500 (бір мың бес жүз) адамға дейін, халық саны 500 (бес жүз) адамнан кем және жергілікті атқарушы органдардың шешімі бойынша дәрігерлік амбулаториялардан, аудандық ауруханалардан, облыс орталықтарынан қашықтығы бар әрбір елді мекенде (ауылдық округте) құрылады.

31. ФАП-тың жұмыс режимі жұмыс күндері сағат 08:00-ден 17:00-ге дейін белгіленеді.

Үйге шақыртуды тіркеу жұмыс күндері сағат 08:00-ден 16:00-ге дейін жүзеге асырылады.

32. ФАП мейіргері маманы:

1) осы Стандартқа 1-қосымшаға сәйкес дағдылар мен құзыреттер көлемінде дәрігерге дейінгі медициналық көмек көрсетеді;

2) осы Стандартқа 1-қосымшаға сәйкес дағдылар мен құзыреттер көлемінде ФАП жұмыс уақытында кезек күттірмейтін медициналық көмек көрсетеді;

3) қажет болған жағдайда жақын орналасқан денсаулық сақтау ұйымының мобильді бригадасын немесе жедел медициналық жәрдем бригадасын шақырады;

4) пациентке МСАК көрсететін жақын орналасқан медициналық ұйымға білікті көмек көрсету қызметтерін алу үшін жалпы практика дәрігеріне (отбасылық дәрігерге) консультацияға жолдама береді;

5) телекоммуникациялық инфрақұрылым болған кезде көрсетілімдер бойынша МСАК ұйымының дәрігеріне қашықтықтан консультация беруді қамтамасыз етеді.

3-параграф. Дәрігерлік амбулатория (Отбасылық денсаулық орталығы)

33. Дәрігерлік амбулатория (Отбасылық денсаулық орталығы) (бұдан әрі – ДА) дербес заңды тұлға немесе емхананың, стационарлық көмек көрсететін денсаулық сақтау ұйымдарының құрылымдық бөлімшесі болып табылады.

34. ДА бекітілген халық саны 1500 (бір мың бес жүз) адамнан 5000 (бес мың) адамға дейін, халық саны 1500 (бір мың бес жүз) адамнан кем және жергілікті атқарушы органдардың шешімі бойынша аудандық ауруханалардан, облыс орталықтарынан қашық орналасқан елді мекенде (ауылдық округте) құрылады.

35. ДА-да мейіргер ісі, жалпы практика дәрігері (отбасылық дәрігер) және (немесе) учаскелік терапевт және (немесе) учаскелік педиатр дәрігерге дейінгі және білікті медициналық көмек қызметтері көрсетіледі. Қажет болған жағдайда психолог пен әлеуметтік қызметкердің қызметтері ұсынылады.

36. ДА-ның жұмыс режимі жұмыс күндері жылжымалы график бойынша сағат 08.00-ден бастап сағат 20.00-ге дейін, сенбі күні сағат 8.00-ден 14.00-ге дейін белгіленеді.

Үйге шақыртуды тіркеу жұмыс күндері 08:00-ден 18:00-ге дейін, сенбі күні 08:00-ден 12:00-ге дейін жүзеге асырылады.

37. ДА-ның қызмет көрсететін аумағында тұратын пациенттерге үйге шақыртуларға қызмет көрсету белгіленген жұмыс уақытында жүзеге асырылады. ДА МСАК мамандары үйге шақыртуларға, оның ішінде ДА құрамына кіретін МП, ФАП қызмет көрсету аумағында тұратын пациенттерге қызмет көрсетеді.

38. Телекоммуникациялық инфрақұрылым болған жағдайда МСАК ұйымының дәрігері МП, ФАП қызмет көрсету аумағында тұратын пациенттерге қашықтықтан консультация береді және көрсетілімдері бойынша бейінді мамандарға қашықтықтан консультация беруді қамтамасыз етеді. МСАК ұйымының дәрігері болмаған кезде мейіргер ісінің маманы көрсетілімдері бойынша МСАК ұйымының дәрігерінің қашықтықтан консультация беруін ұйымдастырады.

4-параграф. Медициналық-санитариялық алғашқы көмек орталығы

39. МСАК орталығы дербес заңды тұлға немесе денсаулық сақтау ұйымдарының құрылымдық бөлімшесі болып табылады.

40. МСАК орталығы бекітілген халық саны 5 000 (бес мың) адамнан 30 000 (отыз мың) адамға дейінгі елді мекенде (ауылдық округте) құрылады.

41. МСАК орталығында жалпы практика дәрігері (отбасылық дәрігер) және (немесе) учаскелік терапевт және (немесе) учаскелік педиатр, мейіргер ісі мамандары, психолог пен әлеуметтік қызметкер дәрігерге дейінгі және білікті медициналық көмек көрсетіледі.

42. МСАК орталығының жұмыс режимі жұмыс күндері жылжымалы график бойынша сағат 08.00-ден сағат 20.00-ге дейін, сенбі күні сағат 8.00-ден сағат 14.00-ге дейін белгіленеді.

Үйге шақыртуды тіркеу жұмыс күндері сағат 08:00-ден 18:00-ге дейін, сенбі күні сағат 08:00-ден 12:00-ге дейін жүзеге асырылады. Қажет болған жағдайда шақыртуға мобильді бригада жіберіледі.

43. МСАК орталығы қызмет көрсететін аумақта тұратын пациенттерге үйге шақыртуларға қызмет көрсету белгіленген жұмыс уақытында жүзеге асырылады. Қажет болған жағдайда МСАК орталығының мобильдік бригадалары үйге, оның ішінде МСАК орталығының құрамына кіретін МП, ФАП ДА қызмет көрсету аумағында тұратын пациенттердің шақыртуына қызмет көрсетеді.

44. Телекоммуникациялық инфрақұрылым болған жағдайда МСАК ұйымының дәрігері МП, ФАП, ДА МСАК орталығының қызмет көрсету аумағында тұратын пациенттерге қашықтықтан консультация жүргізеді және көрсетілімдері бойынша бейінді мамандардың қашықтықтан консультациясын қамтамасыз етеді.

5-параграф. Емхана

45. Емхана – өзі қызмет көрсететін ауданда тұратын халыққа дәрігерге дейінгі, білікті және мамандандырылған медициналық көмек көрсетуге арналған көп бейінді медициналық ұйым.

46. Аудандық емхана аудандық немесе көп бейінді орталық аудандық аурухананың құрамында аудандық орталықта құрылады.

Нөмірлік аудандық емхана 30 000 (отыз мың) және одан да көп халық саны бар ауылдық елді мекендері бар ауданда аудандық аурухананың жанынан құрылады.

Қалалық емхана 30 000 (отыз мың) адамнан асатын бекітілген халық саны бар қаланың аумақтық қызмет көрсету аймағы шегінде, бірақ кемінде бір қалалық емхана құрылады.

47. Емхананың жұмыс режимі жұмыс күндері жылжымалы график бойынша сағат 08.00-ден 20.00-ге дейін, сенбі күні сағат 8.00-ден 14.00-ге дейін белгіленеді.

Үйге шақыртуды тіркеу жұмыс күндері сағат 08:00-ден 18:00-ге дейін, сенбі күні сағат 08:00-ден 12:00-ге дейін жүзеге асырылады. Қажет болған жағдайда шақыртуға мобильді бригада жіберіледі.

48. Емхана қызмет көрсететін аумақта тұратын пациенттерге үйге шақыртуларға қызмет көрсету белгіленген жұмыс уақытында жүзеге асырылады. Қажет болған жағдайда үйге шақыртуға, оның ішінде МП, ФАП, ДА, МСАК орталығының бекітілген қызмет көрсету аумағында тұратын пациенттерге емхананың мобильдік бригадалары қызмет көрсетеді.

49. Телекоммуникациялық инфрақұрылым болған кезде МСАК ұйымының дәрігері қашықтықтан консультация өткізуді, оның ішінде МП, ФАП, ДА пациенттеріне көрсетеді және көрсетілімдер бойынша бейінді мамандарды қашықтықтан консультация өткізуін қамтамасыз етеді.

6-параграф. Республикалық медициналық-санитариялық алғашқы көмек орталығы

50. Республикалық МСАК орталығы - өзі қызмет көрсететін ауданда тұратын халыққа дәрігерге дейінгі, білікті және мамандандырылған медициналық көмек көрсетуге арналған, сондай-ақ өңірлік медициналық ұйымдарға ұйымдық-әдістемелік көмек көрсететін көп бейінді медициналық ұйым.

51. Республикалық МСАК орталығының жұмыс режимі жұмыс күндері жылжымалы график бойынша сағат 08.00-ден 20.00-ге дейін, сенбі күні сағат 8.00-ден 14.00-ге дейін белгіленеді.

Үйге шақыртуды тіркеу жұмыс күндері сағат 08:00-ден 18:00-ге дейін, сенбі күні сағат 08:00-ден 12:00-ге дейін жүзеге асырылады. Қажет болған жағдайда шақыртуға мобильді бригада жіберіледі.

52. Республикалық МСАК орталығы қызмет көрсететін аумақта тұратын пациенттерге үйге шақыртуларға қызмет көрсету белгіленген жұмыс уақытында жүзеге асырылады. Қажет болған жағдайда үйге шақыруға мобильді бригадалар қызмет көрсетеді.

53. Телекоммуникациялық инфрақұрылым болған кезде МСАК ұйымының дәрігері қашықтықтан консультация өткізуді және көрсетілімдер бойынша бейінді мамандарды қашықтықтан консультация өткізуін қамтамасыз етеді.

54. Ұйымдастыру-әдіснамалық жұмыс бойынша іс-шараларды іске асырады.

3-тарау. Медициналық-санитариялық алғашқы көмек көрсететін ұйымдардың негізгі міндеттері мен бағыттары

55. МСАК аурулардың және жай-күйлердің профилактикасын, диагностикасын, емдеуді, оның ішінде:

1) анағұрлым кең таралған аурулардың диагностикасын, оларды емдеуді және басқаруды;

2) халықтың нысаналы топтарын (балаларды, ересектерді) профилактикалық қарап-тексеруді;

3) аурулар тәуекеленің мінез-құлықтық факторларын ерте анықтау мен олардың мониторингін және анықталған тәуекел факторларын төмендету дағдыларына оқытуды;

4) иммундауды;

5) саламатты өмір салтын (бұдан әрі – СӨС) қалыптастыру мен насихаттауды;

6) репродуктивтік денсаулықты сақтау жөніндегі іс-шараларды;

7) жүкті әйелдерді және босанған әйелдерді босанғаннан кейінгі кезеңде байқауды;

8) инфекциялық аурулар ошақтарындағы санитариялық-эпидемияға қарсы және санитариялық-профилактикалық іс-шараларды қамтиды.

56. МСАК ұйымдарының негізгі міндеттері:

1) қолжетімді және сапалы медициналық көмекпен қамтамасыз ету;

2) профилактика бойынша іс-шараларды ұйымдастыру және өткізу: балалар мен ересек халықтың нысаналы топтарын профилактикалық қарап-тексеру, патронаждық бақылау, динамикалық байқау, профилактикалық егулерді жоспарлау және жүргізу, денсаулық мектептерін ұйымдастыру;

3) халыққа, оның ішінде үйде дәрігерге дейінгі және білікті медициналық көмек көрсету;

4) профилактиканың, диагностиканың, емдеу мен оңалтудың жаңа технологияларының қызметін жетілдіру және енгізу;

5) басқа денсаулық сақтау ұйымдарымен сабақтастықты және ведомствоаралық өзара іс-қимылды қамтамасыз ету болып табылады.

57. Нысаналы топтарға профилактикалық медициналық қарап-тексерулер жүргізу және диагностикалық қызметтердің кезеңділігімен, еселігімен және көлемімен мінез-құлық қауіп факторларын ерте анықтау "Мектепке дейінгі, мектеп жасындағы балаларды, сондай-ақ техникалық және кәсіптік, орта білімнен кейінгі және жоғары білім беру ұйымдарының білім алушыларын қоса алғанда, халықтың нысаналы топтарына профилактикалық медициналық қарап-тексерулерді жүргізу қағидаларын, көлемі мен мерзімділігін бекіту туралы" Қазақстан Республикасы Денсаулық сақтау министрінің 2020 жылғы 15 желтоқсандағы №ҚР ДСМ-264/2020 бұйрығына (Нормативтік құқықтық актілерді мемлекеттік тіркеу тізілімінде № 21820 болып тіркелген) сәйкес қамтамасыз етіледі.

58. Скринингтік зерттеулер жүргізу "Скринингтік зерттеулерге жататын адамдардың нысаналы топтарын, сондай-ақ осы қарап-тексерулерді өткізудің қағидаларын, көлемі мен кезеңділігін бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы № ҚР ДСМ-174/2020 бұйрығына (Нормативтік құқықтық актілерді мемлекеттік тіркеу тізілімінде № 21572 болып тіркелген) сәйкес қамтамасыз етіледі.

59. Профилактикалық екпелерді жүргізу "Медициналық көмектің кепілдік берілген көлемі шеңберінде оларға қарсы міндетті профилактикалық екпелер жүргізілетін аурулардың тізбесін, екпелерді жүргізу қағидаларын, мерзімдерін және халықтың профилактикалық екпелерге жататын топтарын бекіту туралы" Қазақстан Республикасы Үкіметінің 2020 жылғы 24 қыркүйектегі № 612 қаулысына сәйкес жүзеге асырылады.

60. Профилактикалық екпелерді есепке алу вакцинация жүргізілетін жердегі денсаулық сақтау объектілерінде, мектепке дейінгі тәрбие мен оқыту, білім беру объектілерінде сақталатын есепке алу нысандарындағы тиісті жазбалармен жүзеге асырылады: № ҚР ДСМ-175/2020 бұйрығымен бекітілген, оның ішінде МАЖ арқылы профилактикалық екпелерді есепке алу журналы 066/е нысаны, иммундау паспорты № 065/е нысаны, амбулаториялық пациенттің медициналық картасы № 052/е нысаны, антирабиялық көмекке жүгінген адамның картасы 059/у нысаны.

Иммундаудан кейін қолайсыз оқиғалар жағдайларының тіркелуі егілген адамнан МСАК маманына хабарлама келіп түскен кезде МАЖ-ға енгізіледі. Техникалық мүмкіндік болмаған жағдайда қағаз түрінде кейіннен МАЖ-ға енгізіліп, ресімделеді.

61. Емдеу және сауықтыру жоспарын құра отырып, ауыз қуысының профилактикалық тексерулері мектепке дейінгі білім беру ұйымдарындағы балалар, жалпы орта білім беру ұйымдарының оқушылары және жүктілік бойынша есепке тұрған әйелдер арасында жүргізіледі (тіс аурулары - тіс тіндері мен тіс тіндерінің жанында аурулар болған кезде). Профилактикалық тексерулерге сонымен қатар балаларға тіс және ауыз қуысының шырышты қабығын күту бойынша санитарлық-гигиеналық дағдыларды үйрету кіреді.

62. Денсаулық сақтау саласында әлеуметтік қызметтер көрсету "Денсаулық сақтау саласында арнаулы әлеуметтік қызметтер көрсету стандартын бекіту туралы" Қазақстан Республикасы Денсаулық сақтау министрінің 2023 жылғы 13 қазандағы № 153 бұйрығына (Нормативтік құқықтық актілерді мемлекеттік тіркеу тізілімінде № 33545 болып тіркелген) сәйкес жүзеге асырылады.

63. Обыр алды және онкологиялық аурулардың профилактикасы және оларды белсенді ерте анықтау "Қазақстан Республикасының халқына онкологиялық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2021 жылғы 12 қарашадағы № ҚР ДСМ-112 бұйрығына (Нормативтік құқықтық актілерді мемлекеттік тіркеу тізілімінде № 25167 болып тіркелген) (бұдан әрі – № ҚР ДСМ-112 бұйрық) сәйкес жүргізіледі.

64. Туберкулез профилактикасы, оны белсенді ерте анықтау және диагностикалау "Туберкулез профилактикасы жөніндегі іс-шараларды жүргізу қағидаларын бекіту туралы" Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-214/2020 бұйрығына (Нормативтік құқықтық актілерді мемлекеттік тіркеу тізілімінде №21695 болып тіркелген) (бұдан әрі – № ҚР ДСМ-214/2020 бұйрығы) сәйкес, оның ішінде МАЖ арқылы жүргізіледі.

65. АИТВ инфекциясының бар-жоғын анықтау бойынша іс-шаралар "АИТВ инфекциясының бар-жоғына міндетті құпия медициналық зерттеп-қарау қағидаларын бекіту туралы" Қазақстан Республикасы Денсаулық сақтау министрінің 2020 жылғы 27 қарашадағы № ҚР ДСМ-211/2020 бұйрығына (Нормативтік құқықтық актілерді мемлекеттік тіркеу тізілімінде № 21692 болып тіркелген) сәйкес эпидемиологиялық көрсетілімдер бойынша жүргізіледі.

66. Психикалық және мінез-құлық бұзылушылықтары бар науқастардың профилактикасы және оны белсенді ерте анықтау "Қазақстан Республикасының халқына психикалық денсаулық саласында медициналық-әлеуметтік көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2020 жылғы 30 қарашадағы № ҚР ДСМ-224/2020 бұйрығына (Нормативтік құқықтық актілерді мемлекеттік тіркеу тізілімінде № 21712 болып тіркелген) сәйкес жүргізіледі.

67. 10 (он) жастан 18 (он сегіз) жасқа дейінгі кәмелетке толмағандар мен жастардың репродуктивтік және психикалық денсаулығын сақтау бойынша МСАК қызметтері "Он жастан он сегіз жасқа дейінгі кәмелетке толмағандар мен жастардың репродуктивтік және психикалық денсаулықты сақтау бойынша медициналық көмек ұйымдастыру стандартын бекіту туралы" Қазақстан Республикасы Денсаулық сақтау министрінің 2023 жылғы 24 қаңтардағы № 12 бұйрығына (Нормативтік құқықтық актілерді мемлекеттік тіркеу тізілімінде № 31762 болып тіркелген), сондай-ақ "Он жастан он сегіз жасқа дейінгі кәмелетке толмағандар мен жастардың репродуктивтік және психикалық денсаулықты сақтау бойынша медициналық көмекті ұйымдастыру қағидаларын бекіту туралы" Қазақстан Республикасы Денсаулық сақтау министрінің 2020 жылғы 20 желтоқсандағы №ҚР ДСМ-285/2020 бұйрығына (Нормативтік құқықтық актілерді мемлекеттік тіркеу тізілімінде № 21846 болып тіркелген) сәйкес көрсетіледі.

68. Репродуктивтік денсаулықты сақтау бойынша көрсетілетін қызметтер, оның ішінде жүкті әйелдер мен босанған әйелдерге патронаж "Қазақстан Республикасында акушерлік-гинекологиялық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2021 жылғы 26 тамыздағы № ҚР ДСМ-92 бұйрығына (Нормативтік құқықтық актілерді мемлекеттік тіркеу тізілімінде № 24131 болып тіркелген) сәйкес жүргізіледі.

69. Созылмалы аурулары бар және ауруларды басқару бағдарламасына тартылған адамдарды динамикалық байқау қызметтері "Созылмалы аурулары бар адамдарға медициналық көмек көрсетуді ұйымдастыру, байқаудың мерзімділігі мен мерзімдерін, диагностикалық зерттеулердің міндетті минимумы мен еселігі қағидаларын бекіту туралы" Қазақстан Республикасы Денсаулық сақтау министрінің 2020 жылғы 23 қазандағы №ҚР ДСМ-149/2020 бұйрығына (Нормативтік құқықтық актілерді мемлекеттік тіркеу тізілімінде № 21513 болып тіркелген) (бұдан әрі – № ҚР ДСМ-149 бұйрық), № ҚР ДСМ-214/2020 бұйрыққа сәйкес көрсетіледі.

70. Балалар халқына МСАК, оның ішінде 5 жасқа дейінгі балалар, оның ішінде жаңа туған нәрестелер патронажы қызметтері "Қазақстан Республикасында педиатриялық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2022 жылғы 15 наурыздағы № ҚР ДСМ-25 бұйрығына (Нормативтік құқықтық актілерді мемлекеттік тіркеу тізілімінде № 27182 болып тіркелген) (бұдан әрі – № ҚР ДСМ-25 бұйрық) сәйкес жүргізіледі.

71. Медициналық оңалту қызметтері "Медициналық оңалту көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2023 жылғы 7 сәуірдегі № 65 бұйрығына (Нормативтік құқықтық актілерді мемлекеттік тіркеу тізілімінде № 32263 болып тіркелген) сәйкес көрсетіледі.

72. Паллиативтік көмек қызметтері "Паллиативтік медициналық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2020 жылғы 27 қарашадағы № ҚР ДСМ-209/2020 бұйрығына (Нормативтік құқықтық актілерді мемлекеттік тіркеу тізілімінде № 21687 болып тіркелген) сәйкес көрсетіледі.

73. Қашықтықтан медициналық қызметтер "Қашықтықтан медициналық қызметтерді ұйымдастыру, ұсыну және ақы төлеу қағидаларын бекіту туралы" Қазақстан Республикасы Денсаулық сақтау министрінің 2021 жылғы 1 ақпандағы № ҚР ДСМ-12 бұйрығына (Нормативтік құқықтық актілерді мемлекеттік тіркеу тізілімінде № 22151 болып тіркелген) сәйкес, сондай-ақ "Амбулаториялық жағдайлардағы мамандандырылған медициналық көмек көрсету қағидаларын бекіту туралы" Қазақстан Республикасы Денсаулық сақтау министрінің 2022 жылғы 27 сәуірдегі № ҚР ДСМ-37 бұйрығымен (Нормативтік құқықтық актілерді мемлекеттік тіркеу тізілімінде № 27833 болып тіркелген) бекітілген медициналық қызметтер тізбесіне сәйкес көрсетіледі.

74. Еңбекке уақытша жарамсыздық сараптамасы "Еңбекке уақытша жарамсыздыққа сараптама жүргізу, сондай-ақ еңбекке уақытша жарамсыздық парағын немесе анықтамасын беру қағидаларын бекіту туралы" Қазақстан Республикасы Денсаулық сақтау министрінің 2020 жылғы 18 қарашадағы № ҚР ДСМ-198/2020 бұйрығына (Нормативтік құқықтық актілерді мемлекеттік тіркеу тізілімінде № 21660 болып тіркелген) сәйкес жүргізіледі. Тұрақты еңбекке жарамсыздықты сараптау жөніндегі іс-шараларға қатысу "Медициналық-әлеуметтік сараптама жүргізу қағидаларын бекіту туралы" Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 29 маусымдағы № 260 бұйрығына (Нормативтік құқықтық актілерді мемлекеттік тіркеу тізілімінде № 32922 болып тіркелген) сәйкес жүргізіледі.

75. Әскерге шақыру учаскелеріне жатқызылатын, мерзімді әскери қызметке шақырылатын, әскери-техникалық және өзге де мамандықтар бойынша даярлауға түсетін азаматтарды медициналық куәландыру "Қазақстан Республикасының Қарулы Күштерінде әскери-дәрігерлік сараптама жүргізу қағидаларын және әскери-дәрігерлік сараптама комиссиялары туралы ережені бекіту туралы" Қазақстан Республикасы Қорғаныс министрінің 2020 жылғы 21 желтоқсандағы № 716 бұйрығына (Нормативтік құқықтық актілерді мемлекеттік тіркеу тізілімінде № 21869 болып тіркелген) сәйкес жүргізіледі.

4-тарау. Медициналық-санитариялық алғашқы көмек көрсету тәртібі

76. Бекітілген халыққа қызмет көрсету үшін МСАК ұйымында осы Стандартқа 3-қосымшаға сәйкес МСАК мамандарын бекіте отырып, учаске қалыптастырылады.

77. МСАК ұйымдары жұмысының тиімділік көрсеткіштерін есептеу кезінде бекітілген орны бойынша 6 (алты) айдан асатын ескіру мерзімімен тіркелген аурулар және (немесе) өлім жағдайлары ескеріледі.

78. МСАК ұйымының дәрігері учаскенің жұмысын үйлестіруді жүзеге асырады және жұмыс көлемін МСАК мамандары арасында бөледі.

79. Жаңадан келген халық жалпы дәрігерлік учаскелерге бекітіледі, бұл ретте балалар ата-аналарының (заңды өкілдерінің) МСАК ұйымына тіркелген жері бойынша бекітіледі.

80. МСАК мамандарының қабылдауы:

1) медициналық ұйымның тіркелу орнына жеке жүгіну;

2) медициналық ұйымның call-орталығына жүгінген телефон нөмірі;

3) медициналық ақпараттық жүйелердің мобильді қосымшасы;

4) "Электрондық үкімет" веб-порталындағы жеке кабинет арқылы алдын ала жазылуымен жүзеге асырылады.

81. Мейіргер ісінің маманы күн сайын пациенттерге қоңырау шалады, МАЖ-ға деректерді енгізе отырып, қашықтықтан консультация береді және МСАК ұйымы дәрігерінің тексеріп-қарауы үшін медициналық көрсетілімдер болған кезде пациентті мына жағдайларда қабылдауға жазады:

1) белгіленген созылмалы ауру бойынша динамикалық байқау;

2) жоспарланған қабылдауды ұйымдастыру;

3) емхана активінің фильтріне түсуі;

4) ауруханаға жатқызудан бас тарту;

5) жедел медициналық көмек шақырылғаннан кейін активтің болуы.

82. Қабылдауға жазылуды жүзеге асыру МАЖ-дағы алдын ала жазылу журналында бекітіледі. Пациент медициналық ақпараттық жүйелердің мобильді қосымшасы, ұялы телефон байланысы, электрондық пошта немесе SMS хабарлама арқылы қабылдау күні мен уақыты туралы хабарлама алады.

83. Қабылдауға жазылуды жүзеге асыру үшін МСАК ұйымы мамандардың қабылдау графигін күн сайын өзектілендіре отырып, кемінде күнтізбелік 60 (алпыс) күн кезеңіне қалыптастырады.

Мамандардың қабылдау графигін күн сайын өзектілендіру пациенттерді қабылдауға жазылу серпінін және МСАК маманының:

1) пациенттің, оның ішінде консультациялық-диагностикалық қызметтерден өту уақытын ескере отырып, жазбаны ауыстыруы;

2) пациентті қабылдаудан бас тарту;

3) пациенттің келмеуі;

4) маманның жұмыстан шығуы;

5) маманның еңбекке уақытша жарамсыздығы;

6) маманның демалысы себептері бойынша (жыл сайынғы негізгі ақылы, жалақысы сақталмайтын, бала күтімі бойынша) болмауын есепке алу мақсатында жүзеге асырылады.

84. МСАК ұйымдарында жауапты маман (менеджер, тіркеуші, call-орталықтың операторы) МАЖ арқылы мыналарды:

1) келушілердің ағынын реттеу және сұрыптауды;

2) пациенттерді бағдарлауды;

3) пациенттерді дәрігердің қабылдауына алдын ала жазылу және тіркелуді;

4) үйге шақыртуларды тіркеуді;

5) активтерді қабылдау, тіркеу және беруді;

6) МСАК көрсететін ұйымға бекітуге сұрау салуды тіркеуді жүзеге асырады.

85. МСАК ұйымына алғашқы жүгінген кезде мынадай мақсаттарда пациент дәрігерге дейінгі және қарап-тексеру кабинеттеріне (әйелдер, ерлер) жіберіледі:

1) ауру профилактикасы;

2) ауруларды ерте сатыда анықтау және оның дамуының алдын алу;

3) денсаулығы үшін қауіп факторларын анықтау (темекі шегу, алкогольді шамадан тыс тұтыну, физикалық белсенділіктің төмендігі, артық салмақ және семіздік).

86. Дәрігерге дейінгі кабинетте мейігер ісі маманы:

1) бойы мен салмақты өлшеуді;

2) дене салмағының индексін анықтауды;

3) белінің аумағын өлшеуді;

4) дене қызуын өлшеуді;

5) артериялық қысымды өлшеуді;

6) пульсоксиметрияны;

7) динамометрияны;

8) медициналық көрсетілімдер бойынша электрокардиографиялық зерттеуді;

9) медициналық көрсетілімдер кезінде шұғыл көмек көрсетуді;

10) № ҚР ДСМ-175 бұйрыққа сәйкес МАЖ-да деректерді тіркеуді жүргізеді.

87. Көрсетілімдер болған кезде мейіргер ісі маманы пациентті МСАК ұйымы дәрігерінің, психологтың, әлеуметтік қызметкердің, СӨС кабинеті, денсаулық мектебі консультациясына жібереді.

88. Қарап-тексеру кабинетінде мейіргер ісінің маманы:

1) артериялық қысымды өлшеуді;

2) бүкіл дененің тері қабатын қарап-тексеруді;

3) ауыз қуысының шырышты қабығын қарап-тексеруді;

4) қалқанша безін қарап-тексеру және пальпациялауды;

5) перифериялық лимфа түйіндерін қарап-тексеру және пальпациялауды;

6) әйелдерде сүт бездерін және ерлерде кеуде бездерін қарап-тексеру және пальпациялауды;

7) ішті қарап-тексеру және пальпациялауды;

8) ерлер мен әйелдердің сыртқы жыныс ағзаларын қарап-тексеруді;

9) кейіннен онкоцитологияға жібере отырып, жатыр мойнының мен цервикалды каналдың қынаптық бөлігінен қырынды алуды;

10) тік ішекті саусақпен зерттеуді жүргізеді.

Мейіргер ісі маманы МАЖ-да қарап-тексеру нәтижелерін толтырады және медициналық көрсетілімдер болған кезде нақты жүгіну жағдайының шеңберінде пациенттің бағдарын жасайды.

89. Дәрігерге дейінгі және қарау кабинетіндегі мейіргер ісі маманы пациенттің денсаулығына қатысты белсенді шағымдары болмаған және денсаулық көрсеткіштері қалыпты деңгейден ауытқымаған жағдайда тексеру нәтижелерін МАЖ-ға енгізеді, ал белсенді шағымдар анықталған, денсаулық көрсеткіштері өзгерген жағдайда – МСАК ұйымының дәрігерінің қабылдауына жібереді.

90. Мейіргер ісінің маманы өз бетінше мейіргерлік қабылдауда:

1) құзыреті шегінде мейіргерлік зерттеп-қарауды (субъективті зерттеп-қарау: пациенттің денсаулық жағдайы туралы ақпарат жинау, шағымдар, өмірінің анамнезі, ауруының анамнезі және әлеуметтік және психологиялық қауіптерді анықтау);

2) пациентті объективті қарап-тексеру (тамырдың соғуын, артериялық қан қысымын, тыныс алу қозғалысының жиілігін, пульсоксиметрияны, динамометрияны, бойын, салмағын, белін өлшеу, диабеттік нейропатияны (тактильді, діріл және ауырсыну сезімталдығын) анықтау үшін аяқбасын қарап-тексеруді қоса алғанда, теріні және көрінетін шырышты қабықтарды қарап-тексеруді);

3) зертханалық-аспаптық зерттеулердің нәтижелерін бастапқы түсіндіру;

4) осы Стандартқа 7-қосымша мейіргер диагнозы жіктемесіне сәйкес мейіргердің диагнозды белгілеуі және мейіргерлік араласуларды орындауды;

5) МАЖ-ға қабылдау нәтижелерін енгізуді;

6) СӨС дағдыларын қалыптастыру бойынша консультацияны;

7) № ҚР ДСМ-149 бұйрыққа сәйкес белгіленген созылмалы аурулары бар пациенттерді динамикалық байқау іс-шараларын;

8) пациентті және отбасы мүшелерін жалпы күтім емшараларына және ауруды басқаруға оқытуды ұйымдастыру және бақылауды;

9) пациентте шағымдар, зертханалық-диагностикалық қызметтердің нәтижелеріне сәйкес патологиялық өзгерістер болған кезде МСАК ұйымының дәрігеріне жолдама беруді;

10) әлеуметтік және психологиялық қауіптер анықталған кезде әлеуметтік қызметкерді және/немесе психологты қабылдауға жіберуді;

11) СӨС маманына және денсаулық мектебіне жолдама беруді;

12) учаскеге бекітілген халықты динамикалық байқау қызметтерімен қамту туралы есепті қалыптастыруды жүргізеді.

91. Жоспарланған қабылдауды ұйымдастыру үшін мейіргер ісі маманы:

1) өзінің қабылдауы мен МСАК ұйымының дәрігерінің қабылдауына жазуды күнделікті мониторингтеуді және өзектілендіруді;

2) қабылдауға жазылу графигіне сәйкес пациентті сәйкестендіру;

3) жүгіну мақсатын, консультациялық-диагностикалық қызметтер нәтижелерінің болуын анықтау үшін пациентке алдын ала қоңырау шалу;

4) алдын ала (қабылдау күніне дейін 1 күннен кешіктірмей) МСАК ұйымының дәрігерін пациенттің жүгіну мақсаты туралы хабардар етеді және консультациялық-диагностикалық қызметтің нәтижелерін (бар болса) ұсынады;

5) МСАК ұйымының дәрігерінің тағайындауы бойынша қосымша консультациялық-диагностикалық қызметтерге жолдама қалыптастыруды және пациентке қызмет алу қажеттілігі туралы хабарлауды;

6) қажет болған жағдайда қосымша консультациялық-диагностикалық қызметтер алу үшін уақытын ескере отырып, пациенттің қабылдауға жазылуын түзетуді жүргізуді;

7) МСАК ұйымының дәрігеріне жоспарланған қабылдауды жүргізу үшін консультациялық-диагностикалық қызметтер нәтижелерінің дайындығы туралы хабарлауды жүзеге асырады.

92. Мейіргер ісі маманы:

1) әмбебап-прогрессивті патронаж моделіне сәйкес жүкті әйелдер мен 5 жасқа дейінгі балалардың патронажын;

2) жүкті әйелдердің, босанған әйелдердің, балалардың медициналық және әлеуметтік қаупін анықтауды және қауіп дәрежесін белгілеуді;

3) МСАК ұйымының дәрігеріне учаскедегі әйелдер мен балаларда анықталған медициналық және әлеуметтік қауіптер туралы хабарлауды;

4) әмбебап-прогрессивті патронаж моделі шеңберінде әлеуметтік кейстер бойынша есепті құжаттаманы жүргізуді;

5) созылмалы аурулары бар адамдарды динамикалық байқау жоспарын жасауды;

6) профилактикалық егулермен қамту жөніндегі жоспарды, есепті жасау және иммундау профилактикасы мақсатында жоспарланған қабылдауларды ұйымдастыруды;

7) бекітілген халықты скринингтік зерттеулермен қамту жөніндегі жоспар мен есепті жасауды;

8) пациенттерді скринингтік зерттеулерге шақыруды;

9) патронаж нәтижелерін МАЖ-ға енгізуді жүргізеді.

93. Мейіргер ісі маманы үйге актив арқылы баруды:

1) жүкті әйелдер мен босанған әйел белгіленген күннен кейін 3 күн ішінде қабылдауға келмегенде;

2) босанған әйелдің бекітілген мәртебесіне қарамастан, акушерлік-гинекологиялық көмек көрсететін денсаулық сақтау ұйымдарынан келіп түскен мәліметтер бойынша қызмет көрсетілетін аумаққа келген;

3) инфекциялық аурулар эпидемиясының туындау қатері, оның ішінде үйлерді аралау жолымен вакцинациядан бас тартқан адамдарды немесе инфекциялық аурумен ауыратын науқастарды, олармен байланыста болған адамдарды және инфекциялық ауруға күдікті адамдарды анықтаған кезде жүргізеді.

94. Кешенді тәсілді талап ететін күрделі клиникалық жағдайларды қарау үшін МСАК ұйымдарында мультипәндік топ құрылады, оның құрамы мен қызметі туралы ереже денсаулық сақтау ұйымының бірінші басшысымен бекітіледі және созылмалы аурулары бар пациенттерге медициналық көмек көрсетуге кешенді жеке тәсілді қамтамасыз ететін мамандар енгізіледі.

95. Мультипәндік топ құрамына:

МСАК ұйымының дәрігері;

пациенттің ауру сипатына қарай бейінді мамандар, оның ішінде педиатр, терапевт, акушер-гинеколог;

мейіргерлер (кеңейтілген практика, учаскелік, жалпы практика);

психолог;

әлеуметтік қызметкер;

СӨС мамандары кіреді.

96. МСАК ұйымының дәрігерінің жұмыс уақыты 8 (сегіз) сағатты құрайды, оған пациенттерді қабылдау (кемінде 6 (алты) сағат), құжаттамамен жұмыс, оның ішінде пациенттің жай-күйін бағалау және қажетті түзету іс – шараларын жүргізу үшін зертханалық-диагностикалық қызметтердің алдын ала дайындалған нәтижелері бар пациенттерді қабылдауға дайындау кіреді (бұдан әрі-жоспарланған қабылдау).

97. МСАК ұйымының дәрігерінің қабылдау уақытының ұзақтығы:

1) пациенттің жүгінуі бойынша (жоспарланбаған қабылдау) – 15 (он бес) минутты;

2) жоспарланған қабылдау – 10 (он) минутты;

3) профилактикалық қарап-тексеру – 10 (он) минутты;

4) динамикалық байқауға жататын созылмалы аурулары бар пациенттерге уәжді консультация беру-кемінде 30 (отыз) минутты құрайды.

98. МСАК ұйымының дәрігері пациентті қабылдап, мыналарды жүзеге асырады:

1) қабылдауға жазылу графигіне сәйкес пациентті сәйкестендіру;

2) шағымдарды жинау;

3) пациентті объективті қарап-тексеру;

4) артериялық қысымын өлшеу;

5) пациенттің объективті жай-күйін бағалау;

6) консультациялық-диагностикалық қызметтер нәтижелерін түсіндіру;

7) қосарласқан ауруларды есепке алу және анықтау;

8) қосымша зерттеп-қарау әдістеріне жолдама ресімдеу;

9) көрсетілімдер бойынша диагностика мен емдеудің клиникалық хаттамаларына сәйкес түпкілікті диагноз қою үшін бейінді мамандардың консультациясын тағайындау;

10) пациенттің бағдарын айқындай отырып, жеке бақылау және/немесе емдеу жоспарын жасау (мейіргер ісі маманының, МСАК ұйымының дәрігерінің, бейінді маманның байқауы);

11) осы қосымша зерттеп-қарауда анықталған аурулар мен ауытқуларды ескере отырып, емдеуді түзету.

99. Амбулаториялық жағдайларда қатерлі ісіктер анықталған немесе оған күдік болған кезде МСАК маманы пациентке "Жасыл дәліз" (бейдж) карточкасын береді, "1-онко сақтық" маркерін қояды және кезектен тыс бағдар бойынша № ҚР ДСМ-112 бұйрығына сәйкес қосымша зерттеп-қарауға жібереді.

100. МСАК ұйымының дәрігері үйге актив арқылы баруды:

1) жүкті немесе босанған әйел босандыру ұйымдарынан шығарылғаннан кейін 3 тәулік ішінде;

2) жаңа туған нәресте босандыру ұйымдарынан шығарылғаннан кейін 3 тәулік ішінде патронаж;

3) қозғалысы шектелген кезде ауыр жағдайы бар пациенттерден стационардан шығару үзіндісі немесе жедел медициналық жәрдем станциясынан ақпарат (активтер) берілген кезде жүргізеді.

101. МСАК ұйымдарында педиатрлардың медициналық қызметтер көрсетуі № ҚР ДСМ-25 бұйрыққа сәйкес мамандандырылған медициналық көмек түрінде жүзеге асырылады.

102. МСАК ұйымдарында педиатрлар мен терапевттердің медициналық қызметтер көрсетуі учаскелерден тыс мамандандырылған медициналық көмек түрінде жүзеге асырылады.

Педиатр:

1) балалар ауруларын диагностикалау және емдеу бойынша жалпы практика дәрігеріне, оның ішінде мультипәндік топтың құрамында консультациялық көмек көрсетуді;

2) вакцинация егу алдында балалар жастағы пациенттерді қарап-тексеруді;

3) көрсетілімдер бойынша мобильді бригаданың балалар жасындағы пациенттерге бару кезінде консультациялық көмекті;

4) балалық шақтағы ауруларды ықпалдастыра қадағалап қарау және балаларды әмбебап-прогрессивті патронаждық байқау бойынша жұмысты үйлестіруді;

5) бала даму кабинетінің немесе баланың ерте араласу және даму орталығының жұмысын үйлестіруді жүзеге асырады.

Терапевт:

1) ауруларды диагностикалау және емдеу бойынша жалпы практика дәрігеріне, оның ішінде мультипәндік топтың құрамында консультациялық көмекті;

2) фертильді жастағы әйелдерді жүктілікке дайындау іс-шаралары;

3) экстрагенитальды аурулары бар жүкті әйелдерді динамикалық байқауды;

4) көрсетілімдер бойынша мобильді бригада шыққан кездегі консультациялық көмекті;

5) егде жастағы пациенттерге консультациялық көмек көрсетуді жүзеге асырады.

103. Пациенттер инфекциялық ауру немесе оған күдігі бар белгілерімен МСАК ұйымына жүгінген кезде медициналық көмекті МСАК мамандары алдын ала жазылусыз фильтрде жүзеге асырады.

104. МСАК ұйымының бірінші басшысының шешімі бойынша осы Стандартқа 3,4-қосымшаларға сәйкес құрамын, жарақтандырылуын регламенттейтін кезек күттірмейтін көмек кабинеті мен мобильді бригадалардың қызметі туралы ереже бекітіледі.

105. Пациенттерге кезек күттірмейтін жағдайға байланысты медициналық көмек олардың бекітілуіне қарамастан көрсетіледі.

106. Кезек күттірмейтін көмек кабинетінде:

1) жіті аурулар немесе өмірге қауіп төндіретін айқын белгілері жоқ созылмалы аурулардың өршуі (оның ішінде асқынусыз ауырсыну синдромы және артериялық гипертензия);

2) терінің және тері астындағы тіннің жіті қабыну және аллергиялық аурулары;

3) жеңіл жарақаттар ( жеңіл жаралар, күйіктер, ұрылу, көгеру) кезінде көмек көрсетіледі.

107. Шұғыл емдеуге жатқызуға көрсетілімдері бар пациентке тәулік бойы стационарға тасымалдау үшін кезек күттірмейтін немесе жедел медициналық жәрдем бригадасын шақырту қамтамасыз етіледі.

Пациенттерді шұғыл тәртіппен стационарға емдеуге жатқызу МСАК мамандарының жолдамасынсыз жүзеге асырылады.

108. МСАК ұйымдарында мобильді бригадалар кезек күттірмейтін медициналық көмек көрсету және үйге шақыруларға қызмет көрсету үшін 25 мың халыққа шаққанда 1 (бір) мобильді бригада есебінен құрылады (жеделдіктің 4 (төртінші) санаты)). Ұйымға бекітілген халық саны 25 мыңнан аз болған кезде кемінде 1 (бір) мобильді бригада құрылады. Мобильді бригадалар саны эпидемиологиялық жағдайдың өзгеруіне, географиялық орналасуына, қызмет көрсету аумағының ұзақтығына, ұсынылатын есептеулерге халықтың өмір-сүру тығыздығына байланысты ұлғаяды.

109. МСАК жұмыс уақытында жедел медициналық жәрдем қайта жіберген жеделдіктің 4 санатындағы қоңырауларға қызмет көрсету үшін мобильді бригаданың жұмыс режимі № ҚР ДСМ-225/2020 бұйрығына сәйкес белгіленеді.

110. Мобильді бригаданың жұмысын үйлестіруді МСАК ұйымының жедел жәрдем бөлімшесінің/кабинетінің басшысы (дәрігері) жүзеге асырады, ол мобильді бригаданың құрамын айқындайды және мынадай себептерге сәйкес олардың шығуын ұйымдастырады:

1) үйде медициналық көмекті және консультацияны талап ететін өз бетінше қозғалу қабілеті шектелген кезде үйге шақыртуларға қызмет көрсету;

2) шақырту сәтінде 5 жасқа дейінгі балалардың дене қызуының 38°С жоғары болған кезде үйге активтің баруы;

3) олардың жай-күйі өз бетінше жүгінуге мүмкіндік бермейтін тәулік бойғы стационардан шығарылғаннан кейін диспансерлік есепте тұрған пациенттерге қызмет көрсету;

4) айналасындағыларға қауіп төндіретін жай-күйлер (инфекциялық науқастармен байланыстың болуы, денеде бөртпе пайда болуы, инкубациялық кезең аяқталғанға дейін инфекциялық аурулар).

111. Үйге шақыруларға қызмет көрсету жұмыс күні ішінде жүзеге асырылады.

112. Халыққа МСАК "Халык денсаулығы және денсаулық сақтау жүйесі" Кодексіне, осы Стандартқа, "Алғашқы медициналық-санитарлық көмек көрсету қағидаларын бекіту туралы" Қазақстан Республикасы Денсаулық сақтау министрінің 2021 жылғы 24 тамыздағы № ҚР ДСМ-90 бұйрығына (Нормативтік құқықтық актілерді мемлекеттік тіркеу тізілімінде № 24094 болып тіркелген) (бұдан әрі – № ҚР ДСМ-90 Бұйрығы) және денсаулық сақтау саласындағы басқа нормативтік-құқықтық актілерге сәйкес беріледі.

МСАК көрсететін ұйымдар мамандарының дағдылары мен құзыреттерінің көлемі МСАК ұйымы дәрігерінің медициналық көрсетілетін қызметтері

МСАК ұйымының дәрігері үшін практикалық дағдылар тізбесіне мыналар кіреді:

Отбасы(лар) мейіргері, кеңейтілген практика мейіргері өз бетінше қабылдауда мыналарды жүзеге асырады:

Әлеуметтік қызметкер қабылдауда мыналарды жүзеге асырады:

Психолог қабылдауда мыналарды жүзеге асырады:

Қысқартулар:

МП – медициналық пункт,

ФАП – фельдшерлік-акушерлік пункт,

ДА – дәрігерлік амбулатория,

МСАК Орталығы – медициналық-санитариялық алғашқы көмек орталығы

Республикалық МСАК орталығы – Республикалық медициналық алғашқы санитариялық көмек орталығы

МСАК көрсететін медициналық ұйымдары бөлімшелерінің (кабинеттерінің/бөлімшелерінің) құрылымы

Қысқарту:

ТБ – талап етуі бойынша

Бұл құрылым ең төмен болып табылады және нақты жергілікті жағдайлар мен қажеттіліктерді ескере отырып, сондай-ақ медициналық ұйымның бірінші басшысының шешімі бойынша облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарымен толықтырылуы және нақтылануы мүмкін.

МСАК көрсететін ұйымдардың штаттық нормативтері

Ескертпе: Педиатр дәрігер, акушер-гинеколог, гериатр, клиникалық фармаколог, уролог-андролог, дерматовенеролог, "Стоматология" мамандығы бойынша жоғары медициналық білімі бар маман/ "Стоматология"/ мамандығы бойынша техникалық және кәсіптік медициналық білімі бар маман/ тіс дәрігері (дантист)/ стоматологиялық гигиенистте жұмыста бейіндік стандарттарды басшылыққа алады:

- "Қазақстан Республикасында педиатриялық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2022 жылғы 15 наурыздағы бұйрығы №ҚР ДСМ-25 (Нормативтік құқықтық актілерді мемлекеттік тіркеу тізілімінде №27182 болып тіркелген);

- "Қазақстан Республикасында акушерлік-гинекологиялық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2021 жылғы 26 тамыздағы № ҚР ДСМ-92 бұйрығы (Нормативтік құқықтық актілерді мемлекеттік тіркеу тізілімінде №24131 болып тіркелген);

- "Қазақстан Республикасында гериатриялық және геронтологиялық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2021 жылғы 23 маусымдағы № ҚР ДСМ - 55 бұйрығы (Нормативтік құқықтық актілерді мемлекеттік тіркеу тізілімінде №23329 болып тіркелген);

- "Қазақстан Республикасында клиникалық фармакология бойынша медициналық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2023 жылғы 19 сәуірдегі № 75 бұйрығы (Нормативтік құқықтық актілерді мемлекеттік тіркеу тізілімінде №32338 болып тіркелген);

- "Қазақстан Республикасында урологиялық және андрологиялық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2023 жылғы 18 мамырдағы № 83 бұйрығы (Нормативтік құқықтық актілерді мемлекеттік тіркеу тізілімінде №32541 болып тіркелген);

- "Қазақстан Республикасында дерматовенерологиялық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2023 жылғы 20 наурыздағы № 43 бұйрығы (Нормативтік құқықтық актілерді мемлекеттік тіркеу тізілімінде №32114 болып тіркелген);

- "Қазақстан Республикасында стоматологиялық көмек көрсетуді ұйымдастыру стандартын бекіту туралы" Қазақстан Республикасы Денсаулық сақтау министрінің 2023 жылғы 24 ақпандағы № 31 бұйрығы (Нормативтік құқықтық актілерді мемлекеттік тіркеу тізілімінде №31970 болып тіркелген).

1. Бұл құрылым ең төмен болып табылады және нақты жергілікті жағдайлар мен қажеттіліктерді ескере отырып, сондай-ақ медициналық ұйымның бірінші басшысының шешімі бойынша облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарымен толықтырылуы және нақтылануы мүмкін.

2. Жалпы практика дәрігері болмаған жағдайда фельдшермен алмастыруға жол беріледі;

3. Инфекциялық аурулардың ұлғаюы кезеңінде қосымша лауазымдар қалыптастырылады;

4. Орталықтандырылған зертхана болмаған жағдайда.

5. Штаттық кестеде лауазымды қарастыру ұсынылады, бірақ міндетті болып табылмайды;

6. Жергілікті атқарушы органдардың шешімі бойынша.

МСАК көрсететін ұйымдарды материалдық-техникалық жарақтандыру

Бұл құрылым ең төмен болып табылады және нақты жергілікті жағдайлар мен қажеттіліктерді ескере отырып, сондай-ақ медициналық ұйымның бірінші басшысының шешімі бойынша облыстардың, республикалық маңызы бар қалалардың және астананың денсаулық сақтауды мемлекеттік басқарудың жергілікті органдарымен толықтырылуы және нақтылануы мүмкін.

ТБ-талап етуі бойынша

МСАК деңгейінде көрсетілетін медициналық қызметтердің тізбесі

МСАК көрсететін ұйымға жүгіну себептері

Мейіргерлік диагноздар жіктемесі

2. Мейіргерлік араласулардың жіктемесі

Пациент алғаш рет жүгінген кезде көрсетілетін МСАК қызметтерінің тізбесі