Эхокардиография

Эхокардиография (ЭхоКг) – бұл қазіргі заманғы жоғары информативті инвазивті емес ауырсынусыз және қауіпсіз жүрек қантамыр жүйесінің диагностикалау әдістерінің бірі болып табылады.

Эхокардиография (ЭхоКг) мүмкіншілік береді:

Жүрек қуыстарының көлемдерін анықтауға
Жүрек клапандарының жағдайын және олардың қызметін бағалауға
Жүрек қабырғаларының қалыңдықтарын анықтауға
Жүрек қарыншаларының жиырылу мүмкіншіліктерін бағалауға
Жүректегі миокард инфарктінен кейінгі тыртықты өзгерістерді анықтауға
Жүрек ішіндегі қан қозғалысын бағалауға
Аорта және өкпе сабау артерияларын бағалауға
Перикардтың жағдайын бағалауға

Эхокардиография (ЭхоКг) өткізуге көрсеткіштер:

Жүректің ишемиялық аурулары (ЖИА);
Миокард инфарктісі (МИ);
Артериальді гипертензия (АГ);
Туа біткен және жүре пайда болған жүрек қантамыр ақаулары;
Ревматизм;
Нейроциркуляторлы дистония, кардиалды және гипотоникалық типі;
Жүрек өткізгіштігінің және ырғағының бұзылыстары;
СЖЖ;
Жүректегі шуылдар;
Өткерілген ауыр формалы грипп және баспа;
Жүректегі ісіктер (миксома, рабдомиома, папиллярлы фиброэластома);
Кардиомиопатияларды анықтау
Миокардиттер диагностикасы
Жүрекке операция жасағаннан кейінгі жағдайды бағалау
Жүрек клапандарының орнына қойылған аппараттар жағдайын бағалау
Кез келген жағдайда қолдануға болады

Эхокардиография (ЭхоКг) қарсы көрсеткіштері:

Кеуде клеткасының күйіктері
Жарақаттары
Кеуде деформациялары

ЭхоКг түрлері: Екі кесінділі ЭхоКг-жүрек көрінісі ұзыннан және қысқа ось бойында нақты уақытта жүргізеді. Жүрек қуыстарынң көлемін анықтауға, жүрек қабырғаларының қабырғаларын анықтауға, клапанды аппарат жағдайын бақылауға, клапан түбі құрылымдарын. Қарыншалардың жиырылу мүмкіншіліктерін, тромбтың немесе бөгде заттың қуыста болуын анықтауға мүмкіндік береді.

М режим: Уақыт кезіндегі жүрек қабырғаларының және қақпақшаларының графикалық бейнеқозғалысы ретінде. Бұл нақты уақытта жүректің көлемін және қарыншалардың систолалық функциясын бағалауға мүмкіндік берді. Қазіргі кезде ЭхоКг кезінде өлшеуіштер үшін көмекші режим ретінде қолданылады.

Доплер Эхокардиография (ЭхоКг): Импульсті үзіліссіз толқынды түсті, түсті М, режим энергетикалық , тіндік түсті, тіндік импульсті, тіндік С режим және т.б. Орталық гемодинамиканы бағалауға мүмкіндік беретін инвазивті емес әдіс. 1980 жылдан бері қолданылады. Доплер әдісімен зерттеу топографиялық анатомияны және жүрек гемодинамикасын бағалауға мүмкіндік береді.

Өңеш арқылы Эхокардиография (ЭхоКг): Өңеш арқылы арнайы датчиктерді қолдану арқылы жүргізіледі. Бұл әдістің мүмкіншілігі өте жоғары. Өңеш стриктурасы қарсы көрсеткіш болып табылады. Арнайы трансдьюсер өңеш арқылы еңгізіліп, оның ортасында орналастырылады, сол жақ жүрекше маңайына. Бұл өте сапалы жүректің барлық құрылымдары туралы мәлімет алуға мүмкіндік береді. Өңештік трансдьюсер арқылы екіөлшемді кескін алуға және түсті доплер әдісін қолдануға да мүмкіндік береді. 180 градусқа бұруға мүмкіндік бар. Жүрек клапандарын ауыстыру және окклюзиялаушы аппараттармен хирургиялық араласулар кезінде қолданылады.

Стресс – эхокардиография әдісі – физикалық күштеме кезіндегі қан айналым жеткіліксіздігі немесе кейбір дәрілік препараттарды енгізу әсерінен (добутамин) жүрек бұлшықет аймағының жиырылу қабілеттілігінің бұзылуы. 1979 жылы физикалық күштеме кезіндегі эхокардиографияны алғаш рет Wann қолданған. Бұл кезде толық клиникалық қолданылуларды қамтамасыз ету үшін эхокардиографиялық аппаратура толық қалыптаспаған. Қазіргі уақытта екі әдісті қабілеттілігі бар эхокардиогафияның жақсаруы мен компьютерлі әдістерді енгізуіне байланысты стресс-эхокардиография жүректің ишемиялық ауруындағы диагностикасында жақсы альтернативті, қымбат изотопты әдістің бірі болып саналады. Егер изотопты зерттеулерді жүргізген кезде мүмкіндік болмаса немесе қиыншылық туса, жүректің ишемиялық ауруы диагностикасында стресс-эхокардиография ең жақсы инвазивті емес әдіс болып табылады.

Үш және төртөлшемді жүрек модельденуі Компьютерлі кескін арқылы жүрек камераларының көлемді кескінін, қақпақшалар жармаларының өлшемін, қанайналым деңгейін анықтауға мүмкіндік береді.

Тамырішілік ультрадыбыс: Коронарлы артерияларды арнайы кіші диаметрлі датчиктерді қолдану арқылы тамырішілік зерттеу. Инвазивті, ультрадыбысты әдіс болып табылады. Коронарографиямен бірге қолданылады.

Контрасты эхокардиография (ЭхоКг): Жүректің оң жақ камераларын дефектілерін анықтауда немесе сол жақ камераларда миокард перфузиясын зерттеуде қолданылады. Бұл әдістің маңыздылығы, миокард сцинтиграфиясымен бірдей болып келеді. Оң әсері болып, сәулелі жүктеменің болмауы есептеледі. Теріс әсері, инвазивтілігі және препараттардың қымбаттылығы (левовист, альбунекс).

Эхокардиография ЭхоКг өткізу техникасы: Зерттеу техникасы өте қарапайым, бірақ бұл зерттеуді арнайы дайындалған маман жүргізуі шарт. Осымен қатар бір полюсті әкетпедегі ЭКГ тіркемесімен бірге жазылады. Зерттеу кезінде науқас сол жақ қырында немесе арқасында жатады. Датчикті әртүрлі позиция бойынша дәрігер өзі таңдап орнатады.

Жүректі ультрадыбысты зерттеудің негізгі кесінділері: 1. Сол жақ парастернальды 2. Апикальды 3. Субкостальды 4. Супрастернальды 5. Оң жақ арастернальды

ЭХОКАРДИОГРАФИЯ

Допплерэхокардиография анықтауға мүмкін береді:

Митральды және үш жармалы қақпақшаның аумағын өлшеуге;
Кардиогемодинамиканың көрсеткіштерін сапалы бағалауға.
Жүректе қанның қақпақшаларға патологиялық бағытын және жүрек қуысы мен ірі қан тамырлардың аномалиясын;
Қанның қалыпты бағытындағы турбуленттілігін;
Жүректің ишемиялық ауруы,
ЖИА, идиопатиялық гипертрофиялық субаортальды стеноз болса.
ЖИА-мен, миокард инфарктісімен, артериальді гипертензиямен, туа пайда болған жүрек ақауларымен, кардиомиопатия.
Жүрек жетіспеушілігі кезінде.

Стресс-эхокардиогрфия көрсеткіштері:

Жүрекішілік өткізгіштіктің бұзылуы.
Сол жақ қарыншаның айқын гипертрофиясы.
Миокард инфарктың өткізген қауіп тобын анықтау.
Жүректің ишемиялық ауруы.
Дигоксин сияқты препараттарды ұзақ қабылдауда.

Стресс-эхокардиографияға қарсы көрсеткіштер:

Миокард инфарктының жедел стадиясы;
Тұрақты емес стенокардия;
Айқын жүрек жетіспеушілігі;
Жүрек аневризмасы;
Қолқалық стеноз;
Ауыр жүрек ақауы;
Жедел тромбофлебит;
Қызбалық жағдай;

Маңыздылығы

Эхокардиографтың мобильділігі
Миокард қалындық деңгейін бағалау мүмкіндігі
Қауіпсіз зерттеу
Көптеген зерттеуді жүргізу мүмкіндігі
Инвазивті емес
Жүрек жұмысын оқуындағы кең спектрлі мүмкіндік
Зерттеу бағасы салыстырмалы жоғары емес

Ұқсас материалдарды қарай кетіңіз:

Эхокардиография

Добавить комментарий Отменить ответ