Гиперлипемия

Гиперлипемия (грек. hyper- жоғары, басым + lipos- май+ haima-қан) – қанда майлардың жоғарылауы (қалыпты мөлшері 3,5-8,0 г/л)

Липурия ( грек. lipos- май + uron – несеп, май)  – зәрде майдың пайда болуы.

Стаеторея ( грек. stear, statos –май + rhoia – ағу) – нәжісте майдың, май қышқылдарының немесе сабынның көп мөлшерде болуы.

Майлы инфильтрация ( лат. in – ішке + filtration – сүзу ) – май тініне қатысы жоқ жасушаларда майлардың артығымен жиналуы.

Майлы дистрофия ( грек. dys –бұзылу, trophe – қоректену ) – май жасушаларының протоплазамасының бұзылуымен қабаттасатын, май тініне қатысы жоқ жасушаларда майлардың арты.ымен жиналуы.

Майлы декомпозиция ( грек. decompositio – қайта құрылу ) – нәруыздық-липидтік комплекстердің бұзылуынан жасушаларда майдың жиналуы.

Кетоз – бауырда кетондық денелердің түзілуі (ацетон, ацетосірке және бетагидроскимай қышқылдары), олардың тіндерде тотығуынан басым болуымен сипатталатын аралық май алмасуының бұзылуы.

Семіздік – майлы тіндерде майдың артығымен жиналуы.

Гиперпластикалық семіру – май жасушаларының саныгың көбеюіне байланысты май тіндерінде майдың артығымен жиналуы.

Гипертрофиялық семіру – май жасушаларының көлемінің ұлғаюына байланысты май тіндерінде майдың артығымен жиналуы. Бозбала шақта жиі кездеседі.

Атеросклероз ( грек. athere – ботқа + scleros – қатты ) – артериялардың интимасында липидтердің, көмірсулардың күрделі косындыларының, қан элементтерінің және қанайналымдағы өнімдердің ошақты жиналуымен, дәнекер тіндердің түзілуімен және кальцийдің шоғырлануымен көрінетің көптеген өзгерістердің жиынтығы.

Дислипопротеинемия ( грек. dys – бұзылу + lipos- май + protos – бірінші + haima – қан ) – түрлі липопротеидтердің арасындағы қатынастардың бұзылуы.

Атерогендік липопротеидтер (грек. athere – ботқа + genes – туындау ) – атеросклероз дамуына ықпал ететін липопротеидтер; оларға тығыздығы төмен және тығыздығы өте жоғары липопротеидтер жатады.

Антиатерогендік липопротеидтер – атеросклероз дамуына кедергі келтіретін липопропротеидтер; оларға тығыздығы жоғары липопротеидтер жатады.

Атерогендік коэффициент

Жалпы холестерин – Холестерин ТЖЛП

К=———————————————————————

Холестерин ТЖЛП

Қалыпты жағдайда 3-ке тең. ОСы коэффициент жоғарылаған сайын жүректің ишемиялық ауруының даму қауіпі өседі.

Қажетті материалды таппадың ба? Онда KazMedic авторларына тапсырыс бер

Гиперлипемия

error: Материал көшіруге болмайды!