Оң жақ білек сүйектерінің ортаңғы үштен бір бөлігінің жабық, ығысқан сынуында тасымалдаушы шинаны салу алгоритмі

Қадам №			Практикалық дағды және оны қадамдап (пошаговое) орындау	Қадамды дұрыс орындау
1.			Жарақаттанған қолына қарау жүргізу	1.Терінің түсін бағалау; 2. Қолдың дистальді бөлігінде пульсация және сезімталдықты анықтау; 3. Сынықтың орналасқан жерін саусақпен сипалап анықтау.
2.			Оң жақ білектің ортаңғы үштен бір бөлігіндегі сынған аймаққа новокаинді блокада жасау	1. Қолды 70% – 3-4мл спирт ерітіндісіне малынған шарикпен өңдеу; стерильді қолғапты кию; 2. Сынық аймағын 70% спирт немесе иоданат ерітіндісіне малынған шарикпен екі рет өңдеу; 3. Бір реттік (одноразовый) шприцке 0,5% – 20,0 новокаин ерітіндісін сорып алу; 4. Сынық аймағына дайындалған анестетикті жіберу (енгізу); 5. Инъекция орнын 70% спирт ерітіндісіне малынған дәкелі шарикпен өңдеу; 6. Асептикалық таңғышты салу және оны лейкопластырмен бекіту.
3.		Тасымалдаушы шинаны таңдау және жұмысқа дайындау		1.Қолды бекітуге араналған тасымалдаушы шинаны мөлшері бойынша таңдау (Крамер шинасы, сатылы шина), оның мөлшерін, сау қолдың ұзындығын сантиметрлік лентамен немесе дәкелі бинтпен өлшеу арқылы анықтау; 2.Қолдың контуры бойынша тасымалдаушы шинаны даярлау.
4.		Оң жақ білектің ортаңғы үштен бір бөлігіндегі сынық аймағын тасымалдаушы шинамен бекіту		1.Қолдың контуры бойынша даярланған шинаны жарақаттанған қолға салу; 2.Тасымалдаушы шинаны жоғары және төмен орналасқан буындарды қамтып, қолға дәкелі бинттің жолақтарымен (туры) бекіту;
5.	Иммобилизацияланған қолды денеге бекіту			Бекітілген қолды дәкелі таңғышқа орналастырып, мойынға асып қою, таңғыштың бос шеттерін мойында түйіндеп байлау.

Оң жақ сирақ сүйектерінің ортаңғы үштен бір бөлігінің ашық, ығысқан сынуында тасымалдаушы шинаны салу алгоритмі

Қадам №			Практикалық дағды және оны қадамдап (пошаговое) орындау	Қадамды дұрыс орындау
1.			Жарақаттанған аяғына қарау жүргізу	1.Терінің түсін бағалау; 2. Аяқтың дистальді бөлігінде пульсация және сезімталдықты анықтау; 3. Сынықтың орналасқан жерін анықтау; 4. Жараның жағдайын бағалау (мөлшері, тері жағдайы, бос бөлшектердің болуы, қан кету).
2.			Манипуляцияны орындау үшін қолды өңдеу	1.Кранның астында сумен қолды сабындап жуу және орамалмен кептіру; 2. Қолды 70% – 3-4мл спирт ерітіндісіне малынған шарикпен өңдеу; 3.Стерильді қолғапты кию және қолды 70% – 3-4мл спирт ерітіндісіне малынған шарикпен қайталап өңдеу;
3.		Сирақтың ашық сынған аймағына новокаинді блокада жасау		1. Жара шеттерін және айналасындағы тіндерді 70% спирт немесе иодонат ерітіндісіне малынған шарикпен екі рет өңдеу; 2. Бір реттік шприцке 0,5% – 20,0 -40мл новокаин ерітіндісін сорып алу; 3. Анестетикті сынық аймағындағы қоршаған тіндерге барлық жағынан енгізу;
4.		Сирақтың жарасын өңдеу		1.Бөгде заттарды, бос сүйек бөлшектерін анықтау үшін жараға ревизия жасау, оларды алып тастау; 2. Жараны 3% -20 -50мл сутегінің шала тотығы ерітіндісі, содан кейін антисептик – 200-300мл фурациллин немесе хлоргексидин ерітінділерімен жуу; 3.Жараны дәкелі салфеткамен кептіру; 4.Жараны стерильді дәкелі салфеткамен жабу және лейкопластырмен бекіту.
5.	Тасымалдаушы шинаны таңдау және салуға дайындау			1.Аяққа арналған шинаны мөлшері бойынша (Крамер шинасы, сатылы шина) таңдау, оның мөлшерін, сау аяқтың ұзындығын сантиметрлік лентамен немесе дәкелі бинтпен өлшеу арқылы анықтау; 2. Аяқтың контуры бойынша тасымалдаушы шинаны даярлау.
6	Сынық орнын тасымалдаушы шинамен бекіту			1.Аяқтың контуры бойынша даярланған шинаны жарақаттанған аяққа салу; 2. Тасымалдаушы шинаны жоғары және төмен орналасқан буындарды қамтып, аяққа дәкелі бинттің жолақтарымен (турами) бекіту;