Атриовентрикулярлы кедергі

Атриовентрикулярлы блокада

Атриовентрикулярлы кедергі дегеніміз бұл электр импульстерінің жүрекшелерден қарыншаларға өткізгіштігінің бұзылуы.

• Кедергі өткізгіш жүйенің кез-келген бөлігінде болуы мүмкін:
• Жүрекшелер деңгейінде, АВ-түйін немесе Гис шоғырының негізгі тармағы деңгейіндегі кедергілерді проксимальды атриовентрикулярлы кедергі дейміз;
• Гис щоғырының барлық үш тармағы деңгейіндегі кедергілерді дистальды атриовентрикулярлы кедергі дейміз.

Атриовентрикулярлық кедергілер кездеседі:

• Жүрек ишемиялық ауруында;
• Ревмокардитте;
• Жіті миокард инфарктында және жүректің басқа ауруларында;
• Ересектерде Лев және Ленегра аурулары;
• Қатерлі өсінділер (әсіресе мезотелиома);
• Сонымен қоса жүрек гликозидтерімен, β-адреноблокаторлармен, хинидинмен, верапамилмен, кальций антогонистерімен уланған кезде;
• Кезеген нервтің жоғары сезімталдығы;
• Қан аурулары т.б;
• Туа пайда болған жүрек ақаулары

Жіктелуі:

Атриовентрикулярлы кедергілердің үш дәрежесін ажыратады:

• I дәрежелі атриовентрикулярлы кедергі;
• II дәрежелі атриовентрикулярлы кедергі.
• I тип (Мобитц I)
• II тип (Мобитц II)
• III тип

I дәрежелі АВ кедергі.

Бұл АВ-өткізгіштің бәсеңдеуі, яғни барлық импульстер бұл кезде  жүрекшелерден қарыншаларға өтеді, бірақ қалыптыдан кідіруі.

• P-Q интервалы 0,20 с. ұзақ.
• Жүрекшелік түрінде P-Q интервалы ұзарады, Р тісшесі ұлғаяды (0,11 с. ұзақ), бөлшектенген болады, QRS өзгермейді;
• Түйінді түрінде P-Q сегменті ұзарады, QRS өзгермейді;
• Дистальды түрінде P-Q ұзарады, QRS кешені деформацияға ұшырайды.

II дәрежелі АВ кедергі.

Жеке электр импульстерінің жүрекшелерден қарыншаларға өтуі кезінде қайталанып отыратын өткізгіштіктің тоқтауы.

ЭКГ-да:

• QRST түсіп қалады;
• Р тісшесі болады.

Жүрекшелік және қарыншалық ырғақтардың сәйкестілігі:

• 2:1 – екі Р тісшесіне бір QRST кешені сәйкес келеді;
• 3:2 – үш Р тісшесіне екі QRST кешені сәйкес келеді;
• 4:3 – төрт Р тісшесіне үш QRST кешені сәйкес келеді және т.б.

II дәрежелі АВ кедергінің 3 түрі бар:

I түрі (Мобитц I): АВ түйінінің өткізгіштігінің баяулауы, сонымен қоса бір немесе бірнеше электр импульстерінің толық тоқтауы.

ЭКГ-да:

• P – Q интервалының ақырындап ұзаруы;
• QRST кешенінің түсіп қалуы;
• Үзілістен кейін ЭКГ қалпына келеді.
• P – Q интервалының ақырындап ұзарып барып QRST кешенінің түсіп қалуын Самойлов-Венкебах кезеңі деп атайды.

II түрі (Мобитц II):

• P-Q қалыпты;
• Жекелеген QRST түсіп қалған, ретсіз түсе береді;
• QRS кеңейген, деформацияланған.

III түрі: жоғары дәрежелі атриовентрикулярлы кедергі немесе асқынған II дәрежелі атриовентрикулярлы кедергі деп аталады.

ЭКГ-да: Әрбір екінші (2:1) QRST кешені, немесе екі және одан да көп кешен (3:1, 4:1 т.б.) түсіп қалады.

Клиникада:

• брадикардия;
• есінен тану;
• басының айналуы;

III дәрежелі АВ кедергі (толық атриовентрикулярлы кедергі)

Жүрекшелерден қарыншаларға  импульстердің өтпей толық тоқтауы, нәтижесінде жүрекшелер мен қарыншалар тәуелсіз жиырылады.

Гис шоғырының аяқшаларының біреуінде болады.

1. Жүрекшелік және қарыншалық ырғақтың толық бөлшектелуі;
2. Р — Р және R — R аралығы бірыңғай, бірақ R — R  Р — Р қарағанда көбірек;
3. Жүрекшелік жиырылу санының төмендеуі  40 — 60 рет мин немесе одан төмен;
4. Қарыншалық  QRS кешені кеңейген немесе деформацияланған.

Емі

АВ-кедергінің 1-ші дәрежесі және 2-ші дәрежесінде Мобитц I кезінде ем қажет емес. АВ – кедергінің 2-ші дәрежесі Мобитц IIтүрі және толық АВ-кедергі кезінде  үнемі ЭКС қажет. Медикаментозды ем ЭКС алдында ғана жасалады, жеке ем ретінде қолданылмайды. ЭКС алдында қолданылатын басты препарат – атропин. Антидигоксин гемодинамикалық маңызды дигоксинмен шақырылған  АВ-кедергі кезінде қолданылады. Дозаны есептеу:

Флакон саны = салмағы (кг) × дигоксиннің қан сары сулық мөлшері (нг/мл) ⁄ 100

Бір флаконда 38 мг антидигоксин бар. Бір флакан құрамы 0,6 мг дигоксинмен байланысады.

ЭКС

Төменгі инфаркт миокардысы бар, толық АВ – кедергі кезінде уақытша ЭКС қолданылады. Алдыңғы миокард инфарктісімен толық АВ – кедергі кезінде үнемі ЭКС қажет. Жүре пайда болған АВ – кедергі кезінде де үнемі ЭКС қажет. Туа пайда болған толық АВ -кедергі кезінде ритм жиі болады, АВ – кедергі симптомсыз өтеді және ЭКС қажет етпейді.

Ұқсас материалдарды қарай кетіңіз:

1. Аритмиялар
2. Аритмияға қарсы препараттар
3. Жүрек ырғағы мен өткізгіштігінің бұзылысы (аритмиялар) кезіндегі көмек
4. Кардиологиядағы жүктемелік және функциялық сынамалар